احمل جواز امريكي يمكنني أن أدخل به الى كندا ..ولكن زوجي...ماذا يفعل في الفيزا؟؟

تقدمي طلب تجديد فيزا ومافيها كشف طبي طالما انهم عملو الكشف الطبي اول مره

ومدة الانتظار ممكن تصل الى شهرين ما اعتقد خلال شهر راح تكون الاجراءات خالصه الا اذا حظكم طيب

وطالما انتي الوحيده الي معاك جواز امريكي فانصحك بالتقديم على الفيزا الكنديه بالجواز السعودي والمرافقين ابنتك وزوجك لانهم على هذه الحاله لا يستطيعو بالتقديم على الفيزا من غيرك لانك انتي المبتعثه وانتي الي معاكي تصريح الدراسه بكندا

كل الي تعمليه تروحي على ارامكس ولا على الفيفا وتقوليلهم ابغى اجدد الفيزا وهما يفهموك ويعطوك الابليكيشنات الي تعبيها

تحياتي ...

ممكن تشرح لنا أخي العزيز ... ليش الأفضل بالجواز السعودي وليس الأمريكي!

السبب واضح اخي البسيوني ؟؟!!

الان هي مبتعثه وزوجها وابنتها مرافقين لها يعني هيا معاها تصريح دراسه وزوجها وابنتها مرافقين لهم ووضعهم في كندا مرتبط بوضعها

فرضا هيا تبغى تجي بالجواز الامريكي كيف يحق لزوجها وابنتها دخول كندا ؟؟!!

في كلا الحالات لازم تطلب تجديد لفيزتها حتى يتم التجديد للمرافقين معاها

الشي الثاني الي مني متأكد منه انها جات كندا اول مره بالجواز السعودي وهيا كمواطنه امريكيه المفروض ما تطلب فيزا على جواز اخر وتجي كندا واذا اوكي مافيها شي الدخول للدوله مره بالجواز السعودي ومره بالجواز الامريكي راح يثير شكك الكنديين اكثر والله يعلم محد يدري

يعني الواحد دايما المفترض يخلي نفسه في الجانب الامن ولا يثير الشكوك حول نفسو

وتقبل تحياتي...

الخلاصة ... مثل هالموضوع تسأل فيه السفارة وتقولهم أنا أمريكية وأبغى أقدم على الفيزا لزوجي وأبنائي ... ايش المطلوب؟ وهم مرت عليهم مثل هالأمور الاف الحالات ... أما التخمين ... ونقول يمكن وأتوقع والأحوط في مسائل حساسة وقانونية مثل هذي ... قد يكون فيها مخاطرة على الأخرين ... خاصة إذا كانت النصيحة (بدون علم) لأن ضررها راح يكون أكثر من نفعها!

هلا اخوي البسيوني

الظاهر كلامي واضح من اول مره

وقلت انه الجواز السعودي افضل لانه لازم تقدم فيز لابنتها وزوجها

لكن المشكله في النالس الي تقرا من غير تركيز وتجي تسأل اسئله متسرعة

والشيء الاخر لا تعطي حلول من راسك وهيا اساسا مهي حلول

الجرين كارد الي بتقول عليه الي تقدمه لجوازها ما راح ياخد يوم وليله علشان يطلعلها هذا اذا طلعوله الجرين كارد

ومرت عليا قصص وحالات ناس كثيره اعطيك واحد منها ابنت خالي زوجها سعودي ومعاه الجنسية الامريكيه حاول يطلعلها الجرين كارد جلسو يماطلو فيه رجع على السعوديه رفضو يعطوها فيزا خير شر هذا وزوجها امريكي ؟؟!! وغيرها من القصص والشواهد الي مرت عليا كثير وانا اتكلم بحكم خبرتي وبدون تفاخر ولله الحمد

اما مسأله سؤال السفاره فهذا شي طيب للتأكد ولا مانع من الاستفاده من الخبرات في نفس الوقت والشي الي مني متأكد منه باقول مني متأكد يعني عليها بالسؤال

