مبتعث مجتهد Senior Member
أستراليا
أحمد نت , ذكر. مبتعث مجتهد Senior Member. من السعودية
, مبتعث فى أستراليا
, تخصصى طالب بجامعة UWS
, بجامعة جامعة ويسترن سيدني
- جامعة ويسترن سيدني
- طالب بجامعة UWS
- ذكر
- سيدني, NSW
- السعودية
- Oct 2006
المزيدl November 12th, 2006, 11:04 PM
November 12th, 2006, 11:04 PM
بسم الله الرحمن الرحيم
اخواني كما تعلمون ان اليوم هو اول ايام المعرض وبكره اخريوم فخلوني اقول وش صار معاي طبعا طلعت من البيت الساعة 5 العصر متوجها للمعرض لحد يغلط مثلي ويدخل القاعات الي جنب الفندق لأني دخلت مؤتمر حق كسور العظام روعوني :105: بالهياكل العظيمة ادخلوا من عند بوابة الفندق الرئيسية واول ما تدخل تروح يمين وقدام الى ان يجيك المعرض المهم ما علينا وصلت انا هناك وصليت المغرب ودخلت المعرض وكان الزحمة متوسطة الى مزدحمة على خفيف يعني مب ذيك الزحمة مرة واول ما تدخل تلقى الجامعات جنب بعض وكل جامعة لها تقريبا مندوبين وتقعد قدامهم على الكراسي و اسئل لين ما تمل وطبعا عند بوابة المعرض راح تلقى مكتب للأي دي بي يختمون لكم اوراقكم كلها افضل لكم ختموها من عندهم المهم اول شيء خلوني اقولكم وشي الجامعات الي ما جت والي هي كوينزلاند وكوينزلاند تكنلوجي وموناش هذا الي ما شفتهن طبعا بيجي واحد وبيقولي انا شغت لوحة للكوينزلاند تكنلوجي بس انا اقول هذا وكيل للجامعة ولا عنده سالفة متخصص ببعض التخصصات وبكالوريوس فقط ما ياخذ ماجستير المهم
انا توجهت الى جامعة قريفث واخذت منهم نموذج وبديت اعبيه الله يعينكم حوسه وانت تعبي الابليكشن عاد اول ما خلصت رحت لهم ونصيحة لكم يا شباب لجامعة قريفث ثلاث مندوبين واحد هندي شين ما يعرف يتكلم واحد اصلع وده يذبحك ونفسه:101: بخشمه والثالث تحصله بالوسط رهيب:98: يعني يعطيك كل شي ويفيد بكل المعلومات والابتسامة ما تفارق وجهة ويوم شاف اوراقي انبسط وشاف معدلي قالي انت لازم تدرس عندنا وان شاء الله اسبوع واحد ويكون القبول عندك :050103hm_prv: انا انهبلت من جد اسبوع قال اسبوع وبالكثير اسبوعين والقبول عندك واذا تبي اي شيء راسلتي وعطاني ايميله المهم اخذت اوراق والابليكشن وختمتها من عند مكتب الاي دي بي عند باب المعرض ورجعت للجامعة وعطينه اوراقي خلصنا من قريفث
توجهت الى جامعة نيو ساوث ويلز اخذت الابليكشن اول شي وعبيته ورحت انتظر لين ما فضى مندوبهم وقعد يشرح لي طبعا بمساعدة زميلي انا ما اعرف انجليزي وقعد يبربر عاد قعد لي بحاجة والي هي مدة دراسة الانجليزي قالي ما يحتاج سنة ست شهور كافية عاد خويي يقوله يا بن الحلال شفه كانه بنغالي ساكت ما تكلم وانت تقول ست شهور عاد رفض وقلنا له مب مشكله ست شهور ست شهور وقررت انا وخويي نرسل للجامعة ايميل ونقدم موعد الدراسة وادرس سنة يوم قلنا له نقدر انقدم الدراسة عن طريق الايميل قال ايه طيب انت ليش ما تخلصنا وتخليني ادرس سنة للغة قال لا قلنا براحتك عاد رحت و ختمت اوراقي من الاي دي بي وسلمت لجامعة نيو ساوث ويلز اوراقي كاملة وقالي خلال 3 الى 4 اسابيع يكون القبول عندك قلت له اوكي
وهاذي تفاصيل روحتي للمعرض
ملاحظات على السريع :
1- لا وجود للبنات يعني يمكن شفت بس بنتين وهنديات بعد
2- الهنود متواجدين وبكثرة والله سوو قلق ويقعدون عند المندوب حق الجامعة سنة بربرة على غير سنع
3- الفندق مشكورا موفر الة تصوير مجانا كل واحد يبي يروح يصور
4- نصيحة يا شباب روحو مبكر يالله يمديكم انا رحت من الساعة 5 الى الساعة 9 وربع وياله اني خلصت
5- عدد الجامعات تقريبا 13 جامعة تزيد او تنقص شيء بسيط
6- بعض الجامعات ما تاخذ رسوم تسجيل مثل قريفث بس جامعة نيو ساوث ويلز اخذو مني
7- لا تنسى تاخذ قلم لأن القلم بيكون شيء ثمين هناك
8- احرصوا انكم تاخذون معكم وااحد يعرف يتكلم انجليزي اذا كنتوا ما تعرفون لأن جميع المندوبين استراليين او انهم ما يعرفون يتكلمون انجليزي
ولا تنسونا من خالص دعائكم واي استفسار انا بالخدمة
الله يعطيك العافية اخوي العاني
وان شاء الله الجميع يستفاد من موضوعك وموضوعي
والله يوفقنا وياك
أحمد نت November 12th, 2006, 11:24 PM
7 " كم اخذوا عليك الجامعة رسوم تسجيل ؟؟؟؟
محمد الجعيدي November 13th, 2006, 12:19 AM
7 " تقرير مميز عن الملتقى مشكور أحمد على المجهود الرائع ولا عدمنا مشاركاتك ...
العاني تعجز الكلمات برد الجميل لما تقدمة لاخوتك ...
شكراً لكم
Amin November 13th, 2006, 01:51 AM
7 " الله يعطيك الف الف عافية اخوي العاني على تعديل المعلومات وما تقصر يا الغالي اجل متكي عندهم للعشر اكيد خبرة اكثرههههههههههه
الله يوفقك ان شاء الله ويسر امرك واحب اشكرك على حرصك يا الغالي
أحمد نت November 13th, 2006, 08:18 AM
7 " 
LinkBack URL
About LinkBacks
November 12th, 2006, 11:04 PM