رحلتي السبت وماني عارف وش اسوي اول ما اوصل لكندا افيدوني ليييييييييييييييييييز

اول شيء اخوي ارتاح من السفر لانو المسافه الى كندا طويله جدا
وثاني شي اظن العالم مقفله عشان احتفالات رأس السنه الميلادية

يعني لو تبغى تروح السفارة او الملحقيه تلقاها مقفله
إلا اذا الاخوان في كندا عندهم كلام ثاني الله وأعلم
اهم شيء اخوي تصرف طبيعي صحيح انك رايح ل مكان جديد لكن خلك نورمل
عشان لا يشوفوك الجمارك مرتبك يقولون اكيد عنده بله ولا شي وتفتيش وتحقيق وقله ادب
ما ابغى اخوفك اخوي بس هذا اللي صاير في معظم مطارات الدول الأجنبية

والله يوفقك يا الغالي

و الله يا اخي

اهم شي احجز لك غرفة في فندق لمدة اسبوع من موقع عشان ترتاح لان الوقت اللي انت جاي فيه اعياد راس السنة الميلادية

www.hotels.ca

بواسطة بطاقة الائتمان

ثانيا : افتح حساب في البنك و نصيحتي افتح في احد بنكين td او cibc و خذ من عندهم void cheque

ثالثا : طلع لك شريحة جوال و خذها فاتورة احسن من شحن لانها اوفر .

رابعا : اشتر لك بطاقة باص و مترو من اي مكان و خاصة بالطلاب لانها ارخص .

خامسا : ارسل رسالة للمقر الوحيد للملحقية الثقافية (الموجودة في اوتاوا )

تعلمهم بوصولك

سادسا : ارسل اوراقك المطلوبة بواسطة الموقع الالكتروني .

سابعا : داوم في المعهد و تعرف على جميع الاصدقاء في فصلك و ابتسم لانهم يحبون الابتسامة

ثامنا : دور لك على هوم ستي (عائلة) تجلس عندها فترة تعلم اللغة

تاسعا : لا تخاف و لا تقلق من شي و توكل على الله و الوضع رائع و تمام و السعوديين واجد كلهم كانوا زيك خايفين و مشت اوضاعهم .

عاشرا : جب معك ملابس شتوية و تدفى .

و تقبل تحياتي

و انا في اوتاوا تحت الخدمة

انا جاي اول السنه ولا دري عن شي ياليت احد يفيدنا كيف اتواصل مع الملحقيه بالنت ولا اروح لهم

شكرا لكم جميعا بس كيف اتواصل مع الملحقيه فيه لهم عنوان او ايميل محدد اراسلهم عليه وانا رايح لمدينة برنس جورج الي رايح هناك يبلغني عشان نتخاوا انا وياه في البدايه

شكرا

هلا اخوي انا بعد جاني قبول بكلية كالدونيا cnc ونفس المدينة والله معرف عنها شي ابروح علي عماها
وش تخصصك ومتي رايح
الله يوفق الحميع