LinkBack URL
About LinkBacks
الله يوفقكم يارب .. 
والحمدلله اموركم مسهلة عاد الانتظار والمراجعة مثل الدوائر الحكومية
تقول يا لييييييييييييييل مااطولك هههههههههههههههههههههههههههههههه
ان شاء الله تستلموا قرار الألحاق دا الاسبووووع بإذن الله
ولما تستلم وتسافر الى كندا تتذكر الايام وتضحك على ايام الانتظار والمراجعات وربي حالة هههههههههههه
الله يسهلكووم ويوفقكوووم يارب
7 " والحمدلله اموركم مسهلة عاد الانتظار والمراجعة مثل الدوائر الحكوميةتقول يا لييييييييييييييل مااطولك هههههههههههههههههههههههههههههههه
ان شاء الله تستلموا قرار الألحاق دا الاسبووووع بإذن الله
ولما تستلم وتسافر الى كندا تتذكر الايام وتضحك على ايام الانتظار والمراجعات وربي حالة هههههههههههه
الله يسهلكووم ويوفقكوووم يارب
March 30th, 2009, 09:58 AM
هادي يا معشر المنتدى تفاصيل رحلتي من جدة الى الرياض لمقابلة دكتور علي العطية الله يكرمه ياارب
في يوم السبت الموافق 1/4/1430 ققرت الذهاب الى الرياض لمقابلة الدكتور العطية
وفعلا روحت واشتريت التذاكر وحجزت على رحلة 1 في الليل
وطبعا رحت المطار قبل الإقلاع ب 20 دقيقة
واقلعت الرحلة والحمد لله وطبعا كانت مملة مررره مافي تلفيزيون والحالة حالة <<<هادي ساعة ونص طيران وزعلان
اجل كيف لمن يروح كندا ؟؟؟؟^_^
الموهيم وصلت مطار الملك خالد في الرياض الساعة 2.20 في الليل
وكان بإسقبالي الأخو العزيز الغالي Konvicted
وما ادراكم ما كونفيكتيد من جد رجل ولا كل الرجال ما نقدر نوصفه بكلمة
كله ذوق وادب واخلاق وكرم اهل الرياض اللهم سهله الطريق يارب عشانه من جد يستاهل
المووهيم
روحنا ارتحنا شوية وما ادراكم كيف الراحة
وثاني يوم الساعة 6.30 الصباح دووخت وانا اصحي الأستاذ حس حس
الموهيم صحي وظبطنا اوضاعنا والذي منو وطلعنا على مكتبة في طريقنا صورنا اوراقنا
وطلعنا ع الوزارة بعد التوكل على الله
طبعا روحنا لقينا انواع الزحمة وناس وحالات اشكال و الأوان تنتظر العطية
روحنا للإستقبال قولناله نبغا نقابل العطية قالنا انتظروا مع ها الناس هما بيقابلوه بعد شوي
قالنا انتو وش تبو ؟
انا قولتلو نبغا الحاق في البعثة او امر اركاب او اي شي <<اهم شي مشوار الرياض مايروح ع الفاضي لووول
قام ادانا اول شي ورقتيين وحدة لي والتانية لأبو الحس
عبيناهم وطبعا خليت حس حس يعبيلي حقتي عشان الخط حقي رائع
هادي الورقتين حقون الإلحاق
بعد كدا حسام اكتشف انو نسي شهاداتو في الكار وراح يجيبهم
وانا لقيت الناس بتدخل اوراقها لناصر البشر سكرتير العطية وما ادراكم ما ناصر بعدين لنا معاه حكايات
الموهيم دخلت لناصر وقولتله يااستاذ ناصر ابغا اقدم اوراقي عشان اقابل العطية قالي وش تبي با الظبط
قولتلو ابغا الحاق في البعثة قالي طيب روح هات نمزذج معلومات وعبيه وتعال
قمت روحت جبت نموذجيت واكيد عارفين الثاني لمين
عبيت حقي ومن كثر الربكة الي انا فيها اديت لناصر الإثنين ودبسهم مع الورق
وجلس يدقق ع الورق حقي وقالي وين فيزتك قولتلو مصورلك هيا مع الورق
قام كتب عليها شرح ووقع وقالي اكتب اسمك وانتظر كتبت اسمي وخرجت وادق ع حس حس اتأخر طبعا
وابغاه يحط ورقه بعدها بشوي جا ولمن حب يدخل اوراقه ناصر البشر اختفا هوا و السدحان
وقالو في اجتماع مع العطية
جالسنا ننتظر ابو ساعة ونص ونفك هرجات مع الناس الي برا والي جوا ونشوف حالات العالم
واكتشفت بعدين انو العطية جالس في مكتبو وال VIP بس هما الي ممكن يدخلوله جوا
انتظرنا الين الساعة 11.30 قام ناصر جا وقال الي ما سلم اوراقه من بدري يروح ويجي بكرا
