دراسه اللغه في استراليا ونيوزلاندا

التكلفه بالاسبوع

تقريبا يتراوح بين 500 الى 700 ريال في الاسبوع هذا بالنسبه للمعهد فقط وطبعا يختلف من Full time or Part time

المده انت تحددها من اسبوعين الى ان تحصل على درجة الانجليزي المطلوبه

هل تريد تفصيل المعيشه ايضا ام اللغه فقط ؟

اهلا و سهلا اخو عبدالله
انا عن نفسي من الشرقيه
بس ابي اعرف انت تتكلم عن اي دوله فصل لي اكثر
وانا اريد منك كككككككككككل شي بالتفصيل من تذاكر سفر - المعيشه - السكن
يعني باختصار من ركوبك الطائرة الى الرجوع الى اهلك
ابي اعرف التكلفه بالرغم من اني انا و زوجي

ابيك تقول لي انتي تحتاجي الى ----- ريال من خروجك من السعوديه اللى الرجوع لها شامل كل شي الا المصاريف الشخصيه

انا انتظر ردك الآلآلآلآلآلآلآلآلآلآلآلآن مع التحديد ( استراليا او نيوزلاندا )
:100:

افدني واكون لك شاكره

استراليا بصراحه تختلف من مدينه الى مدينه وانا لم اذهب الى لمدينه واحده من فتره طويله وهي لاتختلف كثيرا عن نيوزلندا التي بالمقابل اسعار المدن فيها متقاربه نوعا ما .

تذكرة الطيران درجه سياحيه ممكن تكلفك من 5000 الى 6000 ريال وانا كتبت (من- الى) لان الاسعار غير ثابته فهي تتغير من وقت الى اخر .

نقول نيوزلندا :

في البيت قبل المغادره يجب ان تتاكدي ان وزن عفشك لم يتجاوز الحد المسموح والا ... والا .... والا ممكن تدفعين على كل كيلو زياده مبلغ وقدره عشرات الريالات مادري بالضبط هي تعتمد على الخطوط اللي بتروحين عليها لكن لو قلنا الزياده 10 كيلو وقيمة الكيلو الزياده 50 ريال اذن بتدفعين 500 ريال .

طبعا انتي لما توصلين هناك اكيد بتكونين رتبتي مع معهد اللغه اذن بيكون هناك من يستقبلك .

التكلفه بالاسبوع : اممممممممممممممممممممممممممممم ماذكرتي المده

* المعهد : 700 ريال تقريبا وتقدرين تعرفين السعر من موقع المعهد اللي بتروحين له .
* السكن : طالما انتي وزوجك اكيد بتستاجرون منزل مستقل وهنا الاسعار تختلف من حي الى حي لكن اقول سعر تقريبي .
منزل جميل ( مو جميل مره) نقول جميل تصغير جميل يكلفك 1000 ريال .

* الاكل : الاسعار تقريبا مشابهه للسعوديه واقصد الوجبات السريعه ، اما المطاعم الهنديه وغيرها فاغلى شوي ، يعني مثال شورما ( مو زي اللي عندنا ولكن حجمها اكبر ثلاث مرات تعتبر وجبه مشبعه سعرها
تقريبا 20 ريال )
يعني شي اسمه بريال مافيه حتى البيبسي !!!

لكن ...... لكن ........لكن ........ اذا الدعوه طبخ في البيت فنصف تكلفة الاكل بتروح مع وجبات افضل

* التنقل : السيارات رخيصه مو غاليه طبعا اقصد المستعمله ممكن تاخذون سياره ب 20 او 25 حلوه وجذابه ، لكن ...... لكن ........لكن ........ البنزين ناااااااااار يعني ممكن تعبون بنزين فوق 100 ريال للسياره الصغيره اما السياره اللي مثل لومينا بتعبونها ب 200 ريال .
الطريقه هناك ان الناس مايستخدمون السياره الا للحاجه والباقي الباص
سعر الباص اي مشوار بعيد قريب = 5 ريال للاتجاه الواحد ولو خلصت شغلك قبلها بساعتين ممكن ترجع بنفس التذكره ببلاش .
التاكسي : غالي ممكن ياخذ منك 30 ريال لو مشوارك 3 كيلو

ماادري وش بقى لكن هذا تفصيل مختصر لعلي افدتك

ونقطه هامه لاتاخذون قبول المعهد من مكتب لانه بياخذ عليكم لايقل عن الف ريال من غير ماتدرون جيبو قبولكم بنفسكم ترى راس مالها ايميل وانتهى .

مشكوووووووووووووووووووووووووووووور والله ماقصرت
من صج ماقصرت

:110:
عطاك الله العافيه

اختي انتي بتروحين كدراسه لغه وجامعه او بتروحين للغه فقط ؟

ارجوا الرد ضروري