...معلم اومعلمة مر بهذه المشكلة..يعلمني اش سوا..

أختي الكريمة


حسب علمي القاصر

بالنسبة للإبتعاث(الخارجي) وليس الإيفاد(الداخلي)
هناك ثلاث خيارات لمن هم في مثل وضعك

وترتتيبهم حسب الأفضلية كالتالي

أولا ::::: الإبتعاث من جهة العمل :
( وكمدة خدمة لا يشترط لذلك أكثر من سنتين , واللي قال لك غير كذا ++ زي ما ذكرتي++ غلطان)

وفي هذه الحالة تحسب لك الدراسة كفترة خدمة , ويصرف لك نصف الراتب مخصوم منه إستحقاقات التقاعد بالإضافة إلى مكافئة مبتعث .
وأنصحك تطلعي على خطة الإبتعاث لهذه السنة (لها تقريبا أسبوعين نازلة) على منتدى وزارة التربية والتعليم , قسم التدريب التربوي , كاتبة الموضوع :أ. نجلاء الدريهم .
وفيها الشروط والتخصصات والمقاعد المتاحة


ثانيا ::::: الإجازة الدراسية :
وهذه تم السماح بها مؤخرا بعدما تم إيقافها لسنوات ماضية

وفي هذه الحالة(تدرسي على حسابك) وتحسب لك فترة الدراسة كفترة خدمة في العمل , ويعترف بمؤهلك الحاصلة عليه , لكن لا يصرف لك راتب ولا تتكفل جهة العمل برسوم الجامعة أو غيره.
ودائما يتردد(لا يعتمد عليه تماما) أن هناك من حصل على إجازة دراسية , وتم إلحاقه بالبعثة .



ثالثا ::::: الحل اللي إنت ذكرتيه



لاحظي أختي إن الحالتين الأولى والثانية تحافظ لك على وظيفتك الحالية


بالتوفيق

شكرا اخوي...اطلعت علة ملف الايفاد والابتعاث ووجدت انهم طالبين 3 فقط لمناهج وطرق تدريس الحاسب الالي للابتعاث للخارج وانا ابغى تخصص الحاسب الالي فقط...للاسف
الايفاد للداخل طالبين 10 للحاسب الالي..في امل مع انه طموحي خارج المملكة
طيب لو بروح لبعثة الملك...
متى اقدر اقدم استقالتي؟

اختي ليه حاطه في بالك الاستقاله فيه الف باب غير هالباب وترى الوظيفه بحد ذاها بالوقت هذا مكسب تخيلي يعني بس من باب الاحتمالات انك قدمتي وقبلتي وصارت الامور تمام بس زوجك ركب راسه وقال ماني طالع والاستقاله عاده تجي خلال شهر الى اربعين يوم هذا اللي انا اعرفه من باب النظام الاداري بس يتوقف على المكان اللي فيه ونظام الروتين اللي ادارتك تمشي عليه
اختي اسمعيني الاخ اللي قبلي قال لك فيه شيء اسمه اجازه دراسيه
وبعد فيه شيء اسمه اجازه استثنائيه
وبما انك انثى كمان فيه اجازه حضانه مدتها ثلاث سنوات
يعني امر الله من سعه
ترى رجعوك بشهاده ماجستير حاسب مو دليل علىحصولك على وظيفه
ترى الامور وربي ارغب مما تتصورين جد هذا واحد من الجماعه معاه دكتوراه بـ اي تي
وهذا ينتظر الوعود اللي تقول اساسا حنا ندور عليك
ونرجع للاستقاله تقدري تقدمي عليها وانتي في بلد الابتعاث عادي
اععتقادي راح يقولون لك الف طلب مثل هالطلب
انتي خوذي اجازه دراسيه ويرحي مخك ويوم تجي وظيفتك مضمونه والاحدى هالاجازتين
وعلى فكره فيه تخصصات بالحاسب وخاصه باستراليا ما فيها اختبارات ما غير بحوث طويله تقدمينها نهايه الفصل وتقدري تقدمينها وانتي في بيتك بالسعوديه فكري وان شاء الله ربي يسرامرك

