سكان سيدني .. ابيكم شوي بليزز

الغريب ان ثلاث ارباع الاعضاء ونصف الربع هم من فئة المستفسرين المحتاجين لإفادات

ونصف الربع الباقي هم اللي يتولون الاجابات بين الحين والاخر وهذا ابدا مو مغطي حاجة المنتدى

ماادر ليش معظم المبتعثين ملجأهم الاول هالمنتديات قبل السفر .. وبمجرد سفرهم واكتمال امورهم بحمدلله يختفون عن الانظار ... طيب ساعدونا

والله يا اخي الكريم ..
أنا ساكن قريب من المنطقه بس ما راح اقدر افيدك لاني ما لي فيها الا مدة قصيرة جدا ..

حتى الدراسة في المعهد ما بدينا..
لكن بافيدك باللي اعرفه طبعا المنطقة ممتازة من ناحية الخدمات يعني جنب المعهد فيه الهوسبتال ومقابل للمعهد فرع لبنك الكومنولث قريب منه يوجد مول الويست فيلد في منطقة برماتا فيه جميع الخدمات اللي تتخيلها وتحتاجها من بوست شوب الى شركات الاتصالات الى فروع للبنوك ومحلات الصرافة والسوبرماركتات والى اخرة .. والمسافه الى الويسفيلد ولا شي بالباص .

أما بالنسبة للسكن فالظاهر انه معاك عائلة وما ادري عن سكن العوائل في ويستميد لاني في هوم ستي لكن لو انك عزابي السكن في الكامبس ممتاز يمدحونه الشباب وللعوائل اشوف افضل منطقة هي اوبرن من ناحية راحة للعوائل وكثرة المسلمين وفيها مساجدومطاعم حلال ومحلات عربية يعني ما تتعب اذا بغيت تقضي للبيت والاهل ومن ناحية القرب فيه ترين الى الويستميد الظاهر ياخذ من عشر دقايق الى ربع ساعه وينزلك قريب جدا من المعهد تكمل خطوتين..

هذا ما جادت به القريحه لهذا اليوم واتمنى اني افدتك ولو شي قليل ..
واذا فيه احد من الاعضاء عنده معلومات افضل مني وله خبرة اكبر لا يبخل علينا.
واتمنى من الله لي ولكم التوفيق والسداد.

^
الله يجزاك خير ويعطيك عافيه ويوفقك في دراستك

ماقصرت