حوار التفرقة بين مكافآت البنات والشباب في بريطانيا ونطالب بالمساواة

يا خوووووووووووووك والله العضيم إنه كلامك ماله اي داعي...
ادرس والعن الشيطان والارزاق بيد الله.
(((((اصفي النيه)))

ممممممممم واالله صح لو انا مكانك حأنقهر ..

بس دا الشي مو بيديك ..


الله يعينكم

يعني اغلب الاوقات الملحقيه ما تدري عن المحرم موجود ولا لا

صدق لولا الحسد ما مات احد

طيب ليه ماتتزوج وتاخذ مكافئتين

فكره برضوا

ما اعتقد ان المحرم لو ترك الطالبه ما رايح يكتشف امره

اكيد بيكون عند الملحقيه علم ويتم تحذيره من الغاء البعثه

إنت تعرف البنات واغراضهم تنزل السوق تشتري كل اللي فيه إلين ما تشطب عليه وتحول سوق ثآني

أخوي النظام فيه مساواة زي ما المبتعثة تأخذ مكافئة للمحرم، المبتعث يأخذ مكافئة للزوجة، فلا يوجد منطق بالمطالبة بالمساواة في وجود التساوي.

و نفس الوضع ممكن يحصل من كلا الطرفين، يعني محرم الأخت يرجع و تستلم هي مكافئته، أو زوجة المبتعث ترجع و يستمر في صرف مكافئتها، و الحالتين غير نظامية و في المبالغ الي يستلمها المبتعث/ة نظر من الناحية الشرعية.

و هذه أوضاع شاذة (بمعنى قليلة و ليست هي القاعدة) و الشاذ لا حكم عليه.

و بعدين مع بالغ إحترامي لك، لا أنا ولا إنت ندفعها من جيوبنا.

تحياتي،
د.علي

اهلا اخوي فيقوا
الله يرزقنا ويرزق الجميع لكن انا تحدثت مطالبة ً للمساواة والمسألة ماهي مسألة حسد مثل مابعضكم يظن المسألة ان المبتعثه المتواجدة من دون محرم تأخذ مال غير مشروع
وشاكر لك مشاركاتك

اهلا اخت عهد
شاكر لك مشاركاتك وعسى الله يعين الجميع ان شاء الله

اهلا اخت فط فط
ان بعض الظن اثم
اخت فظ فظ المسأله مو مسأله حسد, المسألة مسألة مساواة مو انتم تطالبون بالمساواة بين الرجل والمرأه؟؟
والملحقية ماعندها اي خبر اذا المحرم موجود ولا مو موجود, ياكثر البنات اللي من دون محرم ويتم صرف مكافأه لهم وبعضهم ماشاء الله اسأل الله يثبتهم وبعضهم الله يصلحهن ويهديهن لكن هذا مو موضوعنا


اهلا اخ ahm3d
هل تعتقد ان الملحقية تعلم عن هذي النوعية؟؟
الملحقية ماتدري اذا انت حي ولا ميت فكيف تبيهم يدرون ان الطالبة من دون محرم علشان يتم تحذيرهم؟؟

اهلا اخ مروان
شاكر لك ردك يالغالي وكلن له متطلبات لكن التفرقة مشكلة

اهلا د.علي
الصراحه اشكرك كل الشكر على توضيح نقطه كانت بعيده عن بالي وهي مسألة المتزوج اللي يستلم مكافأه واهله مو معاه وهذي برضوا مشكلة ويجب ان يتم التعامل معها واعتقد ان افضل حل لهذه النقطه بالتحديد هي شبيهه للحل رقم 2
وبعدين يادكتور علي هالنوعيه ليست اقلية ليطلق عليها اسم مجموعة شاذة قلت لك قرابة 75% من الطالبات واراهن على هذي النسبه اذا لم تزيد او تنقص بمعدل 2%ـ
وشاكر لك لك اخي العزيز

اهلا اخ alsamid
الفكرة مو على يزيدوني وراح اسكت لا, المسألة مسألة اموال دولة, الدولة تضخ مليارات على المكافاءات ولازم نرد لهم الجميل
واذا انت تبيني انفع البلد بدراستي بالخارج
انا طلعت الحمدالله وتعلمت واتضح لي ان المال اللي تكلمت عنه بالموضوع مال غير مشروع ويعتبر استنزاف لأموال الدولة وبهالحاله اتمنى من الملحقية متابعة هذا الموضوع لإيقاف المال المستنزف وهذا اقل ما اقدمه للدولة كرد جميل
ولا انت ضدي بهالكلام؟؟
عايدي اخوي عطني وجهة نظرك اذا كلامي فيه غلط شرعي او قانوني انا مستعد اطالب المشرفين بحذف الموضوع والسكوت عن هذي النقطه بشكل كامل
وبعدين ياخوي تدعي علي بالموت لأني اختلفت معك في وجهة النظر؟؟
الله يهديك ويصلحك, انت تدرس برى ويجب ان تعتاد على الاختلاف في وجهات النظر ومحاولة جذب الاخرين لموافقتك مو تدعي عليهم اذا صارت حجتك ضعيفه!!

اشكر الجميع على ردودهم,

وقد يرى البعض ان المال العام مال سايب وخل كلن يستفيد, لكن اتمنى تكون الفائدة بشكل مشروع وليست تلاعب
وكل شخص مننا يشتكي من الفساد بقطاعات الدولة و و و و إلخ
إن الله لايصلح ما في قوم حتى يصلحوا مافي انفسهم
لازم نبدأ التغيير من انفسنا لكي نستطيع تغيير الواقع الى الافضل
متى راح نستطيع ان نقتلع الفساد الاداري من جذوره؟؟ اذا بعض الردود تعتبر هذا المال مال سايب متى راح نصبح دولة متقدمه من جميع الاتجاهات؟؟