القرار الاخير والنصيحة منكم اخواني واخواتي

اخوي الله يوفقك ان شاء الله بدراستك

الشيء الثاني جامعة كوينزلاند من اقوى الجامعات الاسترالية والمشكلة الوحيدة الي هي اجتياز الايلتس مع اني ما اشوفها مشكلة لأن الي بيقعد فترة طويلة هناك راح يكون سهل عليه اجتياز الايلتس اخوي اما بالنسبة للجامعة الثانية فلا علم لدي فيها وبالتوفيق ان شاء الله

اول شيء الله يوفقك إن شاء الله في دراستك
ولكن كنصيحة ومن إطلاعي على اخبار استراليا وجامعاتها ومدنها
جامعة لاتروب أسهل وأفضل من ناحية الدراسة لأنه جامعة كوينزلاند صعبة جداً في موضوع الأيلتس ومعهدها سيء جداً حيث لا يأهلك للنجاح في الايلتس

وسمعت إنه كثير من الطلاب حولوا منها واللي اضطر إنه ينهي بعثته بسبب هالجامعة

مدينة برزبن ارخص من ملبورن

مدينة ملبورن فيها أكبر تجمع للمسلمين

عن نفسي لو خيروني بين الجامعتين كنت اخترت لاتروب ========> اعرف زميل يدرس فيها ويمدحها

أتمنى لو إنك قدمت على جامعة كوينزلاند تكنولوجي اتوقع إنها طيبة ومعهد اللغة فيها جميع الطلاب السعوديين يمدحونه

بالتوفيق إن شاء الله

وانا وياك انصحك بجامعة لاتروب ,, وايضا من مكتب الرحلات الذهبية والحمدلله كان القبول سهل ومريح ومتابعة اكثر من جيدة من المشرفين ماتوقعت يجينى بالسرعة هاذى


وطبعا الخيار يعود اليك هل ترغب بجامعة قوية او متوسطة لان الاستراليين جادين وانا عن نفسى لاتروب

مالي خبره ابد اخوي

بس ياحبذا تذكر لي والأخوان اين يقع مكتب الرحلات الذهبيه

اسعارهم - موقع المكتب - ارقامهم - فتره وصول القبول

مرحلة البكالوريوس - تخصص تجارة الكترونيه

نصيحتي لك ياأخ وليد ولايهونون الباقين هي بإنك تشوف نفسك هل تريد مؤهل قوي ويؤهلك بعد تخرجك أم تريد دراسة سهلة وعملية

بالنسبة لجامعة كوينزلاند كويس ماشاء الله إذا جاك منها قبول لأنه القبول عندهم صعب جدا ومايجيك بسهولة أبدا وكذلك دراستهم تعتبر دقيقة ومنضبطة لأعلى حد حتى إنهم ممكن يرسبونك في المادة لو نقصت بس درجة واحدة ومن هنا أتت شهرة الجامعة بالأنضباط والمنهجية بحيث إنه لاينجح طالب عندهم إلا وهو متمكن والفائدة هنا تكمن بعد التخرج حيث أن الطلب الوظيفي على مثل هذه الجامعات يكون عاليا نظرا للشهرة والسمعة التي تتمتع بها وأيضا الشئ الأخر أن الجامعة لها عضوية في G8 اللي هي الجامعات الثمان الكبار في أستراليا ومنها جامعة كوينزلاند وطبعا الجامعة مثل ماللجامعات السبعة الباقية مراكز بحثية كبيرة تنتج وتخترع كل جديد وهنا تأتي الفائدة لك شخصيا حيث أنك ستكون على إطلاع مباشر بهذه الأبحاث ومايستجد في مجال تخصصك وأضف إلى ذلك الدبل ديجري Double Degree اللي هو دراسة تخصصين في شهادة واحدة مثل إدارة الأعمال والهندسة مع بعض في درجة البكالوريويس وهذي ميزة تتميز بها جامعة كوينزلاند وكذلك لاتروب وغيرها من الجامعات وكذلك لو قدر الله وتوفقت أمين يارب العالمين وتخرجت من الجامعة ممكن إنك تواصل تعليمك في أي جامعة في العالم لأن الجامعة معترف فيها وكذلك غنية عن التعريف يعني بإختصار الجامعة تخرج علماء ومتخصصين في سن الشباب وكذلك ثق تماما بإن الجامعة ماتختار إلا أفضل العناصر اللي تلتحق بها يعني مثل نظام الثانوية عندنا ونظام النسب وماعندهم اللي يدفع يقبل أبدا هذا الشئ أتوقع مافكروا فيه أصلا لأنه فيه ألف طالب وطالب وده يخش الجامعة ويدفع بدال الألف عشرة وندخل على مدينة برسبان Brisbane وهي مدينة حلوة ورائعة يقطن فيها قرابة المليون والنصف شخص وتعتبر طبعا أقل كلفة في المعيشة من ملبورن Melbourne وتكفيك ألف دولار مو ألف وخمسمائة إذا أنت مقتصد يعني اكل شرب مواصلات سكن هذي أكيد بيغطيها المبلغ لكن إذا أنت راعي طهبلة وسهرات وبارتيات والله ولا 10000 دولار تعيشك هناك .

