سؤال مادي بحت

السلام عليكم ورحمة الله وبركاته

اخوي الشمشير

اولا خذها قاعده وابدأ طبقها من الان " لاتحاول تحسب بالريال السعودي ابدا "

صدقني ترتاح

ثانيا زي ما انت عارف فالبدايه راح تقعد على حسابك لين تبدأ الملحقيه تصرف عليك بعد شهر او شهرين

لكن انت ماوضحت لي هل انت لحالك او معك زوجتك

لكن انا راح اشرح لك بشكل عام

فالبدايه النظام هناك يوم تستأجر لازم انك تدفع حق شهر مقدم للتأمين
يعني لو استأجرت شهر راح تدفع حق شهرين شهر للإجار وشهر للتأمين

بالنسبه للإجارات
سكن الطلاب بالجامعه يتراوح مابين 100 الى 180 بالاسبوع وعليك الحساب
السكن مع عائله كمان يعتمد هل تشاركهم الاكل ام لا هل لك حمام مخصص ام لا لكن تقريبا يتراوح من حدود 150 الى 400 على حسب المميزات لدى العائله
السكن بشقه لحالك يعتمد على اشياء كثييييييييييييره مثلا هل انت قريب من المدينه ام لا هل البيت كبير ام لا هل الشقه نظيفه ام لا واحب انبهك انه الشقق اجاراتها لمدة سته اشهر او سنه
يعني مافي شهر واتمنى العاني يصححلي هذي المعلومه لو كان فيها شي غلط


تقولي كم بتاخذ معك اقولك انا بصراحه صعب احددلك
لكن فكر فيها شويتين وخلينا نحسبها من البدايه وبالدولار الاسترالي طبعا

التوصيل من المطار الى فندق او سكن اي مكان حياخذ بالعاده من 40 الى 80 دولار
طبعا لو ماعندك سكن راح تضطر تسكن بفندق بالبدايه والفندق تكاليفه شوي غاليه بس انا ما اعرف الاسعار ياريت العاني يفيدنا بهالشي
ثالثا بتروح تدور على سكن يكون عادي سواء مع عائله لو انك مرتب بدري مع المعهد او انك تروح بنفسك تدور واحسب حسابك على شهر إجار وشهر تأمين وهذا النظام
يعني خلينا نقول اخذت حاجه عاديه ب250 بالاسبوع يعني الشهر بـ 1000 دولار + الف تأمين يعني يحتاجلك 2000 دولار حق السكن مع انه بالامكان تحصل اقل من كذا بس الواحد دايم يحسب على الزياده عشان مايتورط

بعد السكن نجي لتنقلاتك من والى المعهد طبعا استراليا فيها نظام حلو وهو لو انك طالب جامعي تقدر تركب الباصات بنصف السعر

وتقدر تشتر مثلا بطاقه شهريه مخفضه يعني بتطلع عليك بـ100 دولار لو كان المعهد بنفس الزون
والبطاقه ليس عليها عدد محدد لركوب الباصات يعني تقدر تركب الباص بأي وقت ولو تبي تركبه طول اليوم محد له صلاح فيك مادام ان صلاحية البطاقه لمدة شهر

وغير كذا فيه مصاريفك الشخصيه وكم راح تصرف على اكلك وشربك لمدة شهرين وهذي ممكن يفيدك فيها الاخ العاني

واحسبها انت بطريقتك طبعا وشوف كم تحتاج عشان تعيش هناك لين مايجيك الراتب

وان شاء الله ربك ييسرها ونسافر قريب يارب

من جد .. ومعروفه هذي وين ما نروح وين ما نسافر لازم ننسى الريال السعودي
لاااا .. هو ماكسيموم شهر
لاكن ما تدري عن الملحقيه ..

لانه الجين وهم ما عندهم طلاب تجلس لحد اسبوعين او ثلاثه يمكن



صحيح

ويوصل لـ 250 دولار
لااااع .. حدهااا 250 دولار

ميه الميه مافيه عقد اقل من ستة شهور لو تناقز
والمشكلة انه لو طلعت قبل الفتره هذي ما يكتفون باخذ التأمين
بل انك لازم تدفع المده المتبقيه كااامله ..

يوصل لأاكبر من كذا .. وعلى حسب المكان
هو الفندق غالي ..

لاكن بدال ما تأخذ فندق خوذ شقق

يعني بدال اوتيل خوذ موتيل

ويطلع ارخص
يعني بالليله من مية دولار وانت نازل<< برضوا غالي بس وش نقول


250 << يعتبر شيء متوسط

ولايه نيو ساوث ويلز الغوا النظام هذا

والمواصلات الحين من أغلى الأشياء
يعني انا الحين وانا ما اركب الباص الا مرتين باليوم من وإلى الجامعه
اصرف من البيت للجامعه 3.30 دولار
والرجعه برضوا

وعليك الحساب بالأسبوع كم تطلع

23وفاصله .. دولار استراليا

وفي الشهر 93 دولار

وهذا لو ما رحت ولا مكان الا جامعتك ..

وانا جامعتي اقدر اروح لهااا رجليه لانها قريبه
كيف لو كانت بعيده

والمشكلة قرار الألغاء للحين على ولايتنااا

والولايات الثانيه بطريقه


فيه بس مو في كل المدن

وثاني شيء لو تبي تشتري حق منطقه وحده في مدينه سدني
بطاقه اسبوعيه هنا مافيه شيء اسمه شهري
راح تدفع 40 دولار كل اسبوع .. ومو لكل سدني

لمنطقه وحده بسسسسسسسسسس




على حسب الواحد .. ويجب التوفير
مو كل ما تشوفه تشتريه


تقريباً 3000 دولار استرالي انا برئييي يكفيك
ولاكن خل معك احتياطي ... في السعوديه
يعني بلغ اهلك انك في اي لحظه تدق تقول ما معي ولا ريال


آآآآآآآآآآآآآآآآآآآمين يارب على الجميع







عبدالعزيز