نبي نشوف وقفتكم يالاستراليين

السلام عليكم ورحمة الله وبركاته

موضوعي هو عن لقاءاتنا بالجامعات الاسترالييه ابتداء من بكره بجده
وبعده يومين بالرياض وبعده يوم بالدمام

بختصار شديد يا اخوان انتوا كلكم شفتوا كيف كان الوضع بالملتقى كل واحد شايف نفسه على الثاني ولا فيه ابتسامات ولا فيه روح مبادره ابدا ابدا

والمشكله انه بعد مارجعنا من الملتقى جيتوا كلكم المنتدى وكل واحد قاعد يقول الاستراليين محد يبي يتعرف على الثاني والاستراليين مهم متعاونين والاستراليين كل واحد شايف نفسه
هذا يدل على احد امرين:

- الاول انه بالفعل كل واحد شايف نفسه على الثاني ونفسي نفسي ما ابي اتعرف على احد

- والثاني ان كل واحد مستحي يروح ويبداء هو يتعرف ومنتظر الناس تجيه لين حده وتقوله السلام عليكم انا مبتعث لأستراليا وحابب اني اتعرف عليك ونتعاون

طيب مدام انكم كلكم تبون تتعرفون وكل واحد جاي بعد الملتقى ويقول محد يبي يتعرف علي
الحين جاتنا الفرصه الحلوه اننا نجتمع ونتعرف على بعض باللقاء حق الجامعات الاسترالييه

وماراح اطول بالموضوع

اي احد من جده او حواليها مكه او الطائف وجاي عاللقاء وحابب اننا نتعرف على بعض انا مستعد اكون المنسق ونجتمع ونتعرف على بعض جميعا
فرجاء الي عنده استعداد يرسل لي رساله على الخاص برقمه الخاص او الطريقه الي يبي نتقابل فيها
وانا ان شاء الله راح اجمع الشباب كلهم ونحاول اننا نتعرف على بعض


بالنسبه لطلاب الرياض وطلاب الدمام اتمنى ان واحد يرشح نفسه يكون منسق بالرياض وواحد من الشرقيه يرشح نفسه عشان كمان يكون منسق للقائكم بالدمام

وهذي الفرصه وجات الين حدكم للي يقولون حقين استراليا مو متعاونين وشايفين نفسهم

انت مالك شغل بالناس والحين اثبت لي واثبت للشباب انك مستعد تتعرف على اخوانك المبتعثين على استراليا وتتعاون معهم

اتمنى اني القى تفاعل منكم ياطلاب استراليا كما عهدتكم دائما

اخوكم
عبدالعزيز المالكي