لمن يحتاج مساعدة او استفسار في استراليا

الله يجزاك خير يارب ويعطيك على قد نيتك
ان شاء الله تكون اُلحقت بالبعثة.


ممم انا ساكنه في برزبن بس مرة مو قادرة افهم نظام الباصات عندهم
سمعت انه فيه موقع تحط فيه مكانك والمكان اللي تبي تروح له ويوضح لك بالتفصيل ايش الباصات اللي تركبها

مدري اذا تعرفه او لا
كيف اقدر اعرف ارقام الباصات ووين رايحة
مدري احس مخي مو راضي يستوعب هالموضوع

http://www.translink.com.au/buses.php هذا رابط موقع باصات برزبن وفي الحقيقة انا ما عندي خلفية عن الموقع بس اي موقف باصات ( باص ستوب ) تحصلين عنده لوحة مبين فيها الباص وين يتجه ومتى وقته ورقم الباص وبأمكانك ان تأخذي نسخة من اي باص راح يكون فيها توقيت الباصات والى وين متجهه واسف على التأخر في الرد .

أبغى أعرف هل المكافأة تكفي ولا.لا
وأبغى أعرف أقوى جامعة لدراسة الفيزياء الطبية وموقعها في استراليا
والسؤال اللي محيرني تنصحوني في الإبتعاث ولا.لا خايفة اروح وأندم
وتنصحوني بأمريكا ولا استراليا
وشكرا

السلام عليكم الله يجزاك خير وينفعبك انشاءالله
انا جايني قبول من جامعة UQ ماجستير
وابغي اسأل كم سؤال:
وين المكاتب الي يطلعون الفيزا بالرياض؟؟؟
وش افضل مكان للسكن بالنسبة للجامعة(متزوج) 2نفر؟؟؟ وكم متوسط الاسعار؟؟؟؟
وش الوقت الكافي الي اسافربه لستراليا قبل بداية المعهد (يعني كم يكفيني ازبط اموري بالملحقية والامور الاخرى)؟؟؟
الديرة امان؟؟؟
ويعطيك الف عافية ومالنا غناة عن خبراتكم الله يوفقكم.....

هلا وغلا اخوي ابو يزن والله الحمد لله المكافاه تكفي وبعض الاحيان تزود بس هي تعتمد على الشخص نفسة وعلى حسب مصاريفة وطريقة صرفة للمكافاه .
اما بنسبة لتخصوص ادخل على الرابط " http://www.mbt3th.us/vb/forum111/thread58693.html " وان شاء الله تكون فيه معلومات كافيه عن التخصص
اخي ابو يزن اذا انت شايف في تفسك المقدرة على تحقيق حلمك ورغبتك انا انصحك انك تتوكل على الله و تبتعث والتوفيق اولاُ واخيراُ بيد الله .

وبالنسبة لاستراليا او امريكا انا الحقيقة ليس عندي خبرة في امريكا ولاكن اذا اردت اي استفسار عن استراليا انا في الخدمة .

اتمنى لك التوفيق

هلا اخوي الغالي legend ان انصحك انك تروح لمكاتب ارمكس افضل واسرع لك وله كم فرع بالرياض وهناك فرع بالقرب من مستشفى المملكة ...اما بالنسبة لسكن.. كل جامعة يكون حولها مجمعات سكنية انا افضل السكن فيها لقربها من الجامعة وعدم الحاجة لاستخدام سيارة اومواصلات بشكل عام اما الاسعار فتختلف من منطقة لاخرى على حسب موقعك وجامعتك وقد يتراوح المبلغ ما بين 300-500 دولار في الاسبوع .

بالنسبة لحضورك انا افضل ان تصل قبل بداية الكورس في المعهد بسبوعين على الاقل حتى يكون عندك الوقت الكافي لتخليض امورك .

والحمد لله بالنسبة لاستراليا جداُ امان واطمئنان لاكن لا يمنع من وجود بعض الاماكن اللتي لا ينصحون بزيارتها بعد الساعة 12 لليلاً ولاكن بنسبه لنا لا نواجه متاعب مع الشعب الاسترالي فهم شعب مسالم .

اتمنى اني استطعت على اجابة جميع اسألتك ولا تتردد في الاستفسار

اتمنى لك التوفيق والنجاح

كيف تكون اجراءات المرافق للدراسة اللغه؟
وهل من الضروري تغيير الفيزا من مرافق لطالب؟
وهل يقدر يجزء الدراسه ؟
مثلا ياخذ 2شهر ثم اذا اعجبه الوضع يكمل؟
وشكرا

هلا بك ياسعود والف الف شكر لهذا المُبادره عندي اسئله سريعه :

1- هل من الممكن تدلني على رابط الأبلكيشن حق الجامعه ذي http://www.usq.edu.au/

أبي أحمله عشان أعبيه وأرسل أوراقي لهم بالدي اش ال ؟

2- كم يستغرق القبول خصوصاً أن عندي دبلوم ثلاث سنوات وابي اعادل الساعات ؟

3- بعد حصولي على القبول ، الفيزا بالعاده كم تستغرق يوم .. لأني صراحه ابي أدرس من السمستر القادم ( أي في مارس ) ؟؟

4- هل أستطيع اقدم على الفيزا قبل حصولي على قبول الجامعه لتسريع الأجرائات ؟؟ أم أنها من الضروري حضور قبول الجامعه ؟

5- هل تنصحني في جامعه معينه مرنه في معادلة الساعات وسريعه في القبول ؟

تحياتي لك ووفقت ان شاءالله وجعل ماتعمله من موازيين حسناتك وأعتذر منك إن كانت أسئلتي في غير محلها

الله يعطيك الف عافية ماقصرت بالنسبة للارمكس مايسوون الفيزا تاركينهم من 5 شهور
قالولي فيه مجمع الصفوة الان هم مسؤولين عنها عندكم فكرة عنه ...