ايش نجيب وايش نخلي ..!!

اهلين اختي ..تجيبي اكل وقدور بعدين الوزن ماراح يساعد

اعطيكي الاشياء لضرورية والمهمة

جيبي معاكي ادوية .. للاحتياط تعرفين حنا من الحر السعودية الى برد كندا نصيب بتغيرات جوية ..

فجيبي ادوية للزكمة وأدوية مضاد حيوي .. وأدوية حق مغض البطن والبنادول

بالنسبة للاكل في كندا موجودة شاي ليبتون ونسكافه وفي رز كمان وفي مكرووونات كمان فلاتجيبي معاكي

واذا انت تحبي البن القهوة جيبي معاكي وتمر كمان ضروري ..وجيبي مكرونة اندومي لانه مافي اندومي عندهم ..وجيبي علبتين جبن وتونة اللي يمشيكي يومين بس

اما ادوات المطبخ ..جيبي معاكي بس مو كل الادوات يعني قدرين و صينية حاجة وصحنين وملعقتين يمشي حالك لانه

سوبر ستور وسيف واي تبيع القدور وكل شيء ..

واي اسئلة انا تحت امرك

أهلين ..

صادقه بانسبه للأدويه وان شاء الله ماانساها ..
طيب بسألك أختي ...ممكن اجيب معي أدوات مطبخ زجاجيه وألا لا..!!
والملابس ..صيفي وألا شتـــــوي فقط ..!!
وبالنسبه للأدوات الي احفظ فيها الأكل مثلاً الجبن أقدر أجيب معي زجاجيه والا ماله داعي ..!!

يا سلام على هالاسأله

انا بعون الله بعد شهر و نص جايتكم

و هالسؤال يدور براسي وش اجيب

هل اجيب اسلاك تحويله بحكم ان افياشهم من النظام الامريكي

ولا اجيب مأكولات بحكم اني اخاف من مشتقات الخنزير

ولا اجيب ملابس كثيره اشيل كل الي بدالوبي بحكم خوفي على الاسعار هل هي مرتفعه ام لا وانا اتكلم عن الملابس الشتويه

من ناحيه المواعين تطمنوا مارارح اجيب معي ولا قطعه تخص المطبخ

الا اللهم اجيب الي تحمي الماي لاني مجنونه قهوه وهم بجيب خيشه هيل و بن بحكم ان المرافق ابوي يالبي قلبه وربي يطول بعمره

أختي كندا ولله الحمد كل شي متوفر ..من الألف للياء حتى ادوات المطبخ فيه ..وتلاقينه في محلات زي سوبرستور و ولمارت

كاسات وتباسي حتى اغطية بلاستيك موجودة بالهبل ورخيصة وكمان مو عبوة وحدة كذا عبوات ..

اما

الصحون الزجاجية والقدور لو صار بين بداية الدراسة ويوم وصولك مدة كبيرة يعني راح تقضي براحتك فأنصحك لاتجيبيه

لو وقت الدراسة قربت ..طبعا ماحيكون عندك وقت كافي تروحي تقضي حق الادوات المطبخ لانه الوقت يادوب تجيبي شريحة

وتفتحي حساب وتدوري على الدي كير فجييها معاك وخلي الاهل يشحنوها لك ... في مكاتب الشحن

والله لو عندي معلومات عن مكاتب الشحن كان جبت لك بس للاسف ماعندي

ولاتحاتين في كل شيء متوفر في كندا .. حتى بقالات العربية حق الاكل واللحوم

والله يسهل لك

ونسيت بالنسبة للملابس كثري من الشتوي ... وقللي من الصيفي وروحي محلات حق الاثواب الرجال واطلبي قطنيات وصوفيات داخلية

لانه هو اللي من جد يدفيكي..وجيبي جاكيتات مطر لانه حتجوا في وقت اللي تهطل الامطار علينا

هلا اختي مرافق الاكلات ..في كل شيء في بقالات عربية

وفي بعض الاكلات خالية من مشتقات لحم الخنزي وبعض الاكلات فيها لحم الخنزير .. وانا ان شاء الله راح اسوي لسته للاشياء اللي حنبهكم لما تروحوا السوبرماركت في كندا ...

الله يجزاكي خير حبوبه ..

وننتظر اللسته ..!!؟؟

والله الشباب ماقصروا بالردود الوافيه
اهم شيء لاتشيلين هم ولاشيء
لان كل شيء موجود ولله الحمد
اهم شيء تجيبين تمر معك وقهوه وهيل لان ماتحصلينها بكندا
اما الباقي موجود حتى الاندومي موجوده بالبقاله المصري بسري
اما الملابس فانصحك بالشتويه ومايمنع بالخفيفه منها
مع تمنياتي لك بالتوفيق

عندي سؤال اذا ممكن

الادوية اذا حملناها معانا ما تخرب اذا كانت في العفش وبتصير مدة طويلة وهي برى الثلاجه وممكن تتعرض لحراره كبيره ؟