مبتعث مجتهد Senior Member
المملكة المتحدة
scream , ذكر. مبتعث مجتهد Senior Member. من السعودية
, مبتعث فى المملكة المتحدة
, تخصصى دكتوراه . علم الأعصاب الادراكي
, بجامعة جامعة يورك
- جامعة يورك
- دكتوراه . علم الأعصاب الادراكي
- ذكر
- يورك, يورك
- السعودية
- Apr 2009
المزيدl July 24th, 2010, 04:01 AM
July 24th, 2010, 04:01 AM
السلام عليكم احبائي المبتعثين والمرافقين
اولا الموضوع واضح من عنوانه
بينما كنا نستمتع بسرعة انجاز المعاملات والتعامل الطيب من الملحقية باستراليا طبعا لانها كانت من افضل الملحقيات جائنا خبر البوابة الالكترونية الجديد وكنت من اكثر المعجبين بهذا النظام قبل تطبيقه لاني كنت اسمع عنه وما ادري وش السالفة وفي هذا الموضوع راح اركز على التأخير في المعاملات
البوابة الاكترونية كمبدأ شي حلو لانه يغنيك عن الاوراق والنماذج اللي ترسلها بالبريد لكن كطبيق فقد تعلمت منه عدة اشياء
اولا : علمني الصبر
ففي الماضي كنت ارسل طلب معين الى الملحقية وفي صباح اليوم الثاني واثناء تغريد العصافير (وش رايكم بالله بالتعبير ) اول ماتفتح الايمل تجد الرد من الملحقية على الاقل يقولون لك ان الطلب وصل وجاااااري التنفيذ
اما الان فانك ترسل طلب وتصحى اليوم الثاني عشان تسمع تغريد العصافير ( قصدي الرد من الملحقية ) فلا تجد الا رسايل من قروب ابو نواف وتنتظر اليوم اللي بعده ثم الاسبوع التالي ثم الشهر التالي ولا حس ولا خبر ولسان حالك يقول ياليتني اخذت المعاملة بيدي ورحت للملحقية هرولة كان خلصتها بدري .
ثانيا : علمني كيف اعتمد بعد الله على اهلي في السعودية في ارسال فلوس كل شهر
خلال السنة الماضية كانت المكافأة تكفيني وزيادة ولله الحمد وحده لانني كنت كلما دفعت اي فاتورة وطلبت تعويض يتم ايداع المبلغ بعد اسبوع كأقصى مدة ومن هذه التعويضات اختبار الايلتس والعلاج ووو
اما الان فقد تقدمت بطلب تعويض عن تجديد التامين الطبي قبل شهر ب740 دولار ولقد هزت الميزانية هزا مبرحا حتى الجيران قالوا what is the matter لدرجة اني افكر ابيع مساويك على الرصيف وبعد شهر من طلب التعويض ولا حس ولا خبر رغم اني ارفقت الفواتير والدعوة مايبغالها فلسفة .
اخواني وابوي في السعودية الان صاروا اذا شافوا رقمي يخافون يقولون وش عنده ذا كل شوية يطلب فلوس فصرت اقاسمهم رواتبهم في السعودية
ثالثا : كنت لما اصاب بزكام اروح للمستشفى ادلع نفسي والان بعد التأخير وبعد ماعرفت اني ماراح اشوف التعويض الا لما تنتهي البعثة صرت مااروح المستشفى مع انه جاني الضغط والسكر والصلع والرباط الصليبي وانفصام الشخصية وانفصام في كل حاجة وافكر اخلي زوجتي تولد في البيت واسافر السعودية بر بالسيارة لان التذاكر احسها راح تجي لما تنتهي الاجازة .
في الايام الماضية طلبت تذكرة داخلية لاني غيرت مقر الدراسة من سيدني الى برزبن فتم رفض الطلب لزعمهم اني احتاج طلب اجازة اولا رغم ان الرحلة داخلية مالها شغل بالاجازة وكنت اصلا في اجازة
فقمت اليوم اللي بعده طلبت اجازة وبينت لهم السبب وتم رفض الاجازة لزعمهم ان التذكرة الداخلية لاتحتاج اجازة طبعا كانت ردة الفعل اني قاعد انقز وانتف شعري
حتى البيانات البنكية طلبت تعديلها وتم الرفض الطلب حسيت انهم يعرفون بياناتي اكثر مني واعدت الطلب وتم القبول بعد ثلاثة اسابيع والله حاله ماادري انا جيت هنا ادرس واركز في دراستي ولاجيت اطارد معاملات ودوائر حكومية المهم يالربع الدعوة فضفضة واللي عنده مشكله يدش ويشاركنا الهم ...( يدش هذي كلمة بمعنى يدخل تعلمتها من واحد اماراتي وقلت ابغى استخدمها في جملة مفيدة )......... وفي النهاية ياليت يرجعلنا النظام القديم ويخلون البوابة الالكترونية لاهلها صحيح اننا نطالب بانظمة جديدة بس المهم هو انجاز العمل بجودة و سرعة وليس اسم النظام اللي تعمل عليه !!!!!!!!!!!!!!!!!!!!!!!!!!!! والله يوفق الجميع
والله مابعد فيها عصافير .. طارت كلها
والله ان اتفق معك .. بهذا الخصوص .. لإن كذا معامله طلب مني انا اقدمها عن طريق البوبه .. ولكن هيهات .. لم يتغير بالطلب شي لحد الان ... والمصيبه المعامله احيلت لتقاعد وانتهت .. وهي باقي بالبوبه ماتغير بحالتها شي ..
