تنبيه مهم (التعويض عن رسوم الفيزا)

السلام عليكم
الكل طبعا اكيد سمع بقرار تعويض رسوم الفيزا الي صدر من مجلس الوزراء وامر فيه الملك عبدالله ربنا يحفظه
طبعا القرار صدر بتعويض الطلبة المبتعثين عن رسوم الفيزا وما يترتب عليه من رسوم اخرى مثل الكشف الطبي وخلافه
والي هي باي حال من الاحوال ما تقل عن 2000 ريال هذا في مستشفيات جدة اما في الرياض سمعت انها توصل 2400 طبعا الكشف هو الي يتغير لان رسوم الفيزا ثابته الي هي 1465 درهم
المهم من واقع تجربتي الشخصية رحت بعد ما استلمت قرار الابتعاث لمدير الشؤون الماليه في الوزارة الي مكتبه في الدور الاول وقلت له انا طالب مبتعث ليش ما تعطيني ضمان مالي ارسله مع الجواز للسفارة الاستراليه وبكذا انتم تتحاسبون معاهم على عادة اي رسوم للطلاب مثل رسوم الدراسه والعلاج وغيرة الي نسمع فيها
قال لا انت لما تروح هناك رح تحتاج مصاريف اقامة وخلافه ورح تتكفل فيها الملحقيه وتعوضك عن الي دفعته
طبعا الرجال يمكن ماعنده خبرة في الاشياء هذي لاني لما وصلت ما دفعت شي لا اقامه ولا غيرة
طبعا اتصلت على الملحقيه اساله عن هذا الموضوع تفاجاءت انهم يطلبون مني ايصال من السفارة بدفع المبلغ
انا صراحه اتسغربت كيف سفارة وعندهم دفتر ايصالات
مع اني توقعت ان التعويض ينزل دايركت مع اول راتب لاني من المفترض اني دافع الرسوم وهي رسوم ثابتة خاصه مبلغ الفيزا
قلت له ليش الايصال انا مستحيل ادخل استراليا الا وانا دافع المبلغ رد علي وقال اوكي انا مصدقك بس ابغى اوراق الوزارة وش عرفها انك دخلت استراليا وكنت دافع قيمة الفيزا
يمكن دخلت بطريقه او باخرى
المهم كلام لا يغني ولا يسمن من جوع
بعد اخذ وعطا قالي مالك الا تجيب اشعار المستفيد حق الشيك ويمكن تجيك ويمكن لا
طيب ايش الحل؟؟؟؟معقوله احد يجي من غير ما يدفع؟؟؟
وليش ما يكون فيه تنبيه وارشاد للطالب انه يحتفظ بهذا الاوراق او تكون فيه آليه بان التعويض ينزل مع الراتب الاول للطالب في البلد
وحتى لو جبتها مو اكيد انهم يقبلوها لاني اخذت الشيك من حساب واحد صاحبي والسفارة ما يهمها الشي هذا اهم شي شيك ينصرف وبس يعني حتى اشعار المستفيد مو باسمي لاني ما عندي حساب في البنوك السعوديه
واكثر الطلاب ممكن انهم ياخذو شيكات من حسابات اخوانهم او اهاليهم او اصحابهم
طبعا انا لقيت حل بس ما ارضى الملحقية رضى تام بس قالو بنحاول
طلبت من مكتب ارامكس يرسل ايميل على الملحقية لانهم قالو لي احنا ما عندنا ايصالات ورقية يوضح فيه اني جبت لهم شيك مصدق بالقيمة مع اسمي ورقم جوازي وكل البيانات الي عند ارامكس عني ....
طبعا انا اعرف لا يقل عن 10 معاي في المعهد ما جاهم تعويض الفيزا!!!!!!
حسبه بسيطه 2000*100 طالب = مبلغ لا يستهان به
وفي النهاية وصيتي لكل الطلبة الجدد انهم ياخذو الشيك باسمهم ويجيبو اشعار المستفيد وفواتير الكشوف الطبيه ويطلب التعويض على اساسها