الأعضاء الإشتراك و التسجيل

الملتقيات
ADs

متى تروح ؟ .. ما مشيت ؟! .. توقعتك باستراليا الحين ! أسئلة مللتها .. والروح المعنوية

متى تروح ؟ .. ما مشيت ؟! .. توقعتك باستراليا الحين ! أسئلة مللتها .. والروح المعنوية


NOTICE

تنبيه: هذا الموضوع قديم. تم طرحه قبل 6156 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية SuperMaster
    SuperMaster

    مبتعث مستجد Freshman Member

    SuperMaster أستراليا

    SuperMaster , ذكر. مبتعث مستجد Freshman Member. من أستراليا , مبتعث فى أستراليا , تخصصى Student , بجامعة University os Sydney
    • University os Sydney
    • Student
    • ذكر
    • Sydney, NSW
    • أستراليا
    • Aug 2006
    المزيدl

    May 23rd, 2007, 05:15 AM

    تدرون وش المشكلة في كل هالمعمعة ..

    انك انت المعني بكل شي ..

    بعثة .. ودراسة .. وقبول .. وCOE .. موعد سفر .. ومدة البعثة .. ووقت العودة .. الخ.

    ومع هذا كله انت الوحيد اللي مو داري عن شي ..

    صدق

    اسئلة تروح هنا وهناك .. تجيني من كل صوب .. صغير وكبير .. ذكر وانثى .. قريب وبعيد ..

    الكل يتفنن في الاسئلة اللي يسألها ..

    اقرب الناس يقولك : هاه .. بشر .. ما وصلك شي من السفارة ؟

    وغيره يقول : هذولا شكلهم جحدوكم وما راح تروحون .. استخر بس واترك هابعثة !

    والثالث يقول : تصدق ! .. انا حاس انك ما راح تروح لا بعثة ولا شي ..

    يعني تحطيم ما بعده تحطيم ..

    هذا اقرب الناس لك ويقولك هالكلام !

    أبعد الناس وش يقول ؟

    واحد إذا واجهته يقول : هاه .. ما مشيت ؟

    والثاني يقول : تصدق يا شيخ احسبك الحين باستراليا !

    والثالث : متى بتروح ان شالله ؟!

    المشكلة مو في الاسئلة .. لانها بتجك من اعز القوم او ارذلهم .. كلهم يسألون ..

    المشكلة انك ولا سؤال من هالاسلة تقدر تجاوبه ..

    ليش ؟ لانك آخر واحد يعلم باللي يبي يصير لك !

    صدقوني ! كل اللي نقدر نسويه اننا نقول قريب ان شالله !

    وانا بصراحة مليت من هالاجابة !

    ابي احس اني انا اللي خططت لمستقبلي ! ابي احس اني اعرف الطريق اللي انا ماشي عليه ..

    ما اكون مثل الخروف كل يوديني ويجيبني على كيفه !

    نسأل الوزارة : هاه .. وش صار في القبول ؟

    يقولون : انت روح ودي جوازك للاي دي بي ويصير خير ..

    عاد بالله عليكم هذا كلام ؟

    طيب .. مشيناها وقلنا يمكن نلاقي جواب عند الاي دي بي مثل ما قالوا ..

    رحنا للآي دي بي وسألنا : جاكم شي ؟ وصلكم قبول ؟

    يردون : انت الحين خلاص في جامعة سيدني (هذي جامعتي اللي الى الحين ما جاني COE منها)

    وش تتخيلون فرحتي بهالسالفة ؟ طرت والله ولا مسكني الا السقف من الفرحة .. الحين عرفت طريقي وعرفت وين اسكن وعرفت وش الجامعة وعرفت وعرفت .. يعني بعض الاسئلة لقينا لها جواب

    واعبي لهم الابليكشن حسب المطلوب وياخذون الجواز ويعطوني وريقة ايصال وفيها رقم الجواز وتاريخ التسليم 23 ابريل .. حلو .. كلو ماشي تمام .. كلها كم يوم ويرجع الجواز مع الفيزا ونقدر نسافر باقرب وقت !

