سؤال الفيزا :(

ردو علي يااخواني انا بروح اسلم على جدتي وبجي مسافة الطريق والقا ردودكم اللي تشرح الخاطر اوكي<< ؟؟؟ وش يحس بة :d

ههههههههههههههههههههه .. لا تخاف يا اخوي الغالي هم اصلا ما يركزون الا على كشف الحساب وخطاب التكفل حق الوالد .. والباقي عادي .. بس الحرص الزايد هو اللي مخوفك ..

انت بس تأكد ان الرقم اللي عطيته لارامكس صح علشان بتجيك رساله منهم في اسبوع او اسبوعين المهم ما يتعدى الثلاث اسابيع .. انا الفحص جاني بعد ثلاث اسابيع بالضبط وسويته قبل امس واقاعد استنى الفيزا تطلع .. وبخصوص اذا جاك اوراق الفحص يعني انشالله الفيزا جايه ..

بس هي مسألة وقت .. وقت طلوع الفيزا من اول ما تسلم اوراقك لين ما تطلع الفيزا تاخذ 6 اسابيع واحيانا تاخذ اكثر وهذي مسألة حظ .. فيه ناس طلعت لهم الفيزا في 3 اسابيع ..

لا تشيل هم انت ماشي اوكيه .. الله يوفقك ويسهل امروك وامورنا معك

عاد تفضل معنا في صالة الانتظار وفضفض ياللي يقلبك حبيبي .. هههههههه

مشكور ياتي بس من زود الدلاخة رحت ابيع سيارتي وحطيت فلوسها بحساب الوالد وحساب الوالد كان فيه خمسين الف يعني طلع المبلغ حق الشهادة البنكية مية الف وشوي والحين انا مستاجر هذا اللي قاهرني اصلا انا بايعها بايعها لانها جابتلي قيمة حلوه 65 الف بس الخوف انها ما تجي الفيزا

السلام عليكم

انت وكل امرك لله تعالى ..

اختي بتروح ان شاء الله على حساب الوالد و بس معها قبول معهد اللغه
و الحمدلله خلال اقل من اسبوعين وصل الكشف الطبي والحمدلله وصلت فيزاتها بعد اسبوع من وصول الفحص لندن

انت لا تحاتي و تشغل بالك ان شاء الله امورك تمام

الله يوفقك و ييسر امرك ..

اكثر من الاستغفار ,,

تحياتي~

نقاء شكراً على ردك الطيب

يا اخي الفيزاا سهله مرررررررررره وبعدين يقبلون اي شي اسالني انا الحمد الله اوراقي اي كلام ومشي الحال

زي ما قالو لك الاخوان

لا تشيل هم ولا تزود الحرص بزيادة

وكلها رب العالمين وان شاء الله تتسهل امورك

والله يا اخويا انا مثلك با الظبط وكنت مررره خايف بس خليتها

ع ربك واليوم ارسلت اوراقي خلااص واحمد لله بعد مرور شهر في تجهيز الأوراق االلازمة

خليها ع الله ما ينسى عبده

السلام عليكم ورحمة الله ..
انا استلمت الفحص الطبي خلال اسبوع ، والحين اوراقي وصلت لندن ..
بشكل عام من الأفضل أن تضع قبول المعهد للفيزا فقط من دون قبول الجامعة وطبعاً تخلي فترة الدراسة اكثر من 6 شهور عشان تكون الفيزا فيزة طالب، لأن تكاليف الدراسة الجامعية معروف عنها أنها مكلفة وممكن يكون الي بالحساب بالبنك اكيد ما يغطي الدراسة الجامعية .
الشغلة الثانية بالنسبة لتعبئة الأبلكيشن للفيزا ، ينصح أن الشخص بنفسه يعبيها وهنا بالمنتدى موجود شرح تمام وكامل لطريقة تعبئة الأبلكيشن للفيزا ، لأن في معلومات دقيقه عن الشخص وممكن بعض المكاتب او غيره الي يقولون انهم يعبون الابلكيشن يحطون أي معلومات من عندهم ..

ولا تحاتي اخوي ان شاء الله سهالات ، بس حبيت أضيف هالمعلومات للطلاب الي حيقدمون عالفيزا ان شاء الله يستفيدون ..