وفقك الله اخي الرويلي...صح انا بعض الاحيان اقول اني بتهور لو استقلت !!!!.بس والله اني ابغى اطلع وكثير معلمات اعرفهم تاملوا للبعثة واخر ش قالوا لهم انتم موظفين ماتروحون وتحطموا ...يعني لو اخذت اجازة استثنائية او دراسة اقدر اروح ويوافقون عليها يعني اقول لهم انا عندي اجازة ويوافقون.. هنا السؤال مو اتحمس للروحة بعدين يقولون ارجعي...؟؟؟؟؟

حلمي وطموحي

والله بقوولك نصيحة اخ خليك على وظيفتك ترى التعليم ما فيه احسن منه خاصه بعد الزياده

وامسكي أرضك لأن البعثه والدراسه أمور غيبيه ما نعلم عنها نمشي فيها ولا لا ؟

بس أنتي روحي لهم وقولي إنك تبي تستقيلي إذا قبلووك وشووفي وش يكون ردهم .

نصيحة لك من الأن أتصلي بالدكتور ناصر الفوزان او الموسى أو إذا أنتي بالرياض روحي وقابليهم

وهم راح يعطوونك الخبر الأكيد وكلهم وربي طيبيين بالمره وخلوقين.

اخذي العلم من الراس الكبير ويهون أمرك بعد الله بس أطلبي ربك التوفيق وعليك بالأستغفار

مشكور اخوي الراشد...طمنتني...لو سمحوا لي واعطوني مهلة للاستقالة وانا ضامنة البعثة ان شاء الله بروح..عالعموم بكلمهم بس من وين اجيب ارقامهم؟

اختي انتي سالتي وانا ابي اجيبك تقدرين تاخذي اجازه دراسيه لو تبينها ان شاء الله من بكرى المهم معاك قبول جامعه وتقدمينه على مرجعك وتطع لك معامله وعادي جدا راح يقبولنها لانهم بصراحه يكيفون على هالشيء لانهم ما راح يدفعون ولا ريال
وسالفه الاجازه الاستنائيه هي حق شرعي بس لازم تقدمينها قبل الاجازه بوقيت لا يقل عن شهر كما هو معمول به في الخدمه المدنيه وهو فايده الاجازه هي انها تصدر من مرجعه المباشر وهو اداره التربيه والتعليم اللي انتي تابعه لها
وغير هذا ما ادري عنها
وسالفه يقولون انتي موظفه بامكانك يوم يطل ترشيحك المبدئي على البعثه قدمي الاجازه ومن ثم اذا قالوا لك انتي موظفه عطيهم خطاب الاجازه وفي هذا انتي تكوني بالسليم والله اعرف بشر مسوين هالشي هذا
وليه اقول لك بشر
انا كنت مسوي الشيء هذا والحمدلله انها الامورمشيت بس
ابيك تحطي شيء باعتبارك الاستقاله والله نصيحه اخ لاخته شليها من بالك نها ئيا لان فيه الف حل غير الحل وانتي قدري انك تدرسي وتشتغلي بنفس الوقت
ترى امرالله من سعه

طيب اخوي الرويلي ...انت غيرت مسار تفكيري..بقدم على اجازة اذا يقبلوها...قول لي متى بالضبط قدمت الاجازة الدراسية ..نهاية العام الدراسي..طيب نتائج الترشيح تطلع بداية العام يعني بطلب الاجازة وانا مان عارفة انا مقبوله او لا يعني لو ماقبلوا طلبي..اش اسوي وانا ماخذة اجازة وما اقدر اطلع على حسابي؟؟؟؟ممكن تقول لي اش سويت بالضبط

واشكر كل من ساعدني الرالشد وبن حلال والرولي

تبين رااي ...
إن كان وضيفه زوجك .. مو ثابته يعني على بند او اي شي من القبيل هذا ..
الا فضل انه يروح يدرس على حسابه في البدايه ..
إلى ان يتم إلحاقه .. وبعدها تروحين انتي معه مرافقه بإجازة مرافق لمدة تصل 10 سنوات بدون راتب ..
وبعدها تلحقين نفسك بالابتعاث ..
وإجازتك عن التربية والتعليم .. تستمر على ما هي عليه .. إلى ان ييسر الله أمرك ..

هذا اقتراح .. واتمنى انك تحطينه في بالك .. بالتوفيق ..