    ايه هين بس .. توك على الشقى !

    وانطر << (انتظر بلهجتنا) .. وانطر .. وانطر .. الين طلع ببالي ناطور من كثر الانتظار ..

    هذا كله والاسئلة ما وقفت من كل واحد اقابله او اسلم عليه ..

    حتى اني من كثر الوسوسة صرت انتظر اي واحد يمر جنبي في الشارع او اشوفه بالمطعم يسألني احد هالاسئلة !

    على العموم .. قمت الصبح (على غير عادة ) قلت باتصل على دبي اشوف وش فيه الجواز تأخر هالكثر ؟

    وادق وترد رفيقتكم شيلا : كان اي هلب يو ؟ ذيس از اي دي بي ..

    انا يوم سمعت صوتها تشائمت وقلت : هلو .. ذيس از فلان .. اي وونت تو سبيك وذ سوم ون إلس سبيكنج اربيك !

    هي احس انها طارت عيونها وقالت : تل مي وات يو وونت ! (كأنها تقول شلون تحتسي معي انجليزي وش زينك وتقول عطن واحد يتكلم عربي .. بالعربي انلحس مخها شوي)

    قلت : اي دونت وونت سبيك وذي يو .. اي وونا سبيك ان ارابيك بليز <<< معصب .

    عطتني اماراتيه وجات السوالف اللي تغث : عطيتها رقم الجواز وصارت لي نفس سالفة الاخت بسيمة يعني جوازي بالدرج والى الحين ما وصلهم الCOE ..

    انا بعد هالسالفة تبرطمت ومادري وش اللي قلت ..

    المهم انه جوازي عندهم والقبول النهائي ما وصل .. انا بعد هالسالفة انهارت آخر قواي ..

    قررت اني ما راح اطلع من البيت الى مين يدقون يقولون لي : تبي تسافر والا لا ؟ ترى كل اوراقك جاهزة ..

    لاني بصراحة خلاص مليت .. وصدقوني اذا ما رحت في هالبعثة وجاتني حالة نفسية عقب هالسالفة ! ورب النعمة انه كل من هالوزارة ..

    وما كذب من سماها وزارة التحطيم العالي

    لاني وبكل بساطة

    متحطم

    والله يعين كل من هو في مثل حالتي

    ادري اني طولت وانتو منتوا ملزومين تقرون هالكلام .. بس والله من شي بصدري ودي اطلعه

    والله لا يوفقه ولا يحله اللي كان السبب في حالتي هذي

    وشكرا
  2. يا اخوي لا تقلب المواجع << ليش هي انطوت عشان تتقلب

    والله كلنا بالهوى سوى

    كل كوم ولما وحده تقول لي : انا حاسه انك ما راح تروحين

    ذاك الوقت ودي اقوم وتوطى ببطنها من القهر

    والا واحد من اخواني كل ما شافني سألني : وش اخبار البعثه ؟؟

    قسم بالله صرت اكره اشوف اخوي لأن اخاف من سؤاله لأن طبعا ما عندي اجابه له

    وغير كذا انا عندي مشكله اكبر من مشاكلكم كللللللللللللكم

    انا واخوي كلنا مبتعثين وهو محرمي ولازم نكون بنفس المعهد والجامعه ولو هالشي ما صار لو اطير واوقع مستحيل اعتب حدود الديره بدونه واللي زايد الطين بله ان تخصصي غير تخصصه وهو تخصصه قانووووووووووووووووووون وما ادراك ما القانون << اللي يشوف مصيبة غيره تهون عليه مصيبته

    والللللللللله ان نفسيتي زفت وحالتي حاله لو ما صارت هالبعثه ما ادري وش ممكن يصير فيني

    يعني ما يكفي ان الى الآن تقريبا بكمل سنه ونص متخرجه ولا توظفت ولا شي كله بس عشان البعثه والحين قاعده حاطه يدي على خدي انتظر حضرة الوزاره يجيبون لي القبول


    اللهم آجرنا في مصيبتنا واخلف لنا خيرا منها
    7 "
  3. آآآآآآآآآآه يا أخوي
    والله انها مواجع متقلبة بإستمرار,,

    ولي ملاحظاتعلى هذا الكلام//

    اقرب الناس يقولك : هاه .. بشر .. ما وصلك شي من السفارة ؟

    وغيره يقول : هذولا شكلهم جحدوكم وما راح تروحون .. استخر بس واترك هابعثة !

