طلاب استراليا (الفحص الطبي، مكتب الترجمة المعتمد)

اولا السلام عليكم ورحمة الله وبركاته

ثانيا بالنسبه لجده عندك مستشفى الدكتور بخش ومستشفى الدكتور غسان فرعون
بالنسبه لمستشفى الدكتور بخش كل الناس يمدحون الدكتوره فاتن وهي الي راح تسويلك الفحص وبياخذون منك اعتقد 460 مدري 640 المهم خلك محتاط انت بس

بالنسبه لغسان فرعون بيعطونك موعد بعد اسبوعين بس كم فلوسه والله مدري بس مو ارخص من بخش

يعني خلك على الدكتوره فاتن احسلك


بالنسبه لي اتصلت اليوم وقلتلهم ابي موعد مع الدكتوره فاتن
قالولي تبع الفيزا
قالت ايه
قالوا تبي تجي اليوم
قلت لا مو اليوم بكره او بعد بكره
قالولي طيب حدد الوقت الي تبي تجي فيه
قلت الاربعاء بالمساء
قالوا اوكيه موعدك الساعه 6 المساء وتجيب معاك صورتين من الجواز مع الاصل للمطابقه واربع مدري ست صور شخصيه ما افتكر والله

والافضل تسويه الحين لانه اول مايرسلون لك رساله ويقولون رح للمكتب الفلاني عشان ترسل اوراقك للسفاره يكون الفحص خلاص منتهي منه

النقطه هذي ماراح افتيك فيها بس بقولك كلام الاخ العاني ماقصر هو له الحين تقريبا ثلاث اشهر باستراليا ويقول ان كل جامعه فيها بنك والافضل انك تفتح فيه عشان اغلب الوقت تصرف من صراف هالجامعه عشان النظام عندهم لو سحبت من صراف بنك مو بنكك بياخذ عموله منك
ويمكن مايحطونك بسدني ليش تروح تفتح من راسك
اركد شوي بالنقطه هذي

والله يوفقك اخوي

بالنسبه للترجمه راجع هالرابط

http://www.mbt3th.us/vb/showthread.php?t=11399

العفو

الرياض
مركز ترانساد الطبي
د.هناء
014645050

هلا والله وغلا اخوي ..

اسمح لي افتي لك بالنقطه هذي

ووهو لا ياحبيبي .. الفرع لشكره الـ HSCB هو خاص بالسعوديه ..

ومعناته فرضاً لو طلعت بطاقه صراف وجيت بتسحب فيها من برى السعوديه

راح يأخذون منك فايده ...

وتوصل الفايده فوق الـ 80 ريال وتختلف من بنك لبنك

والفائده يأخذونها منك البنكين .. مو بنك واحد ...


وياخذونها منك كل ما جيت تسحب من الصراف مهما كان قيمه السحب شوي او كثير لو دولار واحد او مليون ...

او لما تشتري من محل .. برضوا يأخذون ..

ولذلك احسن لك انك تفتح حساب من هناك

وعلى فكرة الملحقيه .. تجبرك انك يكون لك حساب أسترالي او من نفس الدوله

عشان الراتب لما يبون يرسلونه لك ... فيه قيمه حواله .. تدفعه الملحقيه ..

لدرجه انه الملحق لما جانا هنا .. قال حنا نصرف التعويضات كل جمعه << نهايه الاسبوع


لانه يقول لو نبي نرسل لك واحد لحاله .. وكل واحد امر لحاله راح يأخذون على كل عمليه 18 دولار


فلذلك يقول حنا نرسل لكم كلكم بعمليه وحده .. <<<< وهذا مجرد مثال ..


فلذلك .. لازم انك تفتح بنك من استراليا .. ولعلمك ترى فتح الحساب هنا

اسهل واسرع من عمليه شرب المويه <<<< وصدقني


وما يحتاج تكتب او تسوي اي شيء .. بس احفظ كلمه ... نيو أكاونت <<< بسسسس


والباقي هم يسونه


وبالنسبه للبطاقه الي تأخذها من السعوديه معاك وتحط فيها فلوسك

فأنا أنصحك انك تمر بنك الاهلي وتطلب منهم

بطاقه ماستر كارد مسبقه الدفع<<< وخلهم هناك يشرحون لك وش مميزاتها

صدقني احسن لك وافضل لك واوفر لك بالنسبه لقيمه الصرف







اخوك
العاني