استفسار ومساعدة عاااااجلة رجاء لا تتأخروا علي

هلا أختي فجر مقبل
بالنسبة للمرافق
فترى الموضوع مايحتاج الخوف او القلق هذا كله.
إذا طلعتي الفيزة السفارة راح تعطي زوجك فيزة سائح.
لمن توصلي المطار في كندا راح يكون معاك خطاب من السفارة الكندية لموظف إدارة الإقامة والهجرة في كندا.
راح يعطوك تصريح دراسة لطول مدة دراستك المذكورة في خطاب القبول تبعك.
Study Permit
في تصريح الدراسة حيكون موجود فقرة في الأسفل مكتوبها فيها
Accompanying Family
وهنا راح يكتبوا عدد المرافقين لك وأسمائهم. وهذا يخولهم للجلوس معك في كندا إلين تخلصي دراستك أو ينتهي تصريح الدراسة وتقومي بتجديده.
وإذا رغب زوجك أو مرافقك بالدراسة، فممكن يعدل وضعه من هناك. وترى الشغلة سهلة. لاتعقدي نفسك.
وبالتوفيق إن شاءالله.

اخوي المملكة انا حسب ماقريت كثير ان وضع الرجل غير المرأة
اذا كان الرجل هو المبتعث بإمكانه اخذ زوجته او ابنته مرافق له بالبعثة حتى لو مايدرسوا وهذا فقط في حال كان المبتعث رجل والمرافق له زوجته او ابنته اما اذا كان المرافق للمبتعث اخت فكندا ماراح يعتبروها مرافقة لأنهم مايعتبروا الا بالزوجة او البنت كمرافق للرجل المبتعث فقط

والحال اصعب اذا كان المبتعث امرأة لأن كندا ماراح تعتبر بأي مرافق لها سواء زوجها او ابوها اخوها عمها ...
يعني ماتعتبر باي مرافق الا اذا كانت زوجة او ابنته الرجل اللي يدرس أما المرأة لا ماعندهم لها شي اسمه مرافق هذا عندنا في السعودية فقط عشان كذا نشوف كثييير في المحاضرات يأكدوا ان مرافق المرأة لازم يدرس سواء اخوها ابوها زوجها ...الخ ، لأن كندا ماتعترف فيه كمرافق وماراح تسمحله يجلس بدون دراسة
انا هذا اللي اعرفه ولو كان عندي لغة كان جبت الخبر الأكيد من المواقع الحكومية الكندية لكن للأسف لغتي ضعيفة

فياليت احد يتكفل جزاه الله خير ويستخرج لنا الخبر الاكيد من المواقع الرسمية لدولة كندا لأن بصراحة وجدت هذا السؤال يتكرر

بالفعل مثل حال الاخت في الاعلى لازم من بدري تدبر امورها وعلى حسب مافهمت من كلامها ان المرافق تبعها ما معاه شهادة المرحلة المتوسطة فكيف اصلا يكمل هناك ولنفرض ان عمره بالعشرين ومافوق ؟؟
انا انصح الاخت انها قبل تروح وتتورط ، من هنا تجيب الخبر الأكيد لأن بصراحة فترة دراستها طويلة ومرافقها ما معاه لغة ولا متوسط يعني معقول يقبلوه يكمل مرحلة المتوسط في كندا ؟؟

اعتذر للأخت لأني ماجبتلها معلومة مفيدة بس حبيت اأكد على نقاط الاقي كثير من النساء تجي وتسأل: تقول ابوي كبير في السن كيف حيكمل
زوجي مامعاه الا شهادة الابتدائي كيف يقدر يكمل وهكذا من الأسئلة

وحسب ماذكر احد الاخوة هنا اذا المرافق غادر كندا في اجازة مثلا وبعدين بغى يرجع مع زوجته والا بنته والا اخته لازم يجيب اثبات انه يدرس والاثبات من ضمنه انه يجيب كشف الدرجات من الممؤسسة التعليمية اللي يدرس فيها والا ماراح يسمحوله بدخول كندا وكيف اصلا هذا المرافق بيجيب كشف وهو اصلا مايدرس

ولو المرافق خلص دراسة سنة اللغة ومثل ماذكرت الاخت انه مامعاه شهادة المرحلة المتوسطة ولنفترض ان عمره مو صغير كيف حيكون وضعه في باقي السنين اللي حتدرسها المبتعثة كيف حتتصرف بأمر المرافق اللي معها ؟؟

اعتذر عن الاطالة

اختي !
ان شاء الله لا جاكي قبول المعهد _واتوقع بيخبروك عبر الايميل-علا طول راسليهم عشان تسوي قبول لأخوك المرافق بنفس معهدك.

انا جاني قبول من معهد PLI وسألوني اذا في احد بيرافقني وايش اسمه! وكم رقم جوازه! وهكذا

لكن لحد الآن ماني عارفه وش صار .
اي شي جديد ان شاء الله اعطيك خبر

أختي الكريمة نهر صاف
أشكرك على ردك الواضح والمهم والعميق في نفس والوقت، مما يدل على بحثك وتقصيك حول الموضوع لفترة ليست بالقصيرة.

بالنسبة إلى نقطة الذكر والأنثى التي ذكرتيها في ردك أعلاه، فأود الإشارة بأن كندا لا تفرق بين جنس الشريك سواء ذكر أو أنثى. لأن هذا يخالف قوانين مكافحة التفرقة في المعاملة على أساس جنس الشخص.

