تكفون ولولا قساة الوقت ماقلت تكفون

سلام عليكم

الله يعينك ياخوي وطلب عونكـ من الله وحده سبحانه واستخر وخل زوجتك تستخير واللي كاتبه الله حياه الله ..

شف من زميل لي يدرس الآن ومعه زوجته لن أكذب عليكـ .. عشانه ماتدرس ودايم نايمه بالبيت ذبحها الفراغ وشاف المر معه ..

ويقول مدري أنا اركز بدراستي او اقعد خناق معه رجعني للسعودية طفشت ابي اهلي ومن هالكلام ..؟

يعني الزوجة يأشغلها بدراسة معك او لا تشيلها نصيحة الا ماقل وتبي تقدر ظروف زوجه وتتحمل ..

وزوجتك اذا شايلة الدراسة من راسه فالله يعينك على اقناعه فالقبول بالدراسة وبالخارج رغبة شخصية وليس بالأمر السهل او يأتي بالأكراه لو لا قدر الله ماتوفقت صار اللوم كله عليكـ لأنك غصبتها وهي مالها نفس ..!

لكن انا واقولها عند ربي صادق لو مكانكـ لتمسكت بوظيفتي وراتب الحمد لله عال العال وبنفس الوقت ماخسرت زوجتي واحترمت رغبتها ..

والله يكتب لك اللي فيه الخير يارب ..

نفس كلام ابو مها والصراحة والله اقولها جاد ترى وضعك ولله الحمد كويس وصح تفكيرك والطموح حلو لكن ترى راتبك مع الزيادة وراتب زوجتك ما شاء الله ممتاز والله الوضع يحتاج تفكير واستخارة

بارك الله فيك اخوي ابو مها كلامك عين الصواب والله تخاف من تاليها

ابجلس في في الوظيفة ونكمل في احد الجامعات انتساب ولا عن بعد وصدقني الشغلة ما محرزة اللي بيطور نفسة بيطورها حتى هنا والله اعرف ناس خريجين جامعاتنا والله افضل من المتخرجين من الخارج ولكن قلت فرصة وجات

وشاكر مرورك ,,,,

شاكر مرورك مجنون اميرة والله يكتب لنا الخيرة ...

اشكر مرورك اخي الوافي

والله مافية امل إجازة بدون راتب ولا غيرها استقاله ولا بلاش والله فية واحد من الزملاء نفس الوظع جاب اعتماد من خالد بن سلطان والله ما مشى ولا وافقوله الوضع مايبيله والمدام تقول اضحي بوظيفتي لكن وظيفتك آسفه والاسف في إجازة

اتمنى اشوف تفاعل .....

نصيحة

ترى فيه 50000 مبتعث لجميع التخصصات


يعني بيصير السوق في السعودية العرض اكبر من الطلب بمليون مرة


خلوكم في وظايفكم واقضبوا اراضيكم


ترى نصيحتي بمليوووووووووووووووووووووووووووووووووووووووووووووو ووووون ريال

والقصد من وراها وجه الله

عمري كبير ومليان تجارب والخبرة تقول خلوكم في اراضيكم


تحياتي

هلا بك اخوي
اولا اكرر كلام الاخوان الي قالوه واهم شىء الاستخارة
وبحكم الخبرة ابي اقولك لك تجربتي وهي اني مهندس وكنت اشتغل بشركة الخطوط السعودية وراتبي 8500 وعلاوات كل سنة وزوجتي كانت راح تتوظف ببنك وبراتب ممتاز بس جاتني البعثة اخذت اجازة من دون راتب لمدة 4 اشهر وبعدين استدعوني ولكن الحمد لله ارتحت في الدراسة هنا وحاس اني ما كنت ماخذ حقي لما كنت موظف بالسعودية واستخرت وقدمت استقالتي والان ولله الحمد مرتاح مررررة وراح اكمل دراسة الماستر وبعد سنة ونص ان شاء الله راجع والوظيفة مو اهم شىء بالدنيا اهم شىء العلم ولما تحط براسك الوظيفة فما راح تقدر تطور نفسك واذا كان هدفك العلم راح تجيك الوظيفة بنفسها وراح تحصل العلم وتوصل اعلى المستويات
هذي تجربتي حبيت اطرحها وان شاء الله تكون نافعه لك
بس اكرر لازم تستخير والموضوع اولا واخرا بيدك انت وزوجتك وانت ادرى بضروفك اكثر من اي شخص اخر
في شىء حاب اذكره قبل ما اختم هو كلمة للدكتور عبدالله الموسى وكيل وزارة التعليم العالي للابتعاث في اجتماع سابق مع طلاب سدني
في رده على سؤال ان ضروف الابتعاث لاتناسب بعض الاخوان وتواجههم كثير من المشاكل النفسية والمالية قال لهم هذي ضروف البعثة واذا مو قادر ومو مناسبتك ضروف البعثة فانت غير مجبور على قبول البعثة
تحياتي لك واتمنى لك التوفيق,,,,,

بكل وضوح لا تغامر
الدراسة في هالبلد تبي التزام وإذا كانت زوجتك هي صاحبة البعثة الاصلية فكل شي يرتبط بها إذا هونت في اي وقت تنتهي بعثتك مباشرة مع بعثتها حتى لو كنت مبتعث لحالك. لذلك لا تغامر