مبتعث مستجد Freshman Member
كندا
ذبحني غلاك , ذكر. مبتعث مستجد Freshman Member. من السعودية
, مبتعث فى كندا
, تخصصى طالب
, بجامعة Simon Fraser
- Vancouver, British Columbia
- السعودية
- Jul 2008
المزيدl September 30th, 2008, 08:59 AM
ماشاء الله دخلتي جو معاك
إلا بسألك سوعال اللحين 3 ساعات ترانزيت بهيثرو يمديك
تضبط وضعك ولا مايمديك
لأن بغير الحجز فيه 3 ساعات وفيه 5 ساعات
ترانزيت وعلى فكرهـ أنا مع العائله الكريمه
طيب بسعلك سوعال ثاني
الشطنه كم مقاساتها المطلوبه
لو يكون تصورها ولا تضع مقاسات تكون ابطل واحد
وشكرا ننتظر تقريرك الأخر
ونوم العوافي وكل عام وأنت بخير
سعودي2006 September 30th, 2008, 09:36 AM
7 " ذبحني غلاك مشكور على النقل الرائع
بس حبيت اسئلك هل المشكله كان من حجم الشنطه؟؟؟
ولا من وزنها ؟؟
يعني عادي تكون الشنطه كبيره بالحجم بس ونها مايتعدى 23 ؟ انتظر جوابك
al_mawood September 30th, 2008, 10:08 AM
7 " رااااااااااااائع عورت قلبي والله واحس اني بكنسل السفره بعد 14 يوم
المشكله القلب مرررره رهيف << حنون
الله يستر شكلي بخليها مناحه لووووووول
الله يوفقك ننتظر الجزء الثاني
azooz3 September 30th, 2008, 10:38 AM
7 " اخــوي حــمدلله علــى الســلامه
وكــل عــام وانـت بخــير وعــاافيــه..
وان شــاء الله جــاي فانــكوفر يــوم 10\10
الله يــوفقــك
SOLTAN AL HARBI September 30th, 2008, 12:14 PM
7 " يا الله استمتعت بـ موضوعك وشوقتني في السفره
بس لابد من لحظات الحزن قبل السفر ,, وتحي ان الناس تحزن ع شان فرقاك بس راح ترفع روسهم ان شاء الله بالشهادة الي كل الناس تتمنهاا
ما اقول الا الله يوفقك ان شاء الله ويحقق امنياتك وترفع نفسك
وبأنتظار الجزء الثاني ع احر من الجمرررر
أحترامي
s3b-almNal October 1st, 2008, 02:50 AM
7 "
September 30th, 2008, 08:59 AM
.. السلام عليكم و رحمة الله و بركاته ..حيااااااااااكم الله في تقرير تفاصيل رحلتي من الرياض - فانكوفر .. كااامله و حاولو تستفيدون من
تجربتي ... فهمتوو ولآلآ ..
معطيات سريعـــة :
خط السير / الرياض - الدمام - لندن - فانكوفر .
شركات الطيران / الخطوط السعوديه و الخطوط الكنديه .
محطات الوقوف و مدة الوقوف / وقفنا في الدمام ساعه و نص تقريبا ً .. و في لندن 3 ساعات .
مدة الرحلات / الرياض الدمام - 45 دقيقه ..
الدمام لندن - 6 ساعات و25 دقيقه ..
لندن فانكوفر - 9 ساعات و 45 دقيقة تقريبا ً ..
وقت الإقلاع من الرياض / الساعه 11.55 الليل .. 27 سبتمبر .
تقييم شركات الطيران / الخطوط السعوديه كراسيها مريحه و ريحتها حلووه .. و طيارتهم رووعه و الأكل روعه .. الخطوط الكنديه كراسيها زفت وريحتها خايسه .. و طيارتهم خاااايسه و قديمه .. بس خدمتهم حلووه .. كل شوي جايين بشي ..
بس أختار السعودية أفضل من الكنديه ..
يالله جهزو نفسكم .. .. إلي بيتكلم أو يتسيمج .. الله يعينه ..
بسم الله نبدأ ..
أفطرت مع أهلي و بعدها صليت المغرب و رحت أحلق و أقابل أخوياي و سلمت عليهم وودعتهم
وبغيت أصيح بس ربكم ستر بس تدون وش القهر .. القهر إن أعز واحد من أخوياي ماسلمت عليه
ولا ودعته لأنه كااان زعلان مني و الله أكب قهر في حياتي بس كان الوقت ضيق و كنت لازم اسافر
ويوم ودعت أخوياي .. رحت للبيت عشان أجهز نفسي و ألقى أمي الغاليه جهزت كل شي الله يخليها
لي .. المهم .. جت الساعه 8 ولازم أنطلق و أسلم على أمي و أخواني آآه ذيك اللحظة تعور القلب
يجيك ألم في قلبك مهوب صاحي .. بس هاذي الدنيا .. و أبوي يصارخ في الشارع تأخرنا و تأخرنا ..
وانا سااااحب عليه و قاعد في حضن أمي .. المهم ودعت أهلي و ركبت مع البابا .. و مرينا
خويي لأن رحلته لجده بعدي بساعه و قال خلني اروح معك و أودع في المطار .. مريناه ورحنا
للمطار .. يوم حنا لى وشك نوصل قلبي قام يدق .. مهيب اول مره اروح للمطار بس هالمره غيررر
المهم .. وصلنا للمطار و ودعت ابوي و دخلت جواا .. خويي راح يسوي تشيك ان في الداخليه وانا
في الدوليه و أروح لكاونتر الخطوط السعوديه و أعطيه الجواز و التذاكر و قال وشذي الشنطة ؟
قلت وش فيها يبيلها محرم بعد ؟؟ قال تنكت .. قلت لاجد وشو .. قااال كبيررره .. قلت مشها يابن
الحلال .. قال لعيونك بمشيها .. قلت مشكور وماتقصر .. قال بس يمكن ترجع .. قلت افاا .. قال
هناك بيرجعونها .. قلت وانا اقول ليش موظفين الخطوط السعوديه طيبين ههههههههههههه ..
(( على الخطوط السعوديه الوزن المسموح 32كيلو .. اما الكنديه 23 كيلو ))
المهم و أروح و أشتري شنطة بـ 200 ريال .. و أروح افرغ و أخليها متوازنه .. و زانت الأمور
وقصيت البوردنج و تأكدت إني بستلمها في فانكوفر .. و صارمقعدي عند الشباك ..
(( لا أحد سوي ذيب و يقول بختار المقعد الي ابيه و يروح قبل الرحلة بـ 24 ساعه لمكتب الخطوط
السعوديه و يقص البوردنج .. لأنهم بيكرشونك .. لأن رحله لندن لها تختيم خاص وتدقيق خاص ))
و أروح أقعد مع خويي شوي في الكوفي تحت عند القادمون .. و يوم جاا موعد رحلتي و أروح
أودعه بدموووع .. و دخلت عند موظف الجوازات .. ويوم جاا دوري .. صرت ناسي تصريح
الخروج .. لأني تحت الـ 21 سنة .. ..
تتوقعون و صار ؟؟؟؟
بتعرفون في الجزء الثااااني إن شاء الله .. أنا ألحين بنوووم