طالع لدراسة اللغه ؟؟ .. لازم تدخل هنــــــــا ..ولابقول للموسى أنك مهمل

يعطيكم العافيه ..

أغلب طلاب المرحلة الرابعة في الفترة الحالية جالسين إما ينتظرو قبول المعهد أو القبول الجامعي ..سواء الي توفرو الوزارة لهم عن طريق مكاتب ( السحب على السيفون ) >> القبول .. أو الي حاب منهم يقدم بنفسو على المعهد .. حاجات زحمة ممكن تغيب عن بال الطالب لمن ينوي التقديم للقبول في أي معهد .. وجنابي الموقر حاب يزودكم بشوية تنبيهات وحاجات على الطاير الكل لازم ينتبه لها لمن يقدم على أي معهد من أستراليا شرقاً إلى أقصى كندا غرباً >> فكتوريا بس مايبي يقولها ..
عموماً .. أهم هاذي الأمور هي البرامج الي المفروض الواحد منكم يقدم عليها ..
بالنسبة للبرامج الي يطرحها اي معهد فهي مختلفة بإختلاف المعهد وبإختلاف الهدف من دراسة اللغه .. لازم على الطالب أنو يقرأ الوصف الخاص لكل برنامج موجودوهي تختلف مسمياتها من معهد للثاني .. وغالباً بل دائماً كل الطلاب لازم يدخلو البرامج الي يكون هدفها التأهيل لإكمال الدراسة الأكاديمية بعد أنتهاء البرنامج وأكيد راح تكون للطلاب الغير ناطقين باللغه الأنجليزية كلغة أم .. وبرضو فيه نقطة ثانيه مهمه .. أنو كثير من الطلاب يسأل إذا أنودخل البرنامج الفلاني في المعهد الفلاني ومو عارف بالزبط طريقة الدراسة والإنتقال من مستوى للثاني أقول : أن الطالب مبدئياً لمن يسجل لدراسة برنامج معين يتعين عليه أنو أول مايوصل للمعهد يعمل أختبار تحديد مستوى>> إختبار تحريري لـ Reading & Listening .. ومن ثم إختبار Writing & Speaking وبناء عليهم يتم تحديد المستوى في السيشن الحالي .. وبعد نهاية كل سيشن يتم تقييم الطالب عن طريق معايير أعتقد أنو الكثير من المعاهد يعمل فيها وهي ان الطالب في النهاية لابد يجتاز نسبة معينه علشان ينقل للمستوى الجاي >> مثلاً في فكتوريا لازم يجيب 80% .. بشكل عام وأغلب الجامعات تفرض على الطلاب الغير ناطقين باللغه الأنجليزية كلغه ام والي مش دارسين المراحل الدراسية السابقه بمناهج انجليزية انهم يجتازو دراسة اللغه في المعاهد التابعه لها كشرط في القبول لدراسة البكالريوس .. طيب والماستر ؟؟

طلاب الماستر تذكرو :
مطلوب عليكم أنكم تجتازو أختبار التوفل وغيره ( خاص باللغه ) .. بمعنى هدفك انت مش زي هدف طالب البكالريوس أنو يخلص مستويات المعهد كشرط علشان يدخل الجامعه .. هدفك أنك تجتاز إختبارات معينة زي التوفل والأيلتس وغيرهم من الأختبارات الي تحدد قدرتك على إكمال الدراسة الأكاديمية فيما بعد .. وأنا لساني اتكلم عن شرط اللغه >> في شروط ثانية تخص إختبارات اخرى وغيرها من الشروط .. بس موضوعي عن دراسة اللغه وبس ..
عالبلاطة .. طلاب الماستر لايهمك أنك تعدي المستويات وبس قد مايهمك أنك تتقن اللغه بشكل إحترافي لأنو في النهاية انت مطالب فيها لمن تختبر التوفل وغيرة ..

نقطة جـــــــــــــــــــــداً جــــــــــــــــــداً مهمة ..

الى كل الطلاب الي راح يعتمد على مكاتب القبول ( النصب والتجارة بمستقبلكم ) ..أقول لكم .
تأكدو تأكدو تأكدو لمن المكتب يجيب لكم قبول انكم راح تدرسو في معهد معتمد + معهد علية القيمة + معهد له سمعته+برنامج خاص لدراسة اللغه لأهداف أكاديمية>> مواصلة الدراسة .. شوف عيني شفت طلاب معمول لهم مقلب جامد وجايين هنا على حساب انهم راح يدرسو هنا بمعهد مايخرش المية >> على كلام المصري الي بمكتب القبول .. وبالأخير الولد يجي هنا في معهد كله غرفتين وصالة ومقلط .. وماهو معترف فيه وتجاري بحت .. وبالنهاية الطالب ضيع عليه وقت وقروش وكنك يابو زيد ماغزيت ..
وبرضو نقطة مهمه الواحد منكم إذا كان عنده ضمان مالي أوعا يسمع كلام المكتب أنو لازم تدفع قيمة الأبلكيشن والديبوزت ( التأمين ) ..لأنو الطالب الي عندو الضمان المالي من الوزارة فهذا معناته أن الملحقية راح تدفع كل قرش يطلبة المعهد علشان دراستك >> خصوصاً إذا كان المعهد يتصل مباشرة بالملحقية >> زي فكتوريا ..

بالتوفيق ..