أما بالنسبة للمرافق للمبتعثة إذا كان غير الزوج (والد أو أخ أو محرم) فتقوم المبتعثة وبناء على الضمان المالي الذي يشمل هذا المرافق، بطلب مرافقته لها.

وقد حاولت إرسال إيميل لاستضياح الأمر من دائرة المواطنين والهجرة في كندا، وللأسف لم أجد أيميل للتواصل معهم. بل إنهم يطلبوا أن تقوم بالتواصل مع أقرب سفارة لمقر إقامتك إذا كنت خارج كندا أو الاتصال هاتفيا إذا كنت داخل كندا.

أرجو أن تكون الصورة قد وضحت الآن. وسأقوم بمراسلة السفارة عسى ولعل أن يأتي رد رسمي يشفي شغف السائلين عن هذا الموضوع. وإن شاءالله أقوم بوضع رد السفارة هنا فور وصوله.

وبالتوفيق للجميع إن شاءالله

الأخ المملكة
أعتقد إني فهمت تفسير الأخت: نهر صاف
هي لم تقصد أن كندا فيها تفرقة بين الذكر والأنثى هي قصدها السعودية تتطلب محرم للمرأة طوال فترة الابتعاث و إذا لم يكن زوجاً أو ولدا
المرافق في القانون الكندي هو الزوج، الزوجة , الأولاد....) مافي شيء اسمه أخي مرافقي أو والدي و أنا أكبر من 18 و لا عمي و ....
وبالتالي المرأة التي تريد الابتعاث خياراتها ضيقة ومجبرة على المحرم طيب اش الوضع القانوني للمرافق على الطريقة السعودية (المحرم) ؟ وخاصة إنه لا يعتبر مرافق على الطريقة العالمية ؟
كيف ممكن تكون إقامته نظامية.

أختي فجر مقبل
أرجو منك توضيح قضيتك أكثر، محرمك هو أبوك ، أخوك....؟
إذا كان زوجك ما عندك مشكلة لأنه يعتبر مرافق معتمد لكن المشكلة لو أخوك أو والدك

أعتقد أن أفضل شيء ممكن تعمليه هو إنك تراسلي السفارة الكندية في السعوديةأو تتصلي عليهم تخبرينهم بوضعك وكيف ممكن تخلي إقامة مرافقك نظامية.
هذه العناوين:
http://www.cic.gc.ca/english/informa...ons/riyadh.asp

ممكن بحاول بكرة اتصل عليهم واسألهم

تحياتي لكم

المملكة يعطيك العافية اخوي ويارب يكون في موازين حسناتك >>> وننتظرك تجيب الرد الرسمي وجزيت كل خير

مليكة يعطيك العافية وسلمت يدك الاخ المملكة فهمني صح
ولنفترض ان ليست هناك مشكلة في كندا بالنسبة للمرأة ان يكون مرافق لها زوجها او ابنها او ابيها ، لكن كيف يصير الوضع بالنسبة للي مرافقها اخوها عساس تكون اقامته نظامية

اولاًالسلام عليكم و رحمة الله و بركاته
ثانياً انا طالبه ما عندي محرم لا اب لا اخ لا عم لا خال لا جد عندي امي الله يحفظها لي و فكل المعاملات الرسمية امي هي ولية امري ابغى اعرف لما اقدم للابتعاث هم يطالبون بالمحرم اكييد بس يرضون امي تكون ولية امري؟ و تكون مرافق واذا امي ما تقدر تجلس معي هناك سمعت ان عادي اذا كان ولي امر الطالبة موافق يوقع انه موافق و يروح الشخص من غير مرافق افيدوني و جزيتم كل خير

الإقامة النظامية للمرافق هي ((فيزا مرافق)) accompanying Family اذا لم يكن يرغب في الدراسة او دراسته اقل من 6 اشهر

يعني تعبي الأبلكيشن تبع الفيزا الدراسية وتحطي معلومات المرافق وخلاص..

وفيزا المرافق تجدد على حسب مدة تصريح الدراسة..

اذا بالمرة الموضوع مو واضح لكي اتصلي على السفارة الكندية بالرياض واستمعي للتسجيل بالعربي بتفهمي الموضوع...

4882288 اضغطي رقم 3 للعربية وبعدين اختاري قسم الفيزا واستمعي للتسجيل الصوتي واااااضح جداً او تقدري ترسلي لهم فاكس بكل الأسئلة

وبرضو بتآخذي الرقم حق الفاكس من الرسالة الصوتية..

مع ان نصيحتي لمرافقك خصوصا اذا اخوك لازم يدرس في معهد لغة انجليزية خصوصا ان دراستك 8 سنوات يعني كيف راح يتعامل مع اهل البلد يللي مايتكلمو الا الإنجليزي

يعني لازم يتعلم لو تعليم مبتدئ في المعاهد علشان يعرف يعيش في البلد ويتعامل مع اهلها...

تحياتي

بإذن الله احقق حلمي امين يارب تحققيه وتتوفقي بالدنيا والاخرة
انا انصحك تشوفي موقع وزارة التعليم العالي وتشوفي احكام الابتعاث
بس اللي اعرف ان وجود المحرم لازم منه وحتى لو وافق ولي المرأة انه تجلس لوحدها في بالد الابتعاث النظام مايسمح بهالشيء
لكن في وضعك انت اصلا ماعندك محرم فلا اعلم