ماهي الجامعات التي تدرس تخصص fashion and textiles

مافيه احد يقدر يساعدني

ماهقيتها منكم

طيب اي تخصص في الاقتصاد المنزلي

السلام عليكم..

نفس موضوعنا موضوعك..

انا وزوجتي في كندا ... وجأنا على تخصص العلوم الصحية ... و طلع هنا كله مدكل .. صحي يعني

وقالوا حولو على استراليا.. وانا بحث عن تخصص يكون مناسب

لانها خريجه اقتصاد منزلي عام..

قرات موضوع IT و التخصصات اللي تندرج تحته في جامعة RMIT
لعدد من الاخوات لكن والله شي يخوف ما نبغى نورط ثاني مرة..

.. عموما لو لقيتي شي لا تنسينا ,, وحنا هنا سجلنا اسمك وبنرسل لك رساله خاصة لو لقينا شي

تحياتي

السلام عليكم ورحمة الله وبركاته

أخواتي....

أحب بس أوضح لكم شي مهم.... بالنسبة لتخصص الملابس والنسيج يختلف مسماه من جامعه للثانيه وله فروع كثيره

وفي أغلب الأحيان يندرج تحت تخصصات الـ ART او الديزاين علي حسب الجامعه

لكن لا يندرج تحت .... الـ IT في الجامعات

بشرح أخر لسوء الفهم..... التخصصات في الدول برا لها تخصصات فرعيه ومنها ما يضم تخصصين في وقت واحد ويمكن سمعته عنه أقصد الدبل ميجور

المهم... الموضوع اللي قرأتوا عن دمج تخصصي مع التكنولوجي أقصد فيه ...التخصصات المدمجه ولكن مازال التخصص تحت كلية الفنون

التكنولوجي ..... يختلف عن الـIT

التكنولوجي أي شي ممكن يدخل فيه حتي الهندسه والديزاين

أما الـ IT فهوا دراسة الحاسب الآلي بفروعه وهوا الذي يدخل في التخصصات الأخري

يعني لما أدرس حاسب آلي متخصص... بدرس كيف أنظم برامج وأساسيات ...الخ

لكن لما أخذ تكنولوجيا الحاسب ( الكمبيوتن) وأدخلها في الهندسه الميكانيكيه وأخلي الأجهزه تعمل بنظام الحاسب الألي الإلكتروني... فأنا بأطبق هندسة تكنولوجيه,,,, يعني تخصص الهندسة التابع لكلية الهندسه

ياليت تكونو فهمتو دا الشرح... لأن الملابس والنسيج ما يندرج تحت الـ IT

اللي سار معايا أنا تقريبا نفس الوضع

الدكتور اللي أستلم أوراقي .... الله يوفقه دنيا وآخره ويرزقه من حيث لا يدري ويحسن خاتمة

طلب مني أدمج تخصص الملابس والنسيج بالتكنولوجي

يعني أصمم بالكمبيوتر أدخل أنظمة الحاسب الآلي في التطبيقات الخاصة بالنسيج وهكذا وقال لي أنا بجيب لك القبول

وفعلا عملت بكلامه .... وهوا نفذ وعده

جاب ليا أحد تخصصات جامعة الـ RMIT وهو تخصص إسمه بالعربي تكنولوجيا نسيج و بالإنجليزي
Master of Technology Textile>>> وبناء عليه صدر قرار إبتعاثي علي دا التخصص

لما وصلت أستراليا أكتشفت إنه ما يمديني أدرس دا التخصص لأنه تخصص أبحاث... نظام الوزاره ما يسمح لنا ندرس تخصصات أبحاث في الماجستير فقط في الدكتوراه

التخصص الثاني اللي موجود في الجامعه رديف لنفس التخصص هوا ازياء ونسيج بالعربي وبالإنجليزي
Master of Fashion & Textile

وممكن تقولي ملابس ونسيج... دي التخصصين الأقرب ليا في الجامعه وفي كمان تخصصات ثانية لها علاقه بالنسيج ولكن للبكالوريوس وبعضها للماستر بحوث عشان كدا ما يمديني كان أختار شي منها

رفعت معاملتي ثاني للوزاره وبلغتهم بأنه التخصص اللي قدمو لي عليه بحث ورديفه في دراسة المواد هوا الفاشن أند تكستايل .... فقاله كملي عليه لأن قرارك كدا وإذا تبي تغيري أرفعي معاملة تغير تخصص

