نصيحه اخوك اطلع برى للاسف جامعاتنا غير مؤهله ولاتساعدك اذا تخرجت في وظيفه تامن مستقبلك .....اذا جاك قبول للبعثات اطلع ولاتترد او اطلع على حسابك وحول لاحقا عن طريق الملحقيه .......تراها فرصه جات للخريجين الجدد البعثات غيرهم مالقاها وخاصه القدامى تروح تجيب شهاده بكالريوس وتكون في اللغه مايحتاج بلبل وهذا اهم شي ........مو مثل لما تتخرج من هنا بالسعوديه ........صدقني من قبل ماتجي السعوديه والوظائف تنهال عليك والعروض يبون الطلاب المبتعثين اللي درسوا برى.......نصيحه هذي مايبلها استشاره اطلع واتعلم برى والله ماراح تتندم مثل كثيرين خاصه توك في مقتبل العمر ولسى العمر قدامك....فيه ناس اعرفهم اعمارهم الان في الخمسينات طالعين على حسابهم يدرسون ماستر برى وبيوتهم مليانه عيال وتاركينهم عشان الشهاده وعشان اهميتها .......فلا تفوت الفرصه دامك لسى في اول العمر........اعذرني على الاطاله والله يكتب اللي فيه الخير
7 "
July 6th, 2009, 09:12 PM
السلام عليكم ورحمة الله وبركاتةانا توني مخلص من الثانوي وبنسبة حلوة الحمد لله ,اعتقدت ان ايام الهم والغم خلصت ,بس تفجأت انها توها تبدأ
لسبب مهم الا وهو
وين ادرس فيه
انا ناوي ادرس طب اسنان او طب بشري انشاء الله ومعي نسبة تأهلني انشاء الله اني ادرس في الملك سعود وتأهلني اني
ادخل البعثة انشاء الله
بس ما ادري ايش اسوي
هل اقدم على الملك سعود وادرس في الرياض
ولا اقدم على بعثة طب وادرس برا
مع العلم اني طفشااااان من الرياض
فارجو من كل من يدخل انه يعطيني ايجابيات وسلبيات كل خيار فيهم
واذا كان ما يعرف يشارك ولو بكلمة
مع العلم ان هذا الهاجس يفكر فيه اغلب المتخرجين من الثانوي
وجزاكم الله كل خير