الأعضاء الإشتراك و التسجيل

الملتقيات
ADs

بليييز ... ساعدوني الله يخليكم <بالنسبه لفيزة المرافق إذا كان الوالد>

بليييز ... ساعدوني الله يخليكم <بالنسبه لفيزة المرافق إذا كان الوالد>


NOTICE

تنبيه: هذا الموضوع قديم. تم طرحه قبل 5532 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية rosette
    rosette

    مبتعث مستجد Freshman Member

    rosette غير معرف

    rosette , أنثى. مبتعث مستجد Freshman Member. , تخصصى MSc , بجامعة regina
    • regina
    • MSc
    • أنثى
    • regina_saskatchewan, almadinah
    • غير معرف
    • Jul 2008
    المزيدl

    January 25th, 2009, 11:53 AM

    الله يعطيكم العافيه ويجزاكم ألف خير ياااارب
    أنا عندي كم سؤال تعبوني من كم يوم بخصوص فيزة المرافق
    أنا حيكون محرمي الوالد الله يطول في عمرو يااارب
    وأبغى أقدملو على الفيزا بس في كم شغله ماعرفتها في النماذج

    (نموذج الفيزا السياحيه)
    فقره 4 >> Indicate how long you plan to stay in Canada
    يعني مدة اللإقامه في كندا حتكون قدي ايه ... من تاريخ كذا إلى تاريخ كذا
    طبعا بابا حيقعد معايا فترة دراستي كلها ان شاءالله...إلا اذا حصل أي تغيير في الخطه
    فهل ياترى أكتبلو في المده نفس مدة دراستي أنا؟؟؟


    فقره 5 >> Funds available for my stay in Canada
    الأموال المتاحه لإقامتي في كندا
    كم المبلغ إلي لازم أكتبه؟؟؟؟؟؟
    يعني أنا في نموذج فيزتي (فيزة طالب طبعا) ... قالوا نكتب مبلغ المكافئه .. يعني 2696
    طيب فيزة الوالد...هل أكتب مبلغ مكافئة المرافق؟؟
    إذا إيوه كم المبلغ هذا حق المرافق؟؟

    بعديين فقره 9 >> My present job (Give the job title and a brief description of your position)
    إلي هي خاصه بالوظيفه (وصف للوظيفه الحاليه)
    طيب أنا والدي الله يطول في عمرو متقاعد ... فإيش هيا الصيغه الصحيحه والمناسبه إلي توصف وضعوا كمتقاعد؟؟
    وفقره 10 >>
    Name and address of my present employer or school
    نفس الشي ... عن الوظيفه وعنوانها..
    إش لازم أكتب؟
    ولا أتركها فاضيه وخلاص مافيها أي مشاكل؟؟؟؟

    فقره 11 >>
    Name, address and relationship of any person(s) or institution I will visit are
    اسم وعنوان وعلاقة أشخاص راح يزورهم في كندا
    هدي أتركها فاضيه صح؟؟ ولا أكتب فيها اسمي على أساس إنو حيكون معايا في كندا؟؟؟؟؟

    هدا بالنسبه لنموذج الفيزه السياحيه

    *****************************************
    (النماذج المكمله)
    هدي إلي تعبيها بيدنا ... بالنسبه لورقة الــ
    SUPPLEMENTARY INFORMATION FORM
    يعني ثالث ورقه نعبيها
    الجدول الأول إلي نكتب فيه أسماء أفراد العائله إلي ماراح يسافروا معانا ماهم مرافقين للرحله لكندا
    ياترى أكتب أسماء أخواني كلهم؟ حتى إلي متزوجين؟؟؟؟
    ولا بس إلي في كرت العائله مثلا؟؟؟؟؟
    عشان أنا أختي متزوجه .. أكتبها معانا هنا وأكتب في خانة الوظيفه إنها housewife زي ماما يعني..ولا المتزوجين خلاص مالهم علاقه بهذا الجدول؟؟؟

    وبالنسبه لفقره 3 >>> Please list names of relatives or friends accompanying you on trip who are not included in this application.
    الرجاء ذكر أسماء الأقارب أو الأصدقاء المرافقين لك على الرحله التي لم تدرج أسماءهم في هذا الطلب.

