إستراليا ولا......؟؟؟

هلا بك والله أخوي ويا مرحبمبم < الواد حجازي هههههه


بصراحه أنا لو مكانك أول شئ أستبعد الهند .. لكثرة البوذيين فيها و مشاكل هاليومين واجد ..

أستراليا دولة متطوره و بالكمبيوتر تمام و جامعاتها راقية و ما يحتاج .. لكن ما أعرف عن المعيشة فيها ..

ماليزيا .. أعتقد أن المعيشة فيها فوق التمام و رخيصة مرره .. جامعاتها كـ ملتيميديا مثالا راقية و قوية ..
و الأهم من ذا كله أنها دولة مسلمة خلاف الأثنتين الأولى ..
و المسلم فيها له تعامل خاص . و بالذات السعوديين .





ـ آسف إني ما أعطيتك الإجابة الواضحه و التي كنت تتمنى أن تشفي سؤالك .!!
لكن هذا بسبب إني موب رايح ولا لوحده منها ..



شكرالك

هلا والله وغلا اخوي ..

شوف انا ما راح اختار لك لاني مادري وش انت مركز عليه

لكل دوله ايجابيات وسلبيات

مثلاً الهند :
ايجابياتهااا
اقوى دولة في الحاسب الألي وخاصه في البرمجه والنظم . وعندهم مدينه خاصه بالحاسب الآلي وفيها شركات مثل سيسكو ومايكروسوف والطقه ذولي يعني تقدر تأخذ شهادات قويه ومعتمده منهم وانت جالس تدرس في الجامعه وبمبلغ بسيييييييط جداً
وهم ما ينبذون السعوديين

ولاكن مشكلتهااا

انها الهند<< يعني هل تقدر تعيش فيهااا

الأكل<< هل تشتهي تأكل مجرد اكل من هناك
المعيشه البسيطه << هل تقدر تتأقلم معهاا
ولا تنسى الأمراض<<< لانها دوله فقيره

يعني حط ذولي في الحسبان


ولما نجي لماليزيا

يميزهااا فيهااا جامعه ملتميديا لا بأس بهااا

ولاكن جو الدوله مو جو دراسه <<< بالنسبه لي

وايضاً هم ناس يحبون يتعلمون ويطورون انفسهم << هل انت من النوع هذا

يعني مستعد تصير مثلهم تكرف وكل شيء دراسه والا لعب السعوديين

لانهم مثل اليابانين او اشد في التعليم

وقصدي مالها داعي تصير الأخير عندهم


واما عن استراليا

فانا برئيي انهااا حلوه .. وراح اقولك ايجابياتهااا .. لاني ما اعرف سلبياتهااا

اول شيء دوله هجره يعني ما يدرون هل انت سعودي او خليجي يعني بالموت يطلعونك آسيوي

دوله فيهااا كل الديانات لانه في الشارع الواحد تلقى ميه جنسيه ..

جامعاتهااا حلوه .. وقوية في الصنيف العالمي ..

والمعيشه فيهاااا تقريباً لو كنت بتروح على حساب الوزارة بتمشيك لو ما بذرت

وانا الي واقع اختياري عليهاا



لانه لا تحط في بالك انك رايح تدرس

لازم تحط ببالك المكان حتى لو انت ما رحت تتمشى هل تستطيع تتأقلم معاه ..

الأكل << وهذا والله العظيم مهم ..

المناخ<<< بعض الناس مهم عندهم ..

يعني انت ركز على الأشياء ذولي وربي يعينك يارب


وهذي معلومات اتمنى انها تفيدك .. وصدقني ما راح تضرك ..

وانشاء الله الأخوان يساعدونك


اخوك
العاني

هلا بك والله أخوي بين اخوانك، وانا اؤيد هذا

أخوي العزيز Java حياك الله بالقسم وإسمح لي أدلوا بدلوي وإن كان مختلف رأيي عن الباقين


إذا كنت تبي تدرس نظم المعلومات أو الحاسب بشكل عام فرأيي ولو إني مكانك إني أدرس با ( الهند )

وفيها مميزات كثيرة البلد منها أولا :

أولا : التطور التكنولوجي اللي حاصل عندهم وثانيا أصبحت الهند تعتبر من أكثر دول العالم إن لم تكن أولها في صناعة تقنية المعلومات وتدر عليها دخل هائل وذلك لرخص اليد العاملة وكذلك وفرة المبدعين ويكفيك علما إن ثلاثة أرباع الذين يعملون في وكالة ناسا للفضاء في الولايات المتحدة الأمريكية هم من الهنود ويكفيك إن مدير النظام للحاسب في كليتنا اللي هي كلية الأتصالات والمعلومات بالرياض ماسكها واحد هندي برضوا :119: وهذا إن دل على شئ فإنما يدل على تفوقهم في مجال الحاسب والمعلوماتية ولا ماكانوا جابوهم من كل محل وحتى في كل التخصصات الأخرى مثل الطب وغيره وتدري ياحبيبي إن كورس الطب في السنة يكلف 4000 ريال بس .