وأنا طبعا محظوظه أني بدرس تخصص مافي أحد كان غيري راح يدرسه وهوا في الأصل تخصصي

الفكره اللي عرضتها سابقا عن إنه البنات اللي من نفس تخصصي يقولو للوزارة إحنا بندمج مع الـ IT كانت من اللي حصل معايا

لأن الدكتور عشان يخلي تخصصي من تخصصات البرنامج طلب مني ألغي إختيار التسويق وأبدله بـ IT وأنا نفذت الي هوا طلبه وهوا عمل الباقي مع الوزاره

لأنه لما سألني ليش أخترتي تسويق..... قلت له عشانه الأقرب للتخصص

قال لي : ليش الأقرب لك التكنولوجي الكمبيوتر الآن مع كل شي وجلس يعطيني إقتراحات رائعه شدتني لكلامه
رغم إنه أيامها أخويا خاصمني عشان كان يحسب الدكتور بيصرفني..... بس الحمد لله اللي مع الله الله يسخر له أولاد الحلال في طريقه

ممكن الموضوع يكون صدفه أوحظ بالنسبة للوزاره....

لكن لو فيه أحد فاهم في الوزاره زي الدكتور دا وإسمه نبيل الراجح راح يعرف أهمية تخصصنا وفايدة لمستقبل السعوديه من ناحية صناعة الملابس وطتوير تكنولوجيا النسيج حتي في الملابس العسكريه


أعذروني عشان طولت عليكم ولكن حبيت أشيل عنكم اللخبطه وسوء الفهم

بالنسبه للأخ بندر ..

فعلا حسب ما فهمت لوضع زوجتك زي ما ذكرت لك الملابس والنسيج أبعد عنها لأن خبرتها في مجال التغذية فالأفضل إنك تغير بس علي نفس التخصص

فأسترليا في فروع حلوه لدا التخصص... يمن التخصص اللي في الـ RMIT صعب لأن زميلتي فيه بس فس شي أنا ما أفهمه في دا التخصص لأن أغلب بنات التغذيه ما يبغوا ويحولو علي مدينه ثانيه إسمها أدليد.... فيها جامعه فيتخصصات تغديه أفضل علي حسب كلامهم وهيا اللي هما يبغوه.... عشان يقدرو يشتغلوا في مستشفيات

أما تخصص جامهة RMIT فيقولوا إنه علم غذاء ما يرشحهم لوظائف صحيه .... والله أعلم أنا دا اللي سمعته منهم

يس لأنه مو مجالي فما أفهم فيه بس أنا ممكن أطلب من البنات المعلومات وأجيبها لكم هنا في دا الموضوه أو أفتح لكم موضوع ثاتي عن تخصص التغذيه وعلوم الأطعمة بس أحتاج وقت لأن البنات في السعوديه أغلبهم

وأنا دوبي رجعت أستراليا.... فالتواصل شوية صعب

أنتظر ردودكم.... حاولو تستغلوني الفتره دي بالأسئله قبل لا تبدأ الدراسة وأنشغل

ولو لا سمح الله غبت ممكت تبلغوا هوووود لأنها معايا هنا في أستراليا وممكن هيا تبلغني عن إستفساراتكم ويسير أرد علي الجميع بالنسبة للتخصص ملابس ونسيج أو أي شي عن أستراليا عموما



المعذره علي الإطاله....

مشكوره والله

بالنسبه لي ناويه اقدم على الابتعاث للمرحله السادسه

سؤالي هنا

القبول اجيبه قبل التقديم ولا كيف بالضبط ؟؟

لأني ضايعه ومحتاره ..

والتحويل لاستراليا قفلوه نهائيا ولا كيف ؟
لأني محتاره بين كندا واستراليا ..
اذا استراليا مقفل التحويل لها خلاص بفكر اجيب قبول من جامعات كندا

وشكرا مره ثانيه

لو تقدري تجيبي لك قبول من الآن جيد بس حاولي تجيبه قبول في أحد الدول اللي راح تنزل في البرنامج

بالنسبه لأستراليا الله أعلم كيف وضع التحويل لها ممكن تستفسري من الوزاره

بالتوفيق