    في ورقتي أنا أكتب إسم بابا ... وهوا في ورقتو يكتب إسمي؟؟؟ ولا ايش؟؟؟
    يعني فين لازم بين كل نماذج الفيزا إني أكتب إسم الوالد...وفين هوا لازم يكتب إسمي؟؟؟


    والله مررررررررره معليش إذا طولت عليكم
    بس من جد دورت كتير وسألت اكتر بس مالقيت جواب أكيد
    وزي ما انتو عارفين ... الواحد يبغى يكتب الشي الصحيح ويحاول قد مايقدر انو يرسل أوراق كامله عشان لا يرجعولنا هيا أو يرفضوها لاسمح الله

    الله يرضى عليكم لحد يمر عالموضوع من غير مايساعد بللي يقدر عليه
    حتى لو تتركولي دعوه صغيره .. ربنا يجعللي فيها تيسير وتوفيق من عندو ان شاءالله
    وماننحرم منكم ولا من فزعاتكم يااااارب

    أختكم
    ^_^



  2. السلام عليكم !! شوفي ياستي انا من تجربتي معا الفيزا الكندية انصحك ازا كنتي حتقدمي على فيزا سايح انك بس تكتبي فتره المعهد تبعك اللي هيا 6 شهور لانو لو كتبتي اكتر من كدا راح يكنسلو فيزتك بسبب انو فيزا السايح مدتها 6 شهور فقط !!

    وبالنسبه للفلوس اكتبيلهم مصاريفك كلها حقت 6 شهور و بين قوسين اكتبي مصروفك الشهري !

    ام عن موضوع ابوكي الله يحفضو ليكي فاانا اللي اشوفو اكتبيلهم انو رجل اعمال حره يعني عندو بزنس حقو خاص فيه حتى لو مابيشتغل المهم انو عندو مصدر دخل وبزنس خاص فيه !! دا عشان ما تدوشي راسك فيهم !!

    اما عن الفقره رقم 11 اكتبيلهم ما عندي عارفه ليش ؟؟ لانو في الورقه اللي تعبيها بيدك في سوال بيقولك هل عندك احد الاقارب او اي احد من عيلتك في كندا ؟؟ فانتي ريحي دماغك من القروشه واكتبي ماعندي لانو لو كتبتي احد رااح يعملو عليه بحث ويشوفو كيف الادمي دا وكيف وضعوا في كندا !! فانتي من بدايتها سكري الموضوع !!

    اما عن حكايه الورقه اللي باليد والسوال اللي بيقول اكتب اسما الاشخاص اللي ماراح يروحو معاك كندا؟ انا اللي اشوفو واللي عملتو اني كتبتي جميع اخواني واخواتي حتى المتزوجين بس من غير ما اكتب اسما اولادهم فانتي شوفي اللي يريحك وارجع اقولك لا تاخودي كلامي انو 100&#37; في ناس اكتر من خبره واعلم بدي الاشيا !! وانا بس حبيت اديكي رايي في الموضوع وسلااامتك !!
    7 "
  3. المشاركة الأصلية كتبت بواسطة The Future
    السلام عليكم !! شوفي ياستي انا من تجربتي معا الفيزا الكندية انصحك ازا كنتي حتقدمي على فيزا سايح انك بس تكتبي فتره المعهد تبعك اللي هيا 6 شهور لانو لو كتبتي اكتر من كدا راح يكنسلو فيزتك بسبب انو فيزا السايح مدتها 6 شهور فقط !!

    وبالنسبه للفلوس اكتبيلهم مصاريفك كلها حقت 6 شهور و بين قوسين اكتبي مصروفك الشهري !

    ام عن موضوع ابوكي الله يحفضو ليكي فاانا اللي اشوفو اكتبيلهم انو رجل اعمال حره يعني عندو بزنس حقو خاص فيه حتى لو مابيشتغل المهم انو عندو مصدر دخل وبزنس خاص فيه !! دا عشان ما تدوشي راسك فيهم !!

    اما عن الفقره رقم 11 اكتبيلهم ما عندي عارفه ليش ؟؟ لانو في الورقه اللي تعبيها بيدك في سوال بيقولك هل عندك احد الاقارب او اي احد من عيلتك في كندا ؟؟ فانتي ريحي دماغك من القروشه واكتبي ماعندي لانو لو كتبتي احد رااح يعملو عليه بحث ويشوفو كيف الادمي دا وكيف وضعوا في كندا !! فانتي من بدايتها سكري الموضوع !!

    اما عن حكايه الورقه اللي باليد والسوال اللي بيقول اكتب اسما الاشخاص اللي ماراح يروحو معاك كندا؟ انا اللي اشوفو واللي عملتو اني كتبتي جميع اخواني واخواتي حتى المتزوجين بس من غير ما اكتب اسما اولادهم فانتي شوفي اللي يريحك وارجع اقولك لا تاخودي كلامي انو 100% في ناس اكتر من خبره واعلم بدي الاشيا !! وانا بس حبيت اديكي رايي في الموضوع وسلااامتك !!
    تسلم يا The Future على الرد

    الفيزه السياحيه هدي أبغى أطلعها لبابا على أساس إنو هوا محرمي
    أما أنا خلصت من نموذج فيزتي والحمدلله

