استفسار بخصوص الزواج من غير السعوديه والاجراءات المتخذه

الله يعينك ويفرج همك

انا ما أقول الا الله يعينك بصراحة موضوعك مرتبط بعدة جهات اسريه واجتماعية ورسمية لكن اتمنى من الله العلي القدير ان يقرج همك وانا اشوف انك تخلي واحد من الشباب الي حواليك يكلم الملحقية ويسئل عن الاجراءات بطريقة الاستفسار لا اقل ولا اكثر عشان تعرف راسك من خلاصك وان شاءالله احد يرد على موضوعك يكون مرت عليه حكايه زي حكايتك ويفيدك اكثر مع تمنياتي لك بالتوفيق والسداد

الله يفرج همك
اخوي مادام انك سترت نفسك بالحلال الحمدلله اعرف ان الله بينصرك
لاكن ياليتك تعلم اهلك واتمنى منك انك تكلم السفاره او الملحقيه
مثلن لو لاقدر الله وتوفيت والمره حامل منك راح تضع الطفل وزوجتك في ورطه
انا افضل انك تتجه للجهات الرسميه وراح يتعاونو معك

والله ليتنا نقدر نفيدك لكن حنا طلبه ومعلوماتنا في هالجانب ,ماهي كثيره . خصوصا فيه جوانب اداريه كاجراءات حكوميه وخلافه
لذا من جانب البعثه وانا جاهل في هالامور لكن مانصحك تخبر الملحق الثقافي الان حاول تمشي امورك , الين تخلص البعثه
واذا اضطريت كاجراء اضافه ولد وخلافه بلغ السفاره بس حاول ماتعطي الملحق الثقافي خبر . هذا اذا مايترتب عليه عقوبات او شي انا مادري . لكن وجهة نظر

اما من ناحيه القرار بحت انا اقول ..من رائي تبادر باخبار اهلك خصوصا ان عمرك 32 ,يعني اذا في هالعمر ماتتحمل وتتجرا تقول قراراتك متى اجل ؟؟؟؟
انا اسف لكن انت منت جاهل او صغير او مراهق او حتى في بدايه الشباب ,انت رجل في سن مكتمل النضج فقراراتك واختياراتك امر شخصي وحق مشروع خصوصا انه في امر مباح وحلال وفيه خير , بل يجب ان يقبله الجميـع لطالما مايتعدى على حدودهم وحرياتهم .

ختاما ,
دامك عالم المخاطر والمصاعب قبل الشروع في الزواج ببساطه خلك كفو وقد الزواج , وكمل مشوارك .واذا كانت الحكومه ستقف حجر عثرة في الامور المباحه والحلال والتي تكفل لابنائها السعاده الشخصيه , اقول
هذي وطنيه ماتوكل عيـش لاتأسف عليها . وعلى ماقال البدو "حطها بالخِرْج " وكمل حياتك وتبي تجي وانت تناظر للبلد بطرف عين بعد هههههههههههه

طيب ماوقعت ع تعهد ... !!


عدم الزواج من الخارج .. !!

انتا بكذا نقضت العهد الي بينك وبين الوزاره .. !!

لكن ان شاءالله الوضع يسير باذن الله كلم السفاره وششوف .. !!

واموورك تمام
ان شاءالله

اخوي مبروك عليك بس حاول انك تخبي الموضوع عن الملحقية لانها راح توقف البعثة عنك لانك تزوجت امراة غير سعودية خلال البعثة نفسها وليس قبلها او بعدها فهمت الموضوع وما فيه....ثانيا بالنسبة للمصروف وهذا الي محتاجه من الملحقية..تقدر تشتغل الساعة بي 20 دولار يعني يصبح دخللك حول 7000 دولار شهريا وتقدر اذا تخرجت وقررت ان تبقى في استراليا طبعا بتاخذ الجنسية ودخلك يصبح اضعاف ما تتقاضاه في السعودية..والف مبروك

بس لي عتب عليك.... تقول في الموضوع اخوكم توهق.... اعتقد انك رجل بالغ وعاقل وتعرف وتقرر ماذا تريد ان تفعله ولا تقول توهق..وترى هذه العقبات ماهي الا انظمة لكي لا يستفحل الامر وكل مبتعث يرجع السعودية ومعاه المدام

والله ياخوك ماذكر إني وقعت ولو وقعت يمكن نسيت
بعدين لاالوزاره ولاأيآ كان راح يتكفل بزواجي بالسعوديه الدعوى عندنا قلبت بيع ومشترى ناس ماتخاف الله الزواج بالسعوديه يوديك بستين داهيه مع الديانه والحقوق المدنيه
وأنا لو تنخلني نخل ماأقدر على دفع ربع المهر البالغ 40ألف ريال سعودي

الله يبارك فيك أخوي نحن ضحية مجتمع متخلف والله العظيم
ولكن صدقني الرجال يتزوج لكن الضحايا الحقيقيون هم البنات فأمامها خيارين إما الهرب مع الحبيب وترجع بسفاح وكذا تتم الزيجه وإما الجلوس ببيت الأهل والسبب الأهل بعدم تسهيل أمورها وزواجها

السلام عليكم أخوي عندك أكثر من حل :

1- تأجل الموضوع لين ترجع السعودية وتنهي دراستك بعدين تدخل زوجتك وبنتك بفيزا للعمرة وبعدها يقعدون

بعد مرور سنتين من زواجكم يحق لك توثيق الزواج وتسجيل بنتك بجنسية سعودية وتظل زوجتك على جنسيتها

وتستطيع التأكد من ذلك من خلال أنظمة دائرة الجوازات السعودية.


2- تحصل على الجنسية الأسترالية فور حصولك على الشهادة لأن زوجتك تحمل الجنسية الأسترالية وللعلم يوجد

شباب سعوديين حصلوا عليها وعايشين هنا وموظفين ماعندهم مشاكل لكن طبعاً لازم تتخلى عن الجنسية السعودية.


3- قد يظمن لك نظام وزارة الداخلية حق الزواج من غير سعودية لأن عمرك تجاوز 30 سنة فقط إسأل وتأكد.


أخيراً نصيحتي لك بالتمسك بزوجتك مهما واجهت من عقبات وتتحمل عواقب قرارك الشجاع بكل جرأة ورجولة