وإختصار الكلام أبعطيك الأيجابيات والسلبيات من وجهة نظري

بالنسبة للأيجابيات :

1- تعتبر الجامعة منضبطة ومنهجية في عملية التعليم يعني إنهم يركزون على مستوى التعليم اللي يقدمونه لك يعني يجيبون لك أفضل الدكاترة المتمكنين في مجالاتهم وتخصصاتهم وكذلك يقدمون لك أفضل الكلاسات وأفضل المواد التي تصب في مجال تخصصك مباشرة مب مثل جامعاتنا لغة عربية وطقتهن وفي هذي ضمان إن الجامعة مو من جامعات هشك بشك ولا ما كان وصلت للمستوى اللي هي فيه من السمعة والشهرة ورغبة الطلاب من كل أنحاء العالم في الألتحاق بها .

2- السمعة اللي راح تحصل عليها بعد التخرج بإنك خريج من جامعة كوينزلاند وأكيد أن الشركات وغيرها بتحاذف عليك من كل صوب لأنهم عارفين إن الجامعين ماتخرج ناس إلا وهم فاهمين ولا ماكان نجحوا وهذي فائدة مهمة المفروض تحسب حسابها .

3- الجامعة مثل ماذكرت من الجامعات الثمانية الكبار والقيادية G8( لاأحد يفكر إنها أسهم الراجحي ولا سابك ) واللي هي من اكبر الجامعات اللي تقود عملية التطوير والأبحاث في البلد وتصب هذه العملية في مصلحتك لو إستفدت منها بحيث غنك تتطلع على كل جديد في مجال تخصصك .

4- وهذي النقطة تشترك فيها كوينزلاند ولاتروب وغيرها من الجامعات اللي هي وجود الدبل ميجور Double major أو الدبل ديجري Double Degree وفكرتها هي دراسة الطالب تخصصين في شهادة واحدة مثل إدارة الأعمال والهندسة مثلا بدال ماتجلس تدرس الهندسة 5 سنوات وبعدين تتخرج وتاخذ ماجستير في إدارة الأعمال لمدة سنتين هذي تدمجها مع الشهادة يعني لو دراستك أربع سنوات تصير خمسة وهذي لطلبة البكالوريويس والدراسات العليا وموجودة في أغلب جامعت العالم .

5- بما إننا نستبق الأحداث ونحكم أقول لو وفقك الله وتخرجت ونجحت من الجامعة وفكرت تكمل تعليمك في أمريكا مثلا راح تصير الخطوة هذي سهلة جدا عليك لأن جامعة كوينزلاند معروفة في أوساط الجامعات الأخرى بحضورها يعني مثلا ممكن تشبه كوينزلاند بهارفرد .