وثانيا : قوة الجامعات لديهم ووفرتها وكذلك ممكن تدرس في مدن نظيفة جدا مثل بنجالور التي لاتجد فيها فقيرا أو معدما إلا نادرا وكل سكانها من الطبقة المتوسطة وكذلك حيدر أباد المعلم الأسلامي المعروف ومحل المسلمين هناك وهناك مدن كثيرة تمتاز بالطبيعة والنظافة والجو الصحي مثل كيرلا في الجنوب وكذلك تشيناي والسمعة التي تخرج عن الهنود أن بلادهم تملؤها الفقراء من الشرق للغرب وماتشوفه في أفلام السينما هذا غير صحيح أبدا وجرب تزور الهند وتعرف كلامي صح وصحيح هناك مدن قذرة جدا ولاتصلح للدراسة مثل بومباي وأيضا كلكوتا جنب بنغلاديش ونيودلهي العاصمة ولذلك تتفاوت المناطق هناك يوجد الفقيرة وكذلك يوجد المتوسطة والغنية برضوا ولازم تحط الشئ هذا حلقة في ودنك وأنا صراحة أنقد على الذي يقول إن الهند متخلفة يكفيك بس إن مافي الهند يفوق إنتاج الدول العربية مجتمعة من كل الأشياء حتى تكاد تجمع إن لديهم إكتفاء ذاتي في كل المنتجات .

ثالثا الجو الأسلامي : يوجد في الهند قرابة 200 مليون مسلم وهم في ذلك يصبحون ثاني أكبر بلد إسلامي في العالم بعد إندونيسيا ولذلك لن تتعب في إيجاد المساجد أو الأكل والشرب وحتى الأكل والشرب قريب من الأكل العربي جدا مثل البرياني الذي يشبه الكبسة السعودية كثيرا والمندي وغيره وسوف تجد هناك محلات للحضارم وأبويمن حقات المظبي وغيره والأكل يتفاوت فيه أكل الأكشاك اللي زي عربة البليلة وفيه كذلك مطاعم خمس نجوم يرتادها الأجانب وأنت والخيار ودراهمك وحتى المساعدة من المسلمين فهم يتشرفون بالعرب ويقدرونهم إلى حد التبرك لو تبغى وإذا قدر الله ورحت هناك تعرف كلامي ووحتى الأشاعات التي تنطلق وتقول الهندوس هناك يضايقون المسلمين وبينهم مشاكل ترى هذا الكلام قديم ويكفيك إن الرئيس الهندي هو مسلم وبعدين بالعقل إحسبها البلد تبي مشاريع وتبي تبني وتبي تطلع في قيادة العالم هل تتصور إنهم بيسمحون للصراعات الطائفية والدينية بالطبع لا لأنه يثير مشاكل ويتزعزع الأمن وبالتالي تنهار عملية التنمية في البلد وأقرب مثال لكلامي لبنان شف قفلوا محلاتهم ووقف سوقهم والهنود مب أغبياء عشان يسوون الشئ هذا وجارتهم الصين جنبهم اللي يحاولون يلحقون بركابها باأسرع طريقة واللي ماراح يسمحون لها بالتفوق عليهم وكذلك باكستان والنزاعات الحدودية اللي بينهم عشان كذا إحسبها بالعقل وكذلك السكن ماتقدر تتصور قد إيش هو رخيص يعني تحمد ربك وتشكره من وإلى شقة كاملة مفروشة بكل حاجاتها ماتاخذ عليك أكثر من 500 ريال بالشهر وهذا المبلغ يجي راتب 6 موظفين يكدون من الصبح لليل هناك ويارب لك الحمد والشكر على النعمة والله لايغير علينا .

ثالثا : الرخص وزي ماقلت في النقطة اللي فاتت إن الهند أرخص من أستراليا مية بالمية وماليزيا بمقدار النصف وهذا الشئ يفيدك إذا كنت بتدرس على حسابك الخاص يعني إذا تاخذ بالشهر ألفين دولار أسترالي وهذا مبلغ كبير عندنا وإذا تاخذ ثلاثة ألاف رنجت وهي زي الريال يعني ثلاثة ألاف ريال راح ينزل عندك المبلغ في الهند لمقدار 1000 ريال بالشهر بس وتعيش مبسوط ومتهني وكنك أمير هناك وهذا المبلغ يشمل أكلك وشربك وسكنك ومواصلاتك وتمشياتك وكذلك الرسوم الدراسية يعني المبلغ يجنن بالحيل وهداياك بعد إذا أنت راجع للسعودية .

رابعا : القرب ترى الهند ماتقدر تتصور قد إيش هي قريبة من السعودية يعني اربع ساعات وأنت في الرياض ولا في جدة يعني مسافة خط بر عندنا من الرياض للقصيم بالسيارة وغير كذا إحسب وجود القنوات الفضائية هناك يعني تقدر تجيب باقة عربسات ونايلسات كاملة بينما لايوجد هذا لا في ماليزيا ولا في أستراليا إلا قنوات على عدد الأصابع وإسأل مجرب .

بالنسبة للسلبيات :

وبالنسبة للسلبيات أعتبرها قليلة في مقابل الأيجابيات

بالنسبة للغة الأنجليزية بالهند وأنت تعرف وشلون قرقتهم وهي لغة منتشرة عندهم بكثرة ويوجد معاهد لتدريس اللغة الأنجليزية وحتى المحاضرات بالجامعة باللغة الأنجليزية والقصد إذا تقدر تضبط الموجة معهم إذا قدرت توكل على الله ولا لا .

وإجرائاتهم ترى بسيطة وسهلة جدا ويدورون الطالب الأجنبي ويتحببونه عشان يجي عندهم وهذي العملية في صالحك إذا قدرت تستغلها صح وكذلك قلة الطلاب السعوديين هناك ولذلك راح تاخذ راحتك على الآخر على عكس ماليزيا اللي صاروا ربعنا فوق بعض ومكدسين في جامعة وحدة إسمها ملتميديا وكذلك أستراليا بشروطهم وتعقيداتهم وكذلك الطلاب اللي هابين لها وأنا منهم ولذلك فكر على الأخر وقرر مزبوط .


ثانيا : ماليزيا

ذلك البلد الذي قطع شوطا كبيرا في عملية التنمية وتطبيق مايسمى بالأسلام الحضاري وأصبح عضوا مهما في مجموعة النمور الأسيوية وشملت عمليات التنمية هذه أيضا الجامعات لأعتبارها رافدا من أهم الروافد لتقدم البلد وتحضرها وماليزيا تمتاز بخصائص كثيرة منها :

أولا : الأسلام فهذا البلد الأسلامي قرن مابين الحضارة والأسلام ولم يفرق بينهما ولذلك حتى الناس هناك تجدهم يتميزون بالأخلاق الحسنة والصفات الأسلامية حتى إني أقول أن الماليزيين أكثر المؤهلين الأن لقيادة العالم الأسلامي فهي جمعت الطرق الحديثة في التنمية والحضارة بمايتوافق مع شرعنا الحنيف حتى إني عندما ذهبت هناك في ماليزيا تعجبت مما لديهم من ناطحات السحاب ومع وجود القلوب الطيبة فلم أرى أطيب من الماليزيين أبدا ولم أرى أكثر أمانة منهم حتى أنني مرة من المرات إستأجرت دباب واليومية عندهم بثلاثين رنجت بما يعادل ثلاثين ريالا ولم أستكمل الأربع وعشرين ساعة وقد إمتنع الرجل أن يأخذ المبلغ كاملا مني وقال أريد فقط حقت الأربع ساعات وأيضا من الأشياء التي نتفق عليها جميعا حبهم للسعوديين والعرب بشكل عام .

ثانيا : الجامعات وجامعاتهم قوية وكذلك برامجهم قوية في كل التخصصات ومنها الحاسب ونظم المعلومات ولكن ألا تتفق معي أخي الكريم أن جامعاتهم المعتمدة لدى الوزارة محدودة وعدد طلابنا الذين سيبتعثون لماليزيا يفوق إستيعاب جامعاتهم إضافة إلى وجود طلبة الواسطات ولسنا نتكلم عن دراسة التخصص إنما راح تبتلش في كورس اللغة وهذا هو القصد .

ثالثا : الرخص وماليزيا مشهورة بالرخص والسياحة والطبيعة بعد ولذلك ماراح تجد مشكلة في السكن ولا في الأكل والشرب ويتوفر عندهم كل ماتحتاجه ولكنها أغلى من الهند وأبعد .

السلبيات

أولا : كثرة الطلبة السعوديين وقلة الجامعات المعتمدة تعتبر مشكلة كبيرة بالنسبة لك .

ثانيا : بعد المسافة فهي تبعد قرابة 8 ساعات بالطائرة .

وبالنسبة لأستراليا إذا كنت على حسابك الخاص فراح تكون مكلفة عليك إضافة إلى إن شروطهم معقدة شوي وتطول في القبول والفيزا يعني إذا بتشتغل من الحين على استراليا إحسب قدام غنك ماراح تطلع قبل 5 شهور إضافة إلى إنها أصبحت مكب للسعوديين كل من جاء قال استراليا وماينلام أي شخص إذا فكر كذا .





ونصيحتي لك إنك تفكر في سنغافورة فهي أقوى من ماليزيا وأفضل في الدراسة وأرقى معيشة وكذلك يتوفر كل شئ للمسلمين وهي دولة إسلامية .


أو كندا فهي أفضل من الدول المذكورة فوق جميعها على كل المستويات علما وتعاملا ومعيشة ولكن يعيبها البعد والبرد .

:100: <=== جاي طاير يبي يرد على الموضوع يوم انه قرى الموضوع وقاعد يتصفح الردود رد رد قرر يرد على الموضوع ويوم وصل لرد صالح :111: <===== حيييييييط فرمل

اخوي صالح ماقصر جاب الاولي والتالي وانا اتفق معاه في الهند لأنها الان وحسب التصنيفات العالمية الدولة الثانيه بعد امريكا في مجال الحاسب الالي وانا بيني وبينك قبل تجي موضوع البعثات وانا مخطط على الهند تعرف ليش لأن يوم حسبتها لقيت اني راح ادرس بالهند بـ50 الف ريال دراسه+سكن+معيشه+فله <== شفت كيف الرخص مع انه لو انك تدرس فكلية ادارة الاعمال بجده يبيلك 144000 ميه واربعه واربعين الف ريال هذا اذا عديت اختبار الانجليزي ولو ماعديته يبيلك تدفع على المرحله الوحده 4500 وشوف كم مرحلة تدرس بالانجليزي عشان توصل للمستوى الي تدخل فيه الجامعه يعني هذا غير لو انك رسبت في بعض المواد قول بالبارد انك مارسب ولا في ماده واخذت كورسين انقلش يعني راح تدرس بـ150 الف ريال(دراسه فقط) غير المواصلات لأنها خارج جده بـ50 كيلو غير الاكل والشرب وغير الكتب وغير وغير وغير....

ماعلينا القصد انه ثلاثه ارباع خرجي جامعة بنجلور في الهند تاخذهم شركات امريكيه <== معلومه اكيده
تقريبا 75% منهم يقعاقدو معاهم الشركات الامريكيه الكبرى لرخص الرواتب وإتقانهم للمهنه بسبب قوة هالجامعه <== طبعا بالنسبه لهم يعطي واحد هندي 2500 دولار(حوالي 9500ريال سعودي) افضل من انه يعطي واحد امريكي 6000 دولار مع انهم الاثنين يؤدون نفس الغرض وبيني وبينك ياخوي ترى 2500 دولار ماهي بسهله عندنا فمابالك بالهنود
اما باقي الـ25% الي يتخرجون من هالجامعه فهم يافي دبي يافي السعوديه <== ورواتب بعضهم افضل من السعوديين اسألني وانا الي اشتغل بشركه واخذ اقل منهم

القصد ان هالجامعة من افضل الجامعات في العالم وراح اضيف لك رابط ردي عن مدينتي استراليا وماليزيا في موضوع لواحد من الاخوان سأل نفس السؤال

http://www.mbt3th.us/vb/showthread.php?t=10946&page=2

موضوع (تكفون الفزعه) لشيش كباب :121:
اقصد لكش ملك :121:
اقصد شيش ملك <== هذا اسمه الصح :121:

ولو منك ما اطالع فالموضوع اكتفي بكلام الاخ صالح عن الهند

بس نصيحه اخيره <== حاول لاتاخذ التوفل من الهند ترى راح تتعب ولهجتك راح تنعدم

خذ اللغه من نيوزيلندا او اي دوله اجنبيه وبعدين روح الهند

مشكووورين كل الشكر على الردود

والله يوفقنى وياكم

ومازال التفكير جاري إلى ان تحين ساعة الصفر!!!

أنا أرشح أستراليا لعدة أسباب:
مستوى الجامعات عالميا ووفرة المعامل و المراكز البحثية و جودة أساليب التعليم
كثرة السعوديين في أستراليا و خاصة طلاب قطاع الصحة
الهند و ماليزيا تختارها إذا بتدرس على حسابك لكن لو على حساب الوزارة اتدلع و اختار أستراليا
و على أي حال اعتقد أن الدراسة في أي من الدول الثلاث أفضل من جامعاتنا و كلها كويسة في الطب و الهندسة و الحاسب.