متطلبات ماستر MBA في استراليا ؟!

يا جماعه واحد من " قارة استراليا" يتفضل ويسعفني برد الله يجزاكم خير

ولا يهمك القبول سهل بإذن الله يراسل احد هالجامعات جامعة كانبرا ومدة البرنامج سنة، جامعة فكتوريا مدة البرنامج سنة ونص، جامعة نيوكاسل ومدته سنة ونص وارشح له انا جامعة فكتوريا لانها في ملبورن افضل من مدينتي كانبرا ونيوكاسل، ومافيه اي شروط لا جيمات ولا غيره .

تحياتي

السلام عليكم

اخوي ..انا باستراليا وتخصصي ام بي اي

جميع جامعات استراليا تطلب خبره عملية لمدة سنتين على الاقل لهذا التخصص ..باستثناء نيوكاسل وتزمانيا .. وكل الجامعتين مستواهم اقل من عادي ..

وجامعة نزمانيا تقع في مدينة صغيرة جدا وسيئة ومعهد اللغة فيها اسوء من ماتتخيل ..

نصيحتي لك ..فكر مليون مره في الجامعة الي بتروح له والمدينة ومعهد اللغة قبل لاتتورط ... نصيحة لوجه الله ..

والله يوفقنا وياك

بيض الله وجهك اخوي, لكن هل عندك فكرة اذا جامعة فكتوريا تشترط سنتين عمل في التخصص مثل ما ذكر اخوي قرطوع او لا ؟
لان الرجال عنده خبره خمس سنوات عمل لكن في تخصص مختلف !
وسؤال بحكم خبرتك هل تخصص الهيومان ريسورس داخل في mba وهل هو متوفر في هالجامعات والا لا ؟
وما قصرت رايتك بيضا

كفو والله يا قرطوع هذي ميزه الاستشاره وما قصرت
لكن مثل ما سألت اخوي AMAQ هل يجب تكون في نفس التخصص؟ وهل تخصص الهيومان ريسورس يحتاج نفس الخبرة؟ ومن واقع تجربه هل تنصح بجامعات معينة؟
وعسى الله يوفقك ويسهل لك ومشكورين وما قصرتوا

السلام عليكم

اخوي .. مومهم التخصص اهم شي خبرة عملية ..

بالنسبة للهيومن ريسورس ..اذا تقصد ماستر اوف هيومن ريسورس .. هذا مدري عنه لكن ماتوقع يحتاج خبرة ..

ارجع واقولك يالغالي .. اهم شي في المرحلة الحالية تفكر في الدولة والمدينة الي بتروح لهم ومعهد اللغة مهم جدا جدا تعرف مستوى

ويفضل يكون عندهم برنامج لغة يأهل مباشرة لدخول الجامعة ..

فكر بالنقاط الي قلتلك حاليا والجامعة والتخصص لاحق عليهم .. هذا غربة يخوك ..خذ وقتك بالتفكير وادرس كل شي مزبوط ..نصيحة

مجرب .

والله يوفقنا وياك ..

حدد التخصص اولا بعدين ابحث في الجامعات اللي تقدم هذا التخصص بعدين قارن بين الجامعات ومن ضمن المقارنة بالطبع المدينة، موضوع اختيار الجامعة مو سهل لانه في محددات كثيرة لازم تاخذها في بالك.
على العموم خلينا نتشاور هنا ومنها اللي بعدك ممكن يستفيدون.