6- وأخيرا وليس أخرا أقولك ياأخ وليد ثق تماما بإن الجامعة تطبق مبدأ الجدارة في القبول يعني أكثر الطلاب طموحا وتحصيلا للدرجات وغيره يقبلونه على طول يعني ياخذون أفضل الموجود وهذي أيضا تفيدك بصفة مباشرة إذا كنت من الناس اللي تتأثر بمن تجالسهم أو تصاحبهم أو قل على الأقل بإنك راح تجالس ناس مجتهدين وراح تستفيد أنت بالتخصص اللي دخلته والشئ اللي بغيت أعقب عليه إنه مايقبلون أبدا أي طالب يدفع هذي مو من سياسات الجامعة ومن إكتسبت الجامعة الشهرة بحيث إنها تستقطب أفضل الطلاب للدراسة في جامعتهم والشئ الأخر إنك راح يكون تحصيلك عالي وراح تتخرج وأنت فاهم التخصص اللي أنت داخله .

بالنسبة للسلبيات :

1 - الدراسة في الجامعة صعب والأيلتس مثل ماتفضلت عالي عندهم يعني الجامعات الأخرى تاخذ 6 أو 6.5 لا هم ياخذون 7 .

2- المنهجية والأنضباط ممكن تأثر عليك أنت لأنه هم مايسامحون على الدف أبدا لو بس بقالك درجة ماعطوك هيا إلا بجهدك وتعبك يعني وجهين لعملة وحدة وطبعا صعب إن الشباب وأنا معهم نعطيك نصيحة من دون مانعرف تركيبتك وشخصيتك يعني مثلا أنت طالب طموح وعندك جلد وصبر ولا أنت طالب ممكن تتحطم بسهولة وصبرك قليل يعني أشياء كثيرة لكن إن شاء الله راح نحاول نحيط بالموضوع من كل جوانبه .

بالنسبة لجامعة لاتروب جامعة حلوة وأسهل من كوينزلاند بكثير وأنا نصيحتي لك إذا أنت راعي شغل وطالب طموح لأبعد درجة وعندك صبر وجلد وتبي تدرس من جد وتبغا تنجح إتكل على الله وخش كوينزلاند وأنت مغمض .

أما إذا أنت عكس كذا صح تبي تدرس وهذا وتبغا إن الضغط مايكون عليك شديد أو إنك ماتتحمل نظام العمل المتواصل أو إنك ماتتمتع بالصبر الكافي أو إنك سهل تنكسر أو تصاب بالأحباط خش لاتروب وخل كوينزلاند .

ومني لو إني مكانك دخلت كوينزلاند ووجهة نظري هي إني أنا متغرب متغرب وتعبان تعبان وبينلعن أبو جدي وفي كل الأحوال يعني ياأتعب على شئ يستاهل ويرفع راسي ولا بلاها وماأدري عنك ياوليد هل تتفق معي في هذي النقطة أو لا

ومثل ماقال محمد عبده :

يامدور الهين ترى الكايد أحلى - إسأل مغني كايدات الظروفي
الزين غالي لكن الأزين أغلى - ولكل شراي بضاعة وسوقي

ولو حبيت نتواصل خذ إيميلي وحياك الله في أي وقت : saleh_1991@hotmail.com

شكرآ على نصائحكم وحرصكم و مروركم جميعآ اتمنى لكم التوفيق والنجاح يارب سأضيفك لدي اخوي صالح -- طيب اذا اخترت جامعة كوينزلاند اولآ المعهد التابع للجامعة لماذا الطلاب يذمونة مادام الجامعة ممتازة هل يوجد طلاب من الدول العربية اجتازوا الاختبار الايلتس من دراسته في المعهد والمعهد سوف ادرس فية 45 اسبوع المدة هل هي كافية لاجتياز اختبار الايلتس ..

بالنسبة لمكتب الرحلات الذهبية يوجد في شارع الثلاثين بالرياض اجعل التميمي على يسارك وطول على امتداد الشارع وطول سيأتيك اول دخلة على اليسار اتركها وطول الدخلة الثانية ارجع يسار وطول سيأتيك المكتب بعد الكبينة الهاتفية بقليل الرقم ____014653230 الاستاذ اسامه او فهد --- من ناحية القبول شهر تقريبآ ولكن للأمانة جميع العاملين بالمكتب خدومين جدآ وترتاح بالتعامل معهم ودمتم بود