للاهمية 00لمن حضر ملتقى الجامعات الاسترالية

أخوي أبو يزيد مرحبا بك في منتدان المتواضع أما بالنسبة لأسئلتك فاأنا راح أجاوب عليها :

1- نعم الملتقى يجيب قبولات وليس فقط قبولات إنما أيضا قبولات فورية وبدون رسوم للجامعة يعني بدال ماتنتظر شهر وشهرين وثلاثة وتراسل وينصبون عليك ذا المكاتب وبطلعة الروح يجيك القبول وشف الملتقى يجيك القبول من عند الملتقى في يومين أو ثلاثة أيام بأقصى تقدير لجميع التخصصات ولجميع الدرجات العلمية وهناك 20 جامعة أتت من أصل 39 وهذا الكلام حصل لي شخصيا وجبت قبول من عندهم ولا أنقله عن أحد فضلا عن الشباب اللي كانوا معي في الملتقى وتشرفت بمعرفتهم والشباب اللي بالمنتدى هنا بعد وطبعا القبول اللي يعطونك إياه قبول مبدئي وزبدة الكلام نعم حصلت على قبول .

2 - مافهمت وش تقصد بالنقطة الثانية لكن اللي فهمته إنه هناك جهة تراسل مثل idp وجوابي على سؤالك نعم تتم المراسلة بعد الحصول على القبول المبدئي ويكفيك إن الملتقى هذا تنظمه idp كل أربعة أشهر ومب هذي أول مرة أحضر شخصيا للملتقى وحضرت يمكن ثلاث مرات يمكن قبل سنتين من الأن وبعد الحصول على الضمان المالي يمكنك أن تأخذ القبول النهائي من عندهم .

3 - لم أفهم وش معنى النقطة الثالثة بقولك وش الجديد بعد الملتقى يعني تبي شباب الملتقى يتعرفون على بعض واللي جوا يسوون دورية ولاكشتة بر , أبد وأنا أخوك ماحصل إلا كل خير وكل راح لبيته وكل مسك قبوله أما إذا قصدك مالذي يحصل بعد الملتقى فتروح لل idp إذا كنت جاي في ملتقى الرياض تروح لحقين الرياض وإن كنت من أهل جدة تروح تاخذ قبولك من idp جدة وبس وتكمل إجراءتك سريع سريع والله يوفقك .

وإن بغيت خدمات أو أي شئ خذ إيميلي والله يحييك : saleh_1991@hotmail.com

صالح

شكرا اخي صالح
اما انا فحضرت ملتقى الرياض واخذ الاسترالي اوراقي بعد ماختمتها من مكتب ال idbوقال خلال اربعة اسابيع يكون القبول عندك والى الان ماجاء رد على الايميلات اللي عطيتهم ولا احد اتصل لامنهم ولامن المكتب
الان ماذا اعمل وماهي الطريقة ؟؟
بارك الله فيك وبالجميع

أكيد جامعتك قوية من G8 يااما نيوساوث ويلز أو جامعة غرب أستراليا وإصبر عليهم تراهم يطولون شوي ومالك إلا إنه يجيك إن شاء الله تعالى وبعدين ياخوي ماجت شهر إلى الأن الملتقى الأن له قرابة ال 15 يوم بس وعشان كذا لاتستعجل وخل بالك طويل ومرده بيجيك دام الأسترالي أخذها مهب مفرط فيك أو رح المكتب مباشر وتفاهم معهم أحسن لك يمكن قبولك يكون عندهم جاهز وأنت ماتدري .

سمح لي على الاطالة اخي صالح
ولكنك خوفتني يوم تقول شكلها جامعة قوية
لان جامعتي هي نيو ساوث ويلز بالفعل
فهل هي بالصعوبة تجاوزها ومالفرق بينها وبين الجامعات الاخرى وهل بالامكان التغيير لجامعة اسهل لاني مالقيت تخصصي(قانون) الا عندهم وجامعه اخرى فقط
شكرا جزيلا لك

لا لا ياخوي لاتخاف ولا شئ وبالفعل جامعة نيو ساوث ويلز من الجامعات القوية ولانعني بالقوية بمعنى إنها صعبة لا أبدا ولكن القصد بالقوة هي جودة المناهج وطرق التعليم وسمعة الجامعة وهذي كلها تحسب بقوة الجامعة و شئ طبيعي إن مثل هالجامعة تتأخر في قبولها لكن في النهاية راح تحصل على القبول يمكن تتأخر شهر أو شهر ونص بالكثير لكن عليك إنك تكون صبور وممكن إنك تجيب قبول من جامعة ثانية لكن برضوا النتيجة نفسها القبول يمكن في الفترة هذي ماراح تحصل عليه إلا بعد شهرين وطالع وعشان كذا خليك على نيوساوث ويلز أحسن حاجة .

شكرا اخي صالح بارك الله فيك

اكرر ياشباب قربت شهرين ولاحس ولاخبر احد عنده افادة او جاه علم بارك الله فيكم

هلا ابو يزيد99 . كيفك ؟
والله انا بقولك من عادتي اني اتصفح الموقع ولا اكتب فيه . لكن يوم شفت موضوع قلت يا ولد لازم اسجل وارد على الرجال.

انا مثلك قدمت على جامعة CURTIN في مدينة PERTH والحمد لله بعد ست اسابيع جاني القبول من الجامعة في تخصص ELECTIRCAL POWER ENGNIRING وعطوني موعد الدراسة في شهر يوليو 2007 .

ارجو ان قدمت شي يفيدك

واذا تبغا اي شي راسلني alklam112@gmail.com

ولا انسى اقولك اني يوم قدمت على الجامعة قالو لي بيجيك القبول في مكتب idp اللي في الملز . هو اللي ينسق القبول