شرح اختبار الايلتس

إذا كان قصدك متى تقدر تختبر في السعودية قبل لا تروح، تقدر في أي وقت تدخل على موقع الأيلتس و تختار الموعد المتوفر و تدفع الرسوم و تروح تختبر.

تحياتي،
د.علي

اخي الفاضل تقدر تختبر اي وقت وفي اي مكان
مدة الاعتراف بشهادة الاختبار والدرجة سنتين
وولعلم تفدر تحتبر اكثر من مرة وفي اكثر من بلد يعني تقدر تخبر في السعودية واذا رحت المجر تقدر تختبر هناك الامر عادي

مشكورين وما قصرتوا

طيب الإختبار قبل الدورة أو بعد ؟

وش فائدة هذا الاختبار
؟؟؟؟
يعني بايش انا بحتاجه؟
وهل اقدر اختبر اذا سافرت الدولة بعد السنة الاولى الي هي حق اللغة؟؟

السلام عليكم شباب ابسئلكم عن هل هناك اشياء تذاكر لختبار الايلتس تكفون ساعدوني فيها
ودمتم بود

اخوي انت متى ما تبي تختبر الايلس ما عليك الا تدخل لي موقع الايلس وتبدا تحدد موعد وتعب النموذج وتدفع الرسوم وتتوكل على الله

واتمنى من الله عز وجل ان يوفقك وانك تحصل على الدرجات العاليه

هناك كتب كثيرة جدا تحصلونها بالمكتبات

على كثر ما تقراء وتحل من التمارين ان شاء الله على كثر ما رايح تجيب نتيجه

باختصار تروح للاختبار

يشيكون على جوازك ثم تدخل صالة الامتحان

في برطانيا يعطونك الاقلام والممحاة والبرايات من عندهم

ثم يبداء اللسيننق 50دقيقة طريقته يغلون جهاز فيه ثلاث مراحل ما يتكلم الا مره وحده

وانت عليك تعبي الفراغات وتعرف هو يون بالظبط

بعد 50 دقيقة يعطونك عشر دقايق تنقل الاجابات من كراسة الاسئلة الى ورقة مخصص للاجابات

بعده يجمعون اوراق الاسئلة ثم يطلبون منك تقلب الورقه الاجابات لتحل عليها من الخلف الريدينق

يوزعون الريدنق ولك ساعة واحده فقط وتشمل نقل الاجابات الى كراست الاجابات )))) هندي

بعدها ياخذون كل شيئ منك

ثم يوزعون عليك اوراق فارغة للرايتنق

ثم يعطونك كرت فيه سؤالين السؤال الاول عام مشكله وش رايك فيها 250 كلمه

او قضية وش الميزات فيها وايش السلبيات؟؟ لك اربعين دقيقه انت تحددها بنفسك يعني هم يعطونك ساعه للسؤالين

السؤال الثاني يفترض انك تقضي فيه 20 دقيقه وهو شارت او جدول فيه معلومات عليك ان تشرح ذلك بـ 150كلمة

بعد ذلك خلاص تنتظر يجيك الدور للسبيكننق 10-14دقيقة

اذا تبيون شرح مفصل اكثر او اسال وانا اجيب ان شاء الله

بعد إذن صاحب الموضوع
والله نحتاج شرح مفصل يا أحلام العودة عن هذا الشيء المسمى إيلتس أو ذلك الآخر المسمى توفل
أنا معيدة في الجامعة والعالم حولي يتكلموا إنجليزي وأنا ما حولي أحد والبركة في تعليمنا العام (ست سنين بلا فائدة )غير yes,no حتى محادثة بسيطة مانقدر نقول
المهم يالغالي/ة هذي بعض التساؤلات :
هل الإلتحاق بدورات اللغة الموجوده في المعاهد (المستويات ) تؤهل لدخول الأختبارات المذكوره أعلاه
أيهما أسهل
أريد نصيحة عامة لتعلم اللغة - ماهو أكثر شيء فادكم في تحسين لغتكم
(طلب أخير ادعوا لي بتسهيل بعثتي )لإن لدينا في الجامعة دكاتره أكل عليهم الزمان وشرب يقفون حجر عثره في طريقي