مبتعثين كندا للدكتوراه .. وينكم ..؟؟

كتبت رد طويل عريييض... بس الله يهديه السرفر ضحك علي!!
لي رد عن قرييب..

وش هالنحاسه

خلاص ننتظر رجعتك ,,

باااااك..

شوفي يا ستي.. أفتحي عيوونك عدل.. ترى مافي غيرنا دكتوره هنا!! تجي نلعب أستغماية؟؟ خخخ
ماعلينا..

وضعنا يعتمد على تبغين تأخذي سنة اللغة وتطلعي على قبول المعهد بس وهناك تدبري قبول الدكتوراة. أو تجيبي التوفل هنا وتطلعي على طول للدكتوراة.

فيه أشياء ممكن نحطها ببالنا :
Deadline Date for Admission بيكون في يناير أو فبراير لأغلب الجامعات وفي هالوقت لازم تكوني مستوفيه الشروط من توفل واختبارات ثانية ممكن يطلبوها وكمان بروبوزل حق البحث.
وتبدأ الدراسة الدكتوراة في سبتمبر.

مافي شئ أسمه قبول مشروط بالنسبة للدكتوراة إلى حد علمي الحالي.

الصعوبات اللي لازم نتغلب عليها:
1- الجامعات توفر عدد محدوود من السوبرفايزرات اللي بيكونون مشرفين على الأبحاث. ممكن في التخصص تلقي بس واحد أو اثنين ومايقبل إلا طالب أو طالبين بالكثير.

2- الجامعات أغلبها تشترط على القبول تقدمي بروبوزل فيه الموضوع وأدوات البحث وإيش تبين تسوين في البحث، ولازمن تختاري سوبرفايزر من الدبارتمنت ويوافق على أنه يصير سوبرفايزر لك وكل هذا قبل القبول. وتجي نا صعوبة تحديد الموضوع في هذا الوقت لأن أنتي مابعد تكوني درستي المواد النظرية.

3- تنسيق الوقت بين ماتخلصي لغة وتبدأي البرنامج حق الدكتوراة.

4- تنسيق مع المرافق بأنه يكون في نفس المدينة أو نفس الجامعة وهذي مو سهلة أبد.

علما بأن لازم نحاول بكل الجامعات اللي فيها التخصص المطلوب ونرسل لهم كلهم ويالله نشوف أحد منهم يوافق. واحد من الأعضاء كان متكلم عن صعوبة القبول وقال أنه قدم على 4 جامعات جاه قبول في واحدة بس. يعني مافي أختيارات كثيرة قدامنا..

بس فيه شئ لازم نحطه ببالنا.. مهما الوضع كان صعب.. أرزاقنا مكتوبة لنا.. ونسعى وربي معنا دائما وابدا..

إلا كيف الحال؟؟

بخير الله يسلمك >> ايه هين بخير


اقول شرايك نهون بس ههههههههههههههه


وش ذا كله ؟؟

شلون اصلا بحدد الدكتور وموضوع البحث وانا توني مادرست شي والتخصص بيكون جديد علي

تعقيد صراحه..

شكلي بطلع ع قبول لغه

لين مااروح هناك وافهم الوضع بنفسي ضعت شوي ..

ايه صح نسيت وش تخصصك ؟

ومعقول مافيه دكتوراه غيرنا شكل كلهم بريطانيا

فيه غيرنا سبعة بس ما أدري وينهم!

تخصصي علوم صحية..

أنتي إيش تخصصك.. وترى لمن نهونها تهون.. ونكبرها بتكبر..

وصدقيني حبة حبة..

انا تسويق
ومادري هل مسموح اغيره او لا

اهلاااا
اخيرا فيه احد دكتوراه
انا تخصصي تجارة الكترونية ،، وافكر اغيره بس الله يسهل
حاليا مافكر بالدكتوراه ،، لأني لازم اخذ لغة
انا بطلع لغة سنه ،، واشوف بعدين هناك ، اقدم على كذا جامعه واشوف التخصص الأسهل قبول ،، والانسب بالنسبة لتخصصي ،، واذا ماعجبني الوضع يمكن اغير اروح امريكا ،، تتوقعون سهله ؟؟

بس الله يسهل امر قبول اللغة ،، الا على فكره لقيتوا اسمائكم عند المكتب اللي يجيب قبولات
انا ابغى اكون في ترونتو يالله يارب تجيب لي قبول في معهد بترونتو

كيف !!
يعني فيه فرق كبير مابين فبراير الى سبتمبر (أكثر من 6 شهور ) وش نسوي فيها

مافهمت عليك ،، كيف طريقة التقديم على الدكتوراه،، ايش المطلوب غير التوفل ؟؟