    صراحه ردك معقول ومنطقي
    وبرضو نشوف أهل الخبره والمعرفه إش يقولوا...وان شاءالله خير

    على العموم
    الله يعطيك ألف عافيه و يسلمك من النار يااااارب
    ويوصل فيزتك بالسلامه ان شاءالله ويخلصك من قلقها

    ^_^
    7 "
  4. روزيت حبيبتي انا رديت عليك ف مالكافيه بتاعناا ههههههههههههههههههههههه والله نفس الكلام اللى كنت ابغى اقوله بالضبط شكرا ذا فيوتشر على الرد
    تقبلي تحياتي ياقمررررررر واي وقت طفشانه تعالي الكافيه نتتسلى شويه اوكي
    7 "
  5. المشاركة الأصلية كتبت بواسطة amoora moora
    روزيت حبيبتي انا رديت عليك ف مالكافيه بتاعناا ههههههههههههههههههههههه والله نفس الكلام اللى كنت ابغى اقوله بالضبط شكرا ذا فيوتشر على الرد
    تقبلي تحياتي ياقمررررررر واي وقت طفشانه تعالي الكافيه نتتسلى شويه اوكي

    هههههههههههههههههههه
    أهلين أموره المرموره
    إنتي حتقولي....مسنترين هناك في الكافي طول الوقت
    ماتوصي حريص يعني

    وتسلميلي ياعسل انتي وفيوتشر على الرد
    والله يسعدكم ويخليكم ياااااارب
    7 "
  6. الا ياقلبي فيه اشدعوهـ ...شوفي انا عبيت ابليكشن لابوي و الحمدلله جته فيزا
    شوفي ياقلبي ...اول شي المده حطيها نفس المده اللي بتبقين فيها ...يعني من تاريخ كذا الى كذا ..نفس التاريخ اللي بتبقين فيه ..انا سويت كذا ...ع اساس انها فيزة سائح بعد ...بس انتبهي خليها Mutiple يعني يصير الرسوم حقته 150 للمرافق الزائر او السائح..

    فقره رقم 5 Funds available كتبت انا اي مبلغ و كان 3000 ..انتي كتبي اي مبلغ ايا كان

    فقرهـ 9 كتبي Retired

    مكان الوظيفه اكتبي None عشانه متقاعد اصلا ..

    فقرهـ 11 اذا كنتوا تعرفون اشخاص في كندا تربطكم فيهم علاقه صداقه او ايا كانت العلاقه اكتبي المعلومات الخاصه فيهم و اذا لا ..كتبي None
    اهم شي ما تتركين مكان فاضي ...

    الورقه الثالثه النماذج المكمله ..باالجدول اكتبي اسم امك و اخوانك و خواتك حتى انتي ...ماله دخل باللي يسافرون..انا كتبت اسمي من ضمن افراد العايله ..و بعدين اختج كتبيها حتى لو متزوجه يعني لو تزوجت خلاص تطلع من العايله لا كتبيها و كتبي لها الوظيفه Houserwife زي امك الله يحفظها..

    والله يختس من ناحيه الفقرهـ اللي فيها اكتب اسماء الاصدقاء او المقربين اللي لم تذكر اسماءهم
    انا بصراحه كتبت None ...مدري لاني انا انذكرت في الجدول فحطيت None عاد مدري انتي تبين تحطين اسمج مدري في ذي لاني حطيت None في اوراقي و اوراقهـ يعني كان كل واحد بيطلع فيزا بروحه و بيسافر بروحهـ كذا افضل عن الشوشرهـ ...

    عموماً انتبهي و انتي تعبين الابليكيشن اذا كان للطالب او المرافق...و اقريه لا طبعتيه ...
    الله الله ...حرصي ع تجميع الاوراق كاااااااااااامله ...بالتوفيق ياقلبي ..








    7 "
  7. ياعمرررري عليكي يا أحلى أحاسيييييييييس انتي
    طلعتي زيي مرافقك الوالد الله يحفظه !!!!!!
    فيييينك عني من أول ياقلبي
    جالسه حايسه أسأل الكل وأدور على وحده مرافقها أبوها ... وإنتي جنبي من أول
    لا وكراسينا جنب بعض في الكاااااافي
    ههههههههههههههه


    تسسسلمييييلي والله حبيبتي أحاسيييس
    بجد فكيتيلي أزمه وفرجتيلي هم
    الله يجزااكي ألف خيرررر ويفرج همومك ويبعد عنك كل شر وكل هم وغم
    ولاااا يحرمنا منك يا أغلى أحاسييييييس
    وعقبال ماتنتهي كل إجراءاتك على خير
    وتوصلي لكندا سالمه غانمه يااااارب

    بجد راح أدعيلك من قلبي من كتر مافرحتيني
    الله يسعدك دنيا وآخره
    ^_^
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.