هل توجد الشوربة باستراليا

شوربة كويكر ولا لسان العصفور ولا حقة الحروف ولا شربت حب


حدد هوايتك في شفط الشوربة

كويكر شربتى وش رايك .. عاد انا والله انصح البدينين اللى يبغا يخسس 20 كيلو بشهر يدمن عليها



يجرب مثلى انا احب اشرب شوربة وبس ممكن لو تطلع كشتة بر اجيب لها القدر

و الله اخي الي اعرفه ان المدن الاستراليه فيها سوبرماركت عربي
(بقالات عربيه )
يعني يعتمد انت خوفك من عدم توفر ماذا ؟


يعني مثلا برزبن معروف ان فيها جاليه عربيه كبيره و لدي اقارب هناك و لم يشكو من عدم توافر
المواد الغذائيه العربيه
لكن سؤالك صعب محدد ما شاء الله شوربه


عموما ملبورن فيها جاليه عربيه و اكيد رح تلاقي الي تبغاه
و عندنا عضو يدرس في ملبورن ان شاء الله يدخل قريب و يفيدك اكثر
بس لو تحدد بالضبط اش الي تبغاه في الشوربه ..؟؟
يعني اعتقد كل مكوناتها رح تكون متوفره ان شاء الله


و صحتين و عافيه

هههههههههههههههههههههههههههههههه ضحكتني ي vip9.9 أول مرة يجي سؤال زي ذا بالمنتدى وأتسدح من الضحك وأول مرة أضحك على واحد في ذا . الحين اللي يسمعك يقول رايح أرتيريا > وشي أرتيريا ذي أول مرة أسمع بها وين تقع ^_^ ؟ مو أستراليا ميتين جوعععععععععععع وعطش ترى ياحبيبي الخيرات عندهم أحسن من عندنا وشوربة كويكر ياحلو هذا منتج عالمي ماركة زي الفيكس تمام Brand Name تلقاه بكل مكان مو بس في السعودية لو رحت أمريكا بتلقاه ولو رحت أستراليا بعد بتلقاه وإن رحت لبنغلاديش > وشو بنغلاديش ماعندهم دراهم عشان يشترونه ليش أجل يتعبون أنفسهم ينزلنه ويخسرون يارب لك الحمد والشكر على النعمة .

المهم إيه فاأقول ماراح تتعب عشان تلقاه وإسأل مسافر خبير مجرب > يمدح نفسه ومادح نفسه كذاب ^_^ .

راح تلقاه حتى بمحطات البنزين والدكاكين مب عاد بالسوبر ماركت اللي تلقى الكويكر فيها أشكال وألوان مب شكل واحد وحتى اللي عندهم من كثر ماهو جديد ونظيف حاطين صورة واحد شباب مب زي صورة الشايب اللي عندنا مالت على ذا الوجه .

والشئ الوحيد اللي ماتلقاه بالسوبر ماركت هناك وش ياربي ؟ إيه تذكرت شكله معمول حلواني ورز أبو كاس هههههههههههههههه

وعموما إذا بغيت الدكاكين والمحلات والمساجد في ملبورن تجدها في منطقة يكثر فيه العرب وإسمه شارع سيدني أو Sydney Road وهذي المنطقة كنك بإسلام أباد أبد مافيه فرق ولا زي حي الروضة عندنا ونتنظر منك ذا الأسئلة العجيبة وحتى هايدي خاشه جو معك تقول خل واحد يجي ويعلمك ومافكرت بالكويكر تحسبه مثل فول القلابة ههههههههههههههه وشكرا .

ههههههههه
صالح هذي اهانه لشخصي الكريم
مين قال ما اعرف الكويكر و مدري ايه
انا عارفه ان هذي الامور رح تلاقيها هناك ، و الجاليه العربيه ماليه أستراليا
بس من حقه يسأل دام ان الموضوع يهمه

طب انا اقول لك في استراليا يقولو ما في بهارات زي الي عندنا و تحتاج
تجيب معك لو تبغى تطبخ رز مثلا (كبسه ) و هذي الاشياء لأنك بتحتاجها
فاحتمال ما تلاقي الكويكر صح ولا لأ ..!!
و مرات اشياء لو لقيتها طعمها مو مثل عندنا .. مره اذكر سافرت لألمانيا
و اشتريت تويكس ههههههه لا تضحك المهم و الله طعمه ابدا ما كان مثل حقنا
هذا و هي بلد الشوكولاته>>>>قلبناه منتدى المرأه

المهم vip9.9 لا تخاف ان شاء الله تلاقي الشوربه هناك و صالح اظن معاك في ملبورن و اعزمه

أبدا هايدي أنا ماقصدت الأهانة والتجريح ولاتزعلي من كلامي وأنتي عزيزة علي وفوق موضع التجريح لكن نمون من منطلق الأخوة لاأكثر وبالنسبة شئ منطقي إيش جاب البهارات للكويكر وأنا سبق وقلت إن الكويكر تلقاه بكل محل ومافيه مشكلة أبدا وحتى الأسترالين والنيوزلنديين ياكلونه > وهذي عن تجربة يعني منتج عالمي بكل الدنيا وماركة مسجلة لشركة باعشن هههههههههههههه قلبناها أوه ماأطيب قودي ودامنا دخلنا على البهارات صدقيني كل ماتحتاجينه موجود عند المحلات والجاليات العربية اللحم والخبز والبهارات والرز والدجاج وبعدين ماشاء الله أستراليا صارت أهندايا من كثر الهنود اللي فيها وبهاراتهم زي بهاراتنا بالضبط مع العلم إني أحب الأكل الهندي > يعني مجرب وعارف .

صح هناك أشياء يمكن ماتلقينها وإذا لقيتيها مو مثل عندنا مثل البن والهيل وقدور الضغط وفيه حاجة ماتلقينها إلا بالسعودية بس >>> السماط وهذي لغة القصمان وتعني ( السفرة )

وتصدقين لدرجة إني لقيت العيش اللبناني في سوبر ماركت كبير في أوكلاند فما بالك بملبورن عاصمة العرب والمسلمين .

وبعدين غريبة أنتي زرتي ألمانيا وأنا زرت ألمانيا بعد في عام 94 ميلادي ورحنا لمدينة بون للعلاج وبالتحديد مدينة آخن والله من جد بلد كئيبة والشعب الألماني كئيب بالحيل مايختلط باأحد ومعتز بنفسه بشكل رهيب لدرجة إنه تلقين واحد يعرف إنجليزي وتبغين منه خدمة مايتكلم معكي إلا بالألماني .

لا عادي صالح
و لو كلنا هنا اخوان و ما في شي يزعل
و حتى انا كنت بامزح عادي و الله
و خلاص ناخذها منك اننا رح نلاقي ان شاء الله كل شي

و المانيا صادق و الله بالنسبه لتعصبهم للغتهم
و من ناحية كئيبه فهي رمز الكآبه الله يعين المبتعثين هناك
بس طبيعتها حلوه
و انا رحتها عام 94 برضه شوف سبحان الله و للعلاج ايضا
بس رحنا فرانكفورت ..

الله يوفق الجميع و قريب ان شاء الله نكون في استراليا ..

ماشاء الله ياهايدي أجل هذي نقطة مشتركة بيني وبينكي لايكون أنتي إختي وأنا ماأدري وعموما فرانكفورت مريتها وأنا رايح ل آخن والله يوفقك .

خدلك اندومي ترى هناك مافي خخخخخخخخخخخ <<<<<<< يفتي من عندو


جميع النكهات ترى مافي يمكن الا نكهة الكاري خخخخخخخخخخخ