وايضا بخصوص موضوع تعددة الجنسيات فانا عارف انه شي طبيعي في اغلب دول العالم ولا اتكلم في هذه النقطه لو ركزت في كلامي وقريت زي الناس انا اتكلم عن الدخول الى الدوله مره بجواز سعودي ومره بجواز امريكي علما انه في المره الاولى كان تقدر تخش بالامريكي هذي راح تثير شكوك الامجريشين الكندي (وهذي ما يبغالها فطنه ولا ذكاء علشان الواحد يعرفها) وبرضو الواحد دايما يحتاط ويحط وما يحط نفسه محل شكك

شي اخر يمكن انتا ما كنت تعرفه واحد من الشباب جا على كندا بالجواز الامريكي وهوا مبتعث من السعوديه (هذي لوحدها ممكن تكون جريمه تلاعب على النظام لانه رواتبنا الي بتجينا على الحساب معفيه من التاكس وهوا كانه امريكي متحيال على النظام) قصتو طويله اذا تبغى تعرفها تقدر تراسلني على الخاص

خلاصة الموضوع المشكله في الابنه والزوج والشي الثاني حتى لو معاها زواج امريكي وتبغى تدرس في كندا لمده اكثر من 6 شهور لازم تقدم على تصريح دراسه وتعبئة نماج للمرافقين في كلتا الحالتين راح تسوي نفس الاجراءات وهيا قيد سوت الاجراء قبل كدا وعلى الجواز السعودي فتكمل مسيرتها على نفس الشي وتجدد الفيزا على الجواز السعودي لاكثر من سبب ذكرته سلفا في ردي هذا وردودي السابقه اقراها بتمعن وراح تفهم

وتقبل خالص تحياتي .... KaLaNgO

أقولكم شي ،،

انا قلت لصحبتي تنزل الموووضوع عشين تفيدوها ،، تراني مااا فهمت ولا كلمة من الي هرجتووا !!

الله يعينها بكرة اذا قررت الكلام دا كلة ،،

ميدووو ،، ترااا انا مالي دخل ،، وان شااء الله تكون الفكرة وصلت ،،

ننتظرك ،،

أيووة دوبي قرييييييييت ..فهمت في البداية وتلخبطت في النهاية ...شكرا على ردودكم اخواني ....بس حبيت اوضح شي ...اول شي انه انا لمن طلعت قبل 8 اشهر كندا بجوازي السعودي وقتها جوازي الامريكي كان يبغاله تجديد منتهي من مدة وماجددته ...ولو طلعت كندا دحين بجوازي الامريكي حيبان من تاريخ تجديده ...ثاني شي فعلا تستطيع بنتي اخد الجنسية الامريكية خلال شهرين تقريبا ونفس الشي بالنسبة لزوجي يأخذ الجرين كارد خلال شهرين او 3شهور ..لكن المشكلة انني ماعندي وقت ...وبالنسبة لرواتب الملحقية انا سألتهم وردوا it is fine

As for entering to Cnada with your USA passport, if you were born in USA then you should be fine if not then you willl have problems so it is better not to, هذا رد الملحقية لمن سالتهم عن الجواز ورجعت سالت تاني لاني مافهمت الاخير وهذا كان الرد as for American Passport i was told it is fine ورسلتلي ضمان مالي في اسمي واسم زوجي وبنتي .. والسفارة الكندية تعبت وانا اتصل تقولي ارسلي ايميل مانقدر نفيدك ومن اسبوع 3 مرات ارسل محد رد

اعطيتك الحل من البدايه وقلتلك الجواز الامريكي قصتو قصه وهرجتو تطول غير الاسباب الاخرى الذي ذكرتها سلفا لكن الاخ البسيوني يحب يعارض الاراء حتى لو ماله مصلحه في الموضوع او مو فاهمو

مالك الا ترسلو جوازاتكم السعوديه لتجديد الفيز وتنتظرو لا تضيعي وقتك الان وارسلي طلب تجديد لكم الثلاثه واذا اتاخرت الجوازات وحتبدأ الدراسه فما ادري كيف الوضع اسالي الملحقيه اذا تقدري تسافري بالجواز الامريكي وبعد كدا لمن تجي فيز زوجك وبنتك يلحقوكي ما افتيكي في الموضوع هذا الشي ما اعرفه واسالي فيه الملحقيه شوف ايش تقلك

تحياتي...