أفيدوووني الله يجزااكم خير

هلا اخوي

اخوي للاسف انا ما عندي معلومات كافية بالنسبة للتخصص و بالنسبة للجامعات .

بس عندي نصيحة صغيرة لك يالغالي

حاول تتأكد من وزارة التعليم العالي , بالنسبة حق الحاقك بالبعثة بعد ما تكمل ال 30 ساعة .

ــــ

الحين بالأحوال الطبيعية

يعني اذا الطالب بيبدأ دراسة البكالريوس , يشترطون أنه يخلص الطالب على الأقل 30 ساعة , و لازم يكون معدله فوق ال 2.5 من 4

هذي المعلومات انا قريتها بعيني بالملحقيات , و غير كذا , انا شفتها بالوزارة , بس شفتها بالوزارة من حوالي نص سنة , ما ادري اذا رفعوا النسبة الحين .

و إن شاء الله بالتوفيق

تقبل أطيب التحيات أخوي

أخوك

أحمد

اخوي العمري الله يسهلك ظروفك
بالنسبة للدولة اذا كنت تفكر في استراليا فهي مقارنة بغيرها غالية بس في نظري الحياة هنا حلوة ومريحة
يعني الواحد يقدر يتكيف ويرتاح هنا
انا سمعت ان كندا تمام
بس ان شا الله يفيدوك باقي الاعضاء في التخصص وعليه طبعا بتشوف الدولة المناسبة له ...
موفق

هلا اخوي

بالنسبة للغالي و الرخيص , يعتمد من دولة لأخرى

اتوقع حسب اللي اشوفه من خلال ربعي و اقربائي , أنه كندا و أمريكا أرخص من غيرهم , بالنسبة للدول الأجنبية طبعا ,

عندك نيوزلندا برضه معقولة .

بالنسبة للدول العربية .

انا درست في سوريا , و عندي اقرباء يدرسون في الاردن و مصر و لبنان .

يعني بالنسبة لي , أنا اشوف سورية مريحة جدا , و التعامل هناك سهل .

أما بالنسبة للأردن , بصراحة ما يمدحونها كثير لاهي و لا مصر .

لبنان حلوة حق الدراسة و العيشة , بس غالية نسبيا بالنسبة لباقي الدول العربية .

إن شاء الله أكون أفدتك بالمعلومات القليلة اللي عندي

و اتمنى لك كل التوفيق

تقبل اطيب التحيات

أخوك

أحمد