الى جميع من ينتظر قبول من استراليا تفضل وعطنا رايك

هلا بالطيبين زملاء استراليا :87: ...

1-انا قبل لا اجي استراليا سويت الفحص الطبي في مستشفى الارسالية الامريكية في البحرين....لانه الخيارات انك تسويه في مستشفيات معينة طبعا في الرياض او جدة...واحنا اهل الشرقية نروح البحرين ....وصحيح الكلام..مايعطوك النتيجة....هم يرسلوها دايركت للسفارة الاسترالية في الامارات.
ترا فيها اشعة الشغلة X Ray بس حبيت اقولكم لانه في ناس ماتحب هالاشعة..بس هي اجباااري..يعني الفيزا مابتطلع بدونها .

2- بالنسبة للضمان المالي...نعم تحتاج ضمان مالي عشان تطلع فيزا..بس فيه حل انك تطلع ضمان مالي شخصي وتقدم به للفيزا.

3-قبول الجامعة...نعم تحتاج قبول جامعة..ونفس الشي تقدر تجيب قبول جامعة وتطلع الفيزا..بس حط في بالك لازم تروح الجامعة اللي طلعت الفيزا على اساسها ..والا لازم تسوي اجراء لتغيير الفيزا...يعني اذا بتجيب قبول..جيب من نفس الجامعة اللي بيجيبها لك مركو القبول..او يعني الجامعة اللي بيقبل مركز القبول اعتمادها لك وبتروحها.

بالتوفيق لكم جميعا واستراليا في الانتظار :87:

اخواني نصيحتي لكم ان لا تبدأوا في اجراءات الفيزا حتى تصدر الوزارة لكم القبول او توافق على قبولاتكم
على فكرة الكشف الطبي بعد 3 اشهر بيصير لاغي اذا مااستخدمته
ولازم فيه قبول وضمان مالي مثل ماقال اخوي اوزي
يعني الافضل ننتظر شوي وهذا رايي

الله يعطيكم العافية مشكوووووورين اجل مالنا الا ننتظر

والله يكتب الي فيه الخير

راحع الربط الاتي

http://www.vfs.ae/arabic/index.aspx

السلام عليكم يا أخوان أنا حولت على استراليا اتمنى انكون صديق لكم
وان شاء الله تتيسر امورنا

أخوي أحمد يشرفني الرد على سؤالك وسوف أرد على نقاطك واحدة واحدة :

الان القبول يبيله حسب كلام مركز القبول من 4 اسابيع الى 6 اسابيع الحقيقة انها فترة طويلة جدا ؟

ج : بالنسبة لقبول الجامعة ومدته فهو من وجهة نظري قصير والعلة في هذي إني شخص مجرب مع مكاتب القبول ولدي معارف عانوا في عملية القبول طيب ياأخي أحمد تصدق أن لدي قبول لجامعة جريفث في جولد كوست Griffith University أخذ مني ثلاثة شهور كاملة وهلم جرا وهناك من أخذ 5 شهور وهناك من لم يأته قبول أبدا فزي مايقولون كبر الوسادة ونم لمين مايجيك القبول وبعدها إشتغل .

س : اتصلت على احد المراكز الطبيه المعتمدة لدى الحكومة الاسترالية وقالوا لي ان الفحص الطبي ما نعطيك اياه ممنوع حنا نرسله للأرامكس وهم يرسلونه طيب وشلون يا جماعة قالوا ما فيه.
( لذلك يا جماعة الخير الي سوا فحص طبي وعطوه النتيجة بيده واخذه للبيت يعطينا خبر ) ؟

ج : بالنسبة للفحص الطبي نعم فهم لايسلمونك الفحص بيدك أبدا ويجب أن يرسلوه باأنفسهم للسفارة وخذها مني كلمة والفحص الطبي لمن ياصل السفارة يضعون له رقم مرجعي يكملونها إذا أتيت بطلب التأشيرة ولذلك نصيحة إذا إنتهيت من الفحص فاأطلب من المستوصف أو المستشفى الرقم المرجعي لفحصك الطبي حتى تدون الرقم المرجعي في طلب التأشيرة .

س : يبيلنا ضمان مالي من الوزارة حتى يتم اصدار الفيزا صح ولا انا غلطان ؟

ج : صدقت ياأخي لاتستطيع إصدار الفيزا من دون الضمان المالي لكن السؤال الذي يطرح نفسه ماهي الألية التي ستتبعها الوزارة هل ستقوم بمتابعة وإصدار فيزتك الدراسية وتتكفل بها أو يجعلونها عليك .

س : لازم يكون عندك قبول من الجامعة ونكتب اسم الجامعة لذلك لازم ننتظر القبول ؟

ج : نعم لازم يكون عندك قبول جامعة وعلى هذا الأساس يتم إصدار الفيزا ويجب أن تكون نفس الجامعة التي ستصدر الفيزا عليها ولذلك يجب عليك إنك تتريث وتتنظر وتطول بالك ياأخوي أحمد لمين ماتضمن إن القبول راح يكون باإيدك وبعدها قدم على الفيزا ولن أزيد بما زاد عليه أخوي أوزي .

وبالنسبة للدكتور اللي قالك إشتغلوا بالفيزا من دون القبول تكفى سلم لي عليه ياأحمد وبوس لي راسه وقل له صالح يقول لك : متى راح تتقاعد يادكتور لأنك ماعندك سالفة .

والشكر موصول لكل من مر بالموضوع ومنهم أختي مس وأخوي أوزي وأكاديمي وكذلك بدر والله الموفق .

أخوكم صالح

يعني ننتظر افضل ..

نلتقي في استراليا ان شاء الله

بسم الله الرحمن الرحيم


أولاً:أخواني وأخواتي أنا عندي إستفسار بخصوص الضمان المالي، وخصوصاً إذا كنت بروح على حسابي:
1-ماهي طريقة الضمان المالي وكيف يمكن إني أستخرجه؟
2-متى يتم إرسال الضمان المالي؟ هل مع الأوراق والأبلكيشن والشهادات؟ ولا بعدين قبل الفيزا؟
3-هل يجب أن يكون الضمان المالي من الحساب الخاص فيني بإسمي أنا ولا بإسم الأب مثلاً؟


أنا ابي اقدم أوراقي لكن محتار (بالعربي مدري وش لون طريقة الضمان المالي) لأني ماأضمن أن يجيني قبول من الوزارة ولا عشان أقدم وأضبط أوراقي المطلوبة بعدين أحاول إني أحاول على الوزارة.


ثانياً: أخوي saleh_1991 ولا يهون الحاضرين
كيف يمكن إني أجيب القبول من جامعة جريفيث بأسرع وقت؟
وأي أحسن وأسرع مكتب مراسلة (علماً بأني رحت لمكتب idp فرع الرياض بس فيه واحد من الإخوة السودانيين بس شكله باااااااااااااااااااااارد :27: وأنا واحد حااااااااااااااااااار:101:
ولا فرع البحرين أحسن وأسرع لأني من الدمام بس اعمل اللحين بالرياض




تكفون هيلب مي :93: <---<<<بالله ماأكسر الخاطر؟؟!!

وتقبلوا تحياتي

لكم جزيل شكري على هدا الموضوع