    والثالث يقول : تصدق ! .. انا حاس انك ما راح تروح لا بعثة ولا شي ..
    و

    واحد إذا واجهته يقول : هاه .. ما مشيت ؟

    والثاني يقول : تصدق يا شيخ احسبك الحين بأمريكا !

    والثالث : متى بتروح ان شالله ؟!
    سبحان الله,
    كأن ابعد الناس اللي عندك هم ابعد الناس لنا جميعاً
    نفس الأسئلة ونفس الأسلوب!!

    وكمان اقرب الناس نفس الطريقة ونفس الإقتراحات,,


    الناس هم الناس ماتنال رضاهم
    لو قعدت بيقولو لك ليش مارحت
    ولو رحت بيقولو راح!!

    رضاهم ليس غاية ولا هدف

    مالك غير تسأل الله يكفيك شماتة العدو والصديق,,

    والله يهون همك ويفرج الكرب عن الجميع
    7 "
  4. الله يكون في عونا انا وانت وكثير من المبتعثين سالفتهم مثل سالفتك وانا اكثرهم مثلك انتظر هذا القبول من اي دي بي......الجوازات وماسكينها ما نقدر نتحرك لا يمين ولا يسار الصيف قرب والحر اشتد.... وش رايك الظاهر قاعدين ....مين احد عنده رد زين نقدر نجاوب العالم الي يسئألون متى راح تروح على استراليا بعثة؟؟؟!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!
    7 "
  5. سيبك منهم من متي الواحد يسمع لأي احد

    الناس حاسدين وفيهم حاقدين وانت في موضع منظور

    وبعدين حتي لو رحت الدراسه بإستراليا ماتبدي الا شهر سبعه

    ومو مسموح لك تقعد اكثر من اسبوعين فاضي في البلد

    عشان كذا سيبك من خرابيط الناس اللي ماتنتهي

    واللي يهرج قله اروح اش اسوي الدراسه ماتبدي الا بعد اكثر من

    شهر وتباني اروح هنا عشان تسفرني استراليا بعد اسبوعين

    زي مانسوي بالمخالفين عندنا
    7 "
  6. هلا يا سوبر ماستر

    و الله حالتك و حالة الجميع ما تسر لا العدو و لا الصديق

    انت كلامك وصف جميع اوضاع المبتعثين .. كلنا عايشين في قلق و انتظار و ترقب .. و للأسف ما عندنا أجوبة لأسئلتنا و لا لأسئلة الاصدقاء و القريبين ..

    اللي عنده وظيفة خايف يستقيل الان لان وضع إجراءات البعثة ما يطمن .. و فيه ناس كان عندهم فرص وظيفية ممتازة و تخلَوا عنها بسبب البعثة .. و ازواج ناوين ينقلون لسكن جديد لكن أجلوا موعد الانتقال بسبب البعثة ..

    و لكن طااااااااااالت كثيراً إجراءات البعثة .. تكاد تمر سنة على تاريخ أول تقديم .. نعم نحن في المراحل النهائية من الإجراءات .. لكن العلاقة طردية بين الهم و القلق و بين اجراءات البعثة .. فكلما تقدمت في إجراءات البعثة كلما زاد الهم و القلق و الغموض أيضاً ..

    على العموم .. مالنا إلا سلاح واحد .. ألا وهو الدعاء و الإلتجاء إلى الله ..

    اللهم يسر أمورنا عاجلاً غير آجل

    تحياتي العطرة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.