جوازي ما فيه ختم الدخول .. وش اسووي تكفووون

أهلين عبدالعزيز!
أنا ماني بكندا بس بقلك على سالفه مشابهه صارت لي.!

أول مره سافرت للسعوديه من أمريكا أخذت مسؤوله الطيران ال I94 وهو اتوقع زي الستيدي برمت اللي تتكلم عنه.. وقلتها لها خلاص ذاتس ات .. قالت أي..
طلعت من امريكا ولا ختمت خروج.. ولما دخلت قالو شلون طلعت.. قلت من المطار طلعت شلون! قالو وين الاي ناينتي فور.. قلت اخذته مسؤوله الطيران وسألتها قلت باقي شي قالت لا.! قال مفروض تعرف انه لازم تختم خروج.. قلت والله انا اول مره اطلع برا امريكا وسالتها قالت مابقى شي.. وترا اعرف شكلها لو رحت انا واياك الحين اطلعها لك..
قال خلاص هذي أخر مره لك .. تسويها مره ثانيه ماعاد تدخل.. وسجلها في الركرد.. حتى اني لما جددت الفيزه.. الفيزه الجديده مكتوب عليها violation of Naseers overpost انه خالف قانون نسيير "اسم الهجره عندهم اظن" ..

فإنت كلم الملحقيه وشوف وش رح يقولون.. أو رح لمكتب هجره وقولهم.. اكيد مارح يسوون لك شي لانك خبرتهم!
الله يوفقك

شوف انا زيك بس لقيت الختم ورا الستادي بيرمنت

تأكد انت ما راح يضرك ^_^

شكرا اخواني على ردودكم ..

شيكت على الستدي بيرمتت ووراه ما لقيت شي للأسف ما لقيت الختم ..

وبصراحه شايل هم .. وش السواة

الاستدي بيرميت توضح تاريخ دخولك الى كندا و انا كنت مثلك

يوم قدمت على الالحاق سؤلوني عن ختم الدخول قلت و الله ما ختمولي و انا مرسلك صوره الاستدي بيمريت و يمديكم تشوفو متى انا دخلت



طبعا تاريخ الدخول من تاريخ صلاحية بداية الاستدي بيرميت


اخوك
نمنم تورنتو

السلام عليكم ورحمة الله وبركاته
أخي الكريم أنا صارت لي حركة مختلفة شوي
انا جيت كند انا وزوجتي على مطار تورنتو وفي المطار أخذوا كرت الدخول وقالو لنا اتفضلوا
طبعا احنا كنا مستعجلين عشان الرحلة الثانية لا تفوتنا وما رحنا الاميجريشن سنتر في المطار يعني ما ختموا الجوازات ولا عطونا الستدي بيرميت والرحلة الثانية شافو على الجواز وما قالو في مشكلة
ونفس الحركة جينا نرسل أوراق المحقية طبعا مافي ختم ولا ستدي بيرمت
راح معانا احد اعضاء النادي السعودي للاميجريشن سنتر في المدينة اللي احنا فيها وختموا الجواز وعطونا الستدي بيرمت بس التاريخ مو نفس يوم دخولنا كانا ضلينا في الجو 4 أيام
المهم الحمد لله تيسرت الامور حتى لو كان فيها صعوبه شوي
أسفين أخوي طولنا عليك