اللي عنده خبره في هالموضوع يتفضل مشكورا

وعليكم السلام ورحمة الله وبركاته ,,..
مساك الله بالنور (عندنا ليل اللحين)..
والله ياخي الاسئله كثير ماشاء الله ,,لكن بافيدك باللي اعرف واعذرني مقدما على القصور..
الامر الرئيسي اللي هو الانضمام للبعثه واللي بيحدد لك امورك الباقيه ,
واللي حاصل الان انه فيه صعوبه اكثر من اول .. مثلا واحد من الشباب اعرفه شخصيا هو الان بيبدا الماستر بعد شهرين تقريبا قدم طلب انضمام للبعثه وما وافقوا له ..
وكلام الملحقيه انه الطالب لازم ينهي 9 ساعات من الماستر قبل ما يقدم على طلب الالحاق وهذا من الشروط (ممكن تطلع على الشروط من موقع الملحقيه او من موقع وزارة التعليم العالي)
في حل اتوقع انه افضل وهو انك تنتظر المرحله الخامسه من الابتعاث اللي راح يبدا التقديم عليها خلال شهر تقريبا وان شاء الله اذا جا قبول من الوزاره تكون الامور ارتب بشكل كبير من الان وبدون خساير ولاتعب .. حتى لو التخصص اللي تبغاه ماهو موجود ممكن تقدم على اي تخصص في الاداره وبعدين من هناك تغير التخصص اللي تبغى !

بالنسبه للانضمام للبعثه من السعوديه ماقد سمعنا فيه, لكن بيني وبينك (بالواسطه كل شي يصير)..

اتمنى اني افدتك واذا الشباب عندهم خبره او راي افضل ما راح يقصروا اكيد,,,,,,واي سؤال انا في الخدمه ..,,..,,..,,

أنا مع راي الأخ الغامدي في أنك تنتظر التقديم على المرحلة الخامسة من الابتعاث لأنه راح يكون أفضل لك من ناحية القبول ومصاريف الدراسة وتكاليف المعيشة وإلخ إلخ إلخ وممكن ساعتها عند التقديم على الابتعاث تضيف زوجتك وتختار أي تخصص في الإدارة ولما تروح هناك تغير التخصص . تمنياتي لك بالتوفيق

ولك تحياتي

مو جامعة نيوكاسل موقوفة ؟

اخوي تأكد اظنها موقوفة .
وسبحان الله ما تدري وش الخيره فيه ...

الغامدي
ابو تركي

شكرا لك فديتكم والله يجزاكم الف خير ويسهل اموركم بالدنيا والاخره


علي عبدالله
كيف موقوفه مافهمت عليك
انا جاتني الموافقه على الدراسه مبدئيا توها واصله مالها ثلاثه ايام
هذا اذا كنت تقصد انهم مايستقبلون طلبات دراسه
واذا كان غير كذا ياليت توضح
وشكرا لك . . .,,,

الأخ علي عبدالله يقصد أنها موقوفة من وزارة التعليم العالي يعني أنها ما تبتعث أحد للدراسة فيها عشان زحمة السعوديين فيها لكن ممكن تتأكد من موقع الوزارة وتشوف وكذلك من موقع الملحقية في استراليا .

ولك تحياتي

شكرا لمرورك الله يعطيك العافيه