ابغى ادرس طب ببولندا و لكن !!

تصدق وانا اختك نفس القصة تقريبا لكن بعد صعقة الايلس *اللي ماكنت اعرف اساسا ايش هو لانه فقط خبرتي بالتوفل XD *
وكنت حسوي زيييك بس خفت من انه ما اقدر اغير للطب بعدين بحيث اني ابدا ماقرات عن تغيير التخصص فكان ببالي انه مستحيل خصوصا أن التعهدات المكتوبة خوفتني مررة +خفت الاهل يقولون خلاص التخصص الفلاني دا احسن لك من الطب ×.×

لكن ربك ستر ورسلت طلب عالطب وبدون الايلتس خصوصا ان كلا رغبتي المانيا وكوريا لا تشترط الانجليزية في بداية الامر فرسلته وقلت اللي يصير يصير
والحمدلله على كل حال
رغم انه معايا ايلتس 4.5 دحين بس رفضوها في التدقيق والملتقيات خوفي دحين بس من اني اتحول لشي تاني ×_× عشان دا السبب




طيب بالنسبة لأسئلتك
قبل كل شي حنصحك تستنى وتتابع هنا في المنتدى فور انتاء المفاضلة
"نتوقع ع نص يناير بالكثييير"
ارسل طلب تغيير للتخصص
لانه في خيارين متوقعينها كلنا اما ان يزيد كم مقعد او ينقص كم مقعد لانه مستحيل المقاعد على قد المرشحين بالتمام
لو زاد حيكون فرصة للي بيغيرون ولو نقص عاد الله يعين اللي بيحولونهم لتخصص غير الطب
بعد كذا فكر ايش تسوي
وهذا اللي اعرفه عن اسئلتك :




1/احتمال انك تجيب قبول طب من بولندا صعب شوية فيبيلك شدة حيييل وشوف من دحين الجامعات الموصى بها في بولندا وايش متطلباتهم عشان تحققها خلال اللغة وتكون مستعد وممكن لاسمح الله حتى لو جبته مايرضون التغيير لانه زي ماقلت انت شددوا في الملتقيات مرررة على ذا الشي والله اعلم .



2/انا شخصيا لو اني محلك حيكون دا اختياري فاستغل دي السنة اطور لغتي بجدية تااااااامة كاني في مرحلة اللغة برا وبعدها اقدم عالمرحلة ال11 واحقق شروط الجامعات اللي ببالي عشان يسهل عملية جلب قبول

ايش بالضبط مخوفك من الشهادة ؟؟! انت خريج قديم ؟؟ اذا علتى الثانوي ان شاءالله مافيها كلام ابدا بس القدرات والتحصيلي فيها عندك عامين وتنتهي صلاحيتها فانتبه لذا الشي.




3/ماعندي خلفية تامة بس اللي اعرفه انه اي شي من تغييرات من بلد لبلد يكون بين الملحقيات والسفارات تبع البلدين
( اتمنى اللي عنده خلفية يفيدك )

لولا الله عز وجل كنت ناوية اكنسل البعثة بسبة الايلتس فقط لا اكثر لكن ربنا اكرمني الحمدلله وذي من اجمل النعم اللي حسيت بقيمتها والله .

بالتوفيق يارب وخلي دعواتك واملك بالله كبير ♡

اختي الفاضلة حبيت أسئلك عن الدراسة الطب في المانيا اللي مخوفني اللغة الألمانية هل هي سهلة وايش هي المعاهد الممتازة لتعليم اللغة الألمانية انا حابه وحلم حياتي اني ادرس الطب في المانيا ومحتتارة ادرس في المانيا ولا بجامعة الخليج العربي بالبحرين اختي ابغى نصيحتك خصوصا انك مجربة وشكرا

ممكن تتواصلي معاي
و ان شاء الله حساعدك
تواصلي معاي علا الواتسب
٠٠٤٨٥٠٥٨٤٨٥٦٥
عادل من الدمام