ابي شرح باالتفصيل اذا ممكن؟

يا اختي الفاضله ايش طلبك بلتحديد عشان الواحد يقدر يساعدك ..

ان شاء الله يلاقي كل شخص مراده ..

ان شاء الله الاعضاء ماراح يقصرون ابد
اللي فهمته من احد الردود
انه الخطوه التاليه تجينا مسجات ع الجوال بالترشيح النهائي
ويطلبون صور للاوراق تقدم للوزاره بالرياض وممكن اي احد يوصلها !
والله اعلم

لانهم لخبطونا بقضيه الضمان المالي والفيزا وحجز التذاكر وماأعرف ايش

ياليت اللي مجرب يقولونا ايش نسوي لاني تايهه باالمرهـ

يعني من بعد ماتطلع الأسماء نجيـب قبول من الجامعه والمعهد



؟
هذا أول سؤال

وياريت يتثبت الموضوع لأنو محد قاعد يفيد بشكل مثبت


الأغلب مواضيع عاديه متلخبطهـ

المفروض أنك جايبه قبول من فترة لانه وقت مايصدر الضمان المالي ان شاء الله تقدري تقدمي على الفيزا أما لو استنيتي لين يجي الضمان وبعدين تجيبي قبول بتطول الشغله ..

اختي الكريمة انا من المبتعثين في المرحلة الثالثة وانا الحين في كندا لي اكثر من شهرين وراح اقول لك الخطوات التي تلي قبولك في البعثة يعني بعد مايطلع اسمك من المقبولين بأذن الله :
1) راح تجيكي رسالة تهنيكي بالقبول النهائي في برنامج خادم الحرمين الشريفين للمرحلة الرابعة.
2) بعدها بأسبوعين تقريبا راح ينزلوا جدول الملتقيات في موقع الوزارة يعني كل دولة ولها ملتقى وبيحطون لك وقت الملتقى وتاريخه ومدته والبرامج اللي بتصير في الملتقى .... طبعا بيكون في المناطق الرئيسية في المملكة اللي هي الرياض ، جدة ، الشرقية وغيره وهذه الجدول حق المرحلة الثالثة للمنطقة الشرقية :
http://web.mohe.gov.sa/Arabic/Multaq.../KhubarNew.gif
3) احتمال كبير راح يوزعون عليكم القبولات في الملتقى واذا ماعطوك القبول في الملتقى هم ملزمين يجيبون لك قبول زي ماصار معي وخلي عنك مكاتب النصب والاحتيال اللي تجيب قبولات .
4) اذا طلع قبولك تأخذينه وتقدمين فيه على السفارة الكندية عن طريق ارامكس بدون ضمان وخرابيط لان الوزارة ترسل كل اسماء المبتعثين لسفارة الدولة اللي بتروحيلها وطبعا فيه مواضيع كاملة عن خطوات التقديم في السفارات في هالمنتدى مثل هالرابط اللي يشرح التقديم على السفارة الكندية :
http://www.mbt3th.us/vb/showthread.php?t=36232
5)بعد ماتطلع التأشيرة من السفارة تأخذين التأشيرة لك وللمحرم وتروحين فيه لوزارة التعليم العالي - مقر البعثات في الرياض - حي الغدير عشان تأخذين قرار الابتعاث ويكون فيه اسمك والدولة والتخصص ومن ثم تأخذين امر الاركاب واذا ماقدرتي تروحين ممكن المحرم او ابوك او اخوك يروح ويضبط لك كل شي هناك بدون اي مشاكل واذا ماحد قدر يروح تقدرين ترسلين الاوراق المطلوبة بالبريد الممتاز او فيدكس للوزارة.
6) تحديد موعد السفر والحجز وتجهيز كل شي وبعدها السفر الى بلد الابتعاث .

وسلامتك وتراها سهالات يابنت الحلال لاتشيلين هم ابد واعتقد هالخطوات كلها بتطول حوالي 3 شهور من يوم يطلع اسمك من المقبولين الى ان تأخذين امر الأركاب وتحجزين للسفر وتأخذين التذاكر والله يوفقك ويوفق الجميع يارب

شكرا والله يفتح لك أبواب رحمته.. أخييرا فهمت

جزاكي الله خير على هالدعوة .... هذا الدعوة تسوى عندي الدنيا ومافيها ... الله يوفقك يارب واي سؤال انا في خدمة الجميع .

الله يعطيك العافية ويسهل امورك يا خوي على المعلومات القيمة والشرح الواضح بارك الله فيك

جزاكي الله خير اختي الكريمة يشهد الله اني اكون اسعد شخص لما احد يدعيلي ..... والله يوفقك يارب ومبروووووووك القبول .