طبعا انا زعلت ع حسام لأنو ما سلم اوراقه في ناس مشيت وفي ناس نشبة مثلنا
قام واحد من حقوون جده <<يعزهم رجال كبير راح اتمسكن للناصر قام قاله عطني اوراقك
وقال الي ما قدم اوراقه يجي يقدم
على طوول الحماس صار 1000 عندي وقلت حس حس خوووش عليهم يا جميل ^_^
وبس وانتظرنا نص ساعة وانا خرجت برا شوية والاقي الناس تزهمي يقوليلي يلا العطية جاا
واااااااو العطية جااا من جد فرحت وبغيت انقز عشان اشوف منهو العطية الي الناس تسافرلو بلاد ^_@
الموهيم جالسو ينادو با الأسماء والي يزهموا اسمو يعطوه اوراقه ويدخل ع العطية وله دقيقة ونص با الكتير يشرح فيها وضعه
وجا الدور عليا والقلب صار ينافض ودخلت قالي العطية بوجه سمح اتفضل ايش عندك
شرحتلو وضعي وقولتلو الله يسعدك ابغا الحاق في البعثة او امر اركاب اي شي يسعادني ع البعثة
قالي من عيوني ابشر ( الكلمة المشهورة ) قام كتب عليها خالد الجماز ووقع وقالي اتفضل في الصالة ونزهمك
انا طبعا اتذكرت كلام الأخوة انو لو كتب خالد الجماز يعني خير
وبعدها حس حس دخل وخرج متنرفز قولتلو خير وش فيه قالي البشر الله يرجه كاتب على ورقي قبول معهد فقط
مع اني موديله قبول جامعو معهد ورحت وقلتله ليش كاتبني معهد فقط وشوف قبول الجامعة قام قالو لالا معهد فقط !!!!!!!! شوفو الناس بس الله المستعان
وطبعا انتظرنا برا شوي وكل ما اتكلم شي يجيني واحد يقولي انت في منتدى مبتعث صح ؟
وطلع كوول الي هناك في مبتعث نسوي اعلانات في الوزارة يبغالنا
الموهيم انتظرنا شوية والناصر قال الي كلم العطية يروح ورا الرجال دا وياخد رقم
كل الناس خرجت وراه
وانا مع الحمااااس اول واحد وماشي جنبو واقولو يا استاذ..... والله نسيت اسموا الموهيم قالي سم يا اخوي
قولتلو دحين هادي تصريفة يعني وحاترسلولنا رسايل عفوا ونأسف ونشكرك ع طموحك .!!
قالي لا يا اخوك ان شاء الله خير قلت طيب
روحنا الي مكان مكتوب عليه الوارد والإتصالات الإدارية
وبعد كدا لقيتهم يوزعون ورق قلت وش هادا قالولي هادا الرقم الي تتابع فيه مع ادارة البعثات الي في الغدير
والله خفت انها تكون تصريفة لأنو كلنا بنفس رقم القيد
والرجال الي كنا ماشين وراه مشي قمت روحن انشبيت له وقولتلو يعني هادي مو تصريفة قالي والله يا اخوك الكلام هادا كان اول دحين كله اوكــــي مافي تصريف والله
قلتلو طيب شكرا
ورجعت واخدت رقم وقلت للي يعطينا الأرقام كيف نراجع واحنا كلنا نفس الأرقام قالي يعني انت حا تعلمنا شغلنا .!؟؟؟
وقالولنا راجعو بعد بكرا ادارة البعثات الي في الغدير وهما يقولولكم اذا فيه ورق ناقص او شي
ومشينا وكان اذن الظهر روحت انا وحس حس صلينا وشربنا كوفي والتعب عندي كان واصل 2000
طبعا عشان لي يومين ما نمت الموهيم رحلتي الي راجعة جدة كانت 9 في الليل قولت لحس حس
عشان ما شاء االله معارفو تمام في الخطوط خد قدملي الرحلة خليها على 4-5 العصر
قالي ابشر مع انو كان وده يفرجنا ع الرياض مسوي فيها مرشد سياحي بس قولتلو التعب يا خوك وان شاء الله لمن تبشرني با الإركاب بتلاقيني عندك في الرياض
بس هوا كان له رأي تاني بس خليه له لمن يجي ويرد يقوله ^_^
وطلعنا المطار ع الساعة 3.10 وقلتلو خلاص يا حسام روح انت قالي والله ابد ما اروح غير لمن تركب الطيارة
شوفو بس وين الرجولة والكرم حق العرب وصلو
وانتظر معاي با الصالة الي ما جا موعد الإقلاع وودعته وقولتلو ان شاء الله لمن تبشرني
بزورك ثاني <<طماااع
ملحوظة : الي كانو في الوزارة وعرفوني من ها الموضوع يجو ويقولو
وتقريبا هادا الي صار في الرحلة ومعليش طولت عليكم بس حبيت اقولكم وش صار معي انا و konvicted
با التفصيل
تحياااتووو