ما أهمية مركز القبول؟؟

اخوي سوسو <== لاتفهم غلط حتى الشباب يدلعونهم سوسو :88:

من ناحية القبول تطمن انشاء الله انا سألت بنفسي الاخ زامل العثمان وقالي مكتب القبول بالوزاره مجرد منسق للقبول ومو شرط انه هو الي يجيب لك القبول

يعني لو معك قبول خلاص توديه لهم بعد ماتطلع الاسماء وهم يعتمدونه ويصدرون لك الضمان المالي
فتطمن ولاتشيل هم وترى انا بعد عندي قبول من مكتب الـIDP

والله يا اخوي انا رحت مركز القبول اللي بالوزارة

وسألتهم نفس السؤال ( هل سيتم اعتماد القبولات من خارج مركز القبول )

بس للأسف قالي ( لا )

بس في كم خبر تداولوا هل اليومين انه ممكن يصادقوا على القبول اذا قدمته لهم

فأنت جرب واسأل

ياخوي سعيد وياشباب أبخش بالموضوع طوالي درءا للأحتمالات ولما لدي من كلام مؤكد وموثق سمعته بإذناي الثنتين بالنسبة للقبول من أي دولة ماعدا أمريكا مقبول ولايهمنا الدول لكن اللي يهمنا استراليا فكل جامعاتها معتمدة ولذلك لايوجد مشكلة في القبول من أي جامعة منها وإن جبته إن شاء الله من مطعم هرفي المهم قبول والسلام ومهب لازم تجيبه من مركز القبول وحتى مركز القبول هذا فيه تضارب آراء وإختلاف أمزجة فناس تقول هو لأمريكا فقط وهم محقين فاأمريكا تحتاج إنك تجيب قبول معتمد من الوزارة حتى يضمنون لك إن الجامعة مو بس معتمدة وإنما أيضا إنهم يتأكدون إن الجامعة قوية في التخصص اللي بتدرسه أنت وأيضا يتأكدون إن الطلاب السعوديين مو مكدسين في معهد اللغة ويضمنون توزيعهم في مناطق مختلفة تحقيقا للتوازن وهذا الشئ يحسب للوزارة و لكثرة جامعاتها وإختلاف مستوياتها من الضعيف للقوي

أما بالنسبة لأستراليا تقدر تجيبه من أي مكان إن شاء الله من البقالة اللي جنب بيتكم مافيه مشكلة وأي واحد يقول لك لازم تجيبه من مركز القبول إعرف إن ماعنده سالفة ودخل من هنا وطلع من هنا وبيعتمدون قبولك غصبا عليهم ولايهمك لا زامل العثمان ولا المعجل الهوالين ذولي وهذا على كلام أبو بندر وسألته بنفسي قال جبه ولايهمونك ونعطيك الضمان المالي وخطاب السفارة واللي يبي قبول من مركز القبول مافيه مشكلة لكنهم راعين طويله وبيصيفون عليك والسلام .

مشكور كل من ساهم ورد على سؤالي وجزاكم الله خير ,,,,, بس سألت هرفي قالوا ماعندهم قبول الله في تخصص البيطرة هههه لووووول مشكورين على العموم