الحذر الحذر و انت في بريطانيا

August 14th, 2010, 01:25 AM

السلام عليكم و رحمة الله و بركاته ....

اليوم و انا في مانشستر طلعت انا و رحيمي من شقتي لشقة عمي اللي ساكن في العمارة الملاصقة لنا عشان وقت المغرب قرب و ما بقي شي على الافطار ... المهم لما طلعنا من باب العمارة و وصلنا عمارة عمنا اللي ما تبعد عن شقتي الا تقريبا ثلاثة امتار الا و ثلاثة من العساكر انقضو علينا!!!!! العسكري قام يكلمني و يقول لي : انت تشرب ماروانا !!!!!!!!!!!!!!! انفجعت انا و طبعا قلت له لا ... قال لازم نفتشك و نحقق معاك .... قلت له و ايش السبب !!! قال لما طلعتو انتم من باب بيتكم شمينا ريحة قوية و اللي هي ريحة مخدرات !!!!!!!!! و الله يا جماعة الخير ان العساكر كانوا بعيدين مدري ايش حاسة الكلاب اللي عندهم .... قلت له طيب عادي ممكن يكون صح فيه ريحة بس مو معناته انه انا اللي معي المخدرات .... قاموا يفتشون في المكان اللي احنا فيه يدورون على مخدرات ... العسكري اللي كان يدور بعد ما فتش المنطقة قال لخويه ما لقى شي ... قام الكلب خويه " على فكرة عسكري هندي " .. قال الا انا شايفه رماها بعيني !!!!!!!!!! المهم في النهاية اعطاني ورقة انه طلع ما عندي شي و قال خلاص روح ما عندك شي .........

ايش رئيكم بالعنصرية و الكذب و قلة الحياء !!!!!!!!! طبعا انا منزل الموضوع هذا ابغى احذركم انه الواحد لازم يتخذ الحيطة و الحذر والله ان عساكرهم عنصرييين بمعنى الكلمة و انهم يدورون الزلة ... يعني تخيلو من باب بيتي لباب بيت عمي و ايش صار لي اجل الواحد لو اضطر يمشي في طريق فيه محششين ايش صار له ؟؟ و تخيلو لو لقو شي مرمي في منطقتي و لبسوني تهمة !!!! الحذر الحذر الحذر ....والله كرهت البلد ... من حقهم يفتشو اذا شكو لكن ما هو من حقه يقول : انا شايفه يرمي المخدرات !!! و في النهاية و لا شي ... بعدين بالله بالعقل لو اني ماسك لي سيجارة حشيش بالله ما كانت ريحتي فايحة !!! بالله ما كانت الريحة تمسك بملابسي !!! يعني ليه يقول شمينا ريحة قوية و في نفس الوقت حتى ما شم ريحة ملابسي !!!!

بسالكم : الان اللي صار لي عادي و الا لا ؟؟؟؟ هل انا مبالغ في ردة فعلي او لا ؟؟؟ هل من حقه يقول انا شايفه و هو كذاب ؟؟ و كيف يقدر الواحد يدافع عن نفسه اذا انحط في موقف مشابه ؟؟

• نشر عبر تويتر
• نشر عبر فيسبوك
• نشر عبر جوجل