هل يحتاج المرافق الى ضمان مالي

مرحبا اخوي أحب اقولك إني مرافق وقدمت على فيزا طالب ورجعو لي الاوراق يقولون لازم تعريف من جهة عملك طبعاً بالانجليزي وكشف حساب بالانجليزي بعد لمدة سته شهور وتعبي لك ابليكيشن لحالك والمبتعث الاصلي له ابليكيشن لحاله بعد والشيك يكون 250 دولار كندي اذا انت رايح لكندا وترفق صوره من بطاقة الملتقى مع اوراقك وأوراق المبتعث اللي معك سواءاً زوجتك او اختك والله يوفقنا وياك اتمنى اكون افدتك وشكراً

حاول الحساب يكون فيه مبلغ كبير تقريباً مية الف وفوق وشكراً

سوي الآتي:
1)زور موضوع مثبت بعنوان حصري متطلبات الفيزا الكندية.. وبتشوف كل شئ بالتفصيل..
2)وترى الضمان تاخذه من الوزارة.. خلي المبتعثة تروح القسم النسائي وتجيبه.. أنا ناس قالولي مو مهم.. وناس أكدوو عليه.. فرحت جبته لزوجي المرافق ولا أخذو من إلا ساعتين وهم معطيني إياه.
3)أنت أخ للمبتعثة والا زوجها؟ لآن يفرق في تعبئة الأبلكيشن..
راجع الموضوع اللي قلت لك عليه وبتشوف كل شئ

أخوي الله يرضى عليك.. لا تلخبط الرجال!!
هذا الكلام ينطبق على اللي طالع على حسابه.. أما مرافق كزوج مايحتاج مبلغ طوال ماهو مقدم ضمان مالي من السفارة.. وأنا بنفسي تأكدت من هالموضوع..

حتى ولو.. اللي يبي فيزة دراسية وهو مرافق مبتعثة:
1) الأبلكيشن المرافق في وحدة والمبتعثة في وحدة منفصلة.. إذا كان زوج وزوجته كل واحد يضيف الطرف الثاني كدبندنت في الأبلكيشن وإذا فيه اطفال يضافوا لأبلكيشن الأم.
2) تعبئة السبلمنتري فورم وعددها اثنين.. بخط اليد طبعا لكل ابلكيشن وإذا فيه اطفال يعبئ لهم بعد.
3) جواز السفر ترفقه مع التوقيع فيه في الصفحة الثانية. وترفق صورة منه بعد مع 3 صور فوتو للشخص الواحد وتكتب اسم الشخص وتاريخ الميلاد في خلف الصورة.
4)فبول اللغة او المعهد صورة منه الأصلي خليها عندك.
5)الضمان المالي اللي من الوزارة أنا رحت طلعته من الوزارة وترى هذا الضمان يشمل المرافق لأن اسمه مدرج في الضمان وهو اللي أنا قدمته بدل كشف الحساب.. في حين من الأسلم تقدم كشف حساب 6 شهور و لا يشترط فيه مبالغ حتى لو كان مصفر.. برضو راح يطلعوا لك فيزة طالب. أصلا اليوم بتقولي (تي اي) من المنتدى أنه مرافقها اخوها طلعت كشف حساب بس حق ارامكس قال لها خذية مو محتاجينة! بس أنا بقدمه لان أكثر من شخص بالمنتدى قالولي قدميه حتى لو كان الحسااب من اول الشهر مافيه فلووس.. بعني مو ضروري يكون فيه مبلغ كبير..
بالنسبة للمبتعثة لازم صورة من البطاقة حقة الملتقى. ولا تحتاج هالضمان
6)تعريف من العمل هذا ضروري للمرافق.
7) ترانسكربت لكل الشهادات ابتداء من شهادة الثانوية (انتبه لازم تكون مترجمة من وزارة التعليم أو المديريات المنتشرة بالمملكة) ومصدقة من الخارجية.
8) شيك مصرفي مسحوب على بنك كندي بالدولار الكندي تدفع بيه قيمة الفيزا حيث أن: المبتعث يدفع 125 دولار كندي. المرافق اللي بيدرس وعنده قبول لغة أو جامعة يدفع 125 دولار كندي عن كل طفل بتدفع 150 دولار . وإذا كان عندك اطفال كثار فلمن توصل 400 دولار تكتفي بهذا السقف للعائلة. مثال: المبتعثة ومرافقها اللي بيدرس 125+125 . ولو ماتبي تدرس راح تدفع 150.
9)وفيه شرطين للي عندهم اطفال اقل من 18 سنةوبيروحون مع احد الوالدين وفيه شرط ثاني اللي بيروح منطقة كيوبيك.

هذا والله اعلم..

والله خوفتوني !!
ناس تقول بطاقة الملتقى هي الضمان لك ولزوجك
وناس تقول لازم يجيب المرافق ضمان مالي خاص فيه !!؟
طيب كيف في الملتقى قالوا لنا اانو اسمائنا ومرافقينا عند السفارة وانهم ماراح يصعبون الامور وعارفين انو كل حاجة راح تكون على حساب الدولة !!؟
وبعدين اللي اعرفه انو مافيه ضمان مالي للمرافق الا في بلد الابتعاث ويستلمه من الملحقية !!
الاخت اللي تقول اصدرت ضمان مالي لمرافقها .. كيف اصدرتي له هالضمان مع انو من سابع المستحيلات !؟

مشكوووووووووووووووورين

بس احترنا زيادة كذا

شوفي يا مها..
أنا سئلت اللي ألحقوا قبلنا بالبعثة.. كلهم قالوا ضمان مالي مهم.. رديت لهم وقلت بس بطاقة الملتقى يقولوا انها تكفي.. قالولي هما سوو كذا وجاتهم فيزة طالب. وأنا مشيت على كلامهم بالمللي.. ولا لنا غير الإنتظار..
والضمان لا مستحيل مع تايد بالغسيل.. أول مارحت القسم النسائي وقلت لها ابغا ضمان السفارة.. على طوووووول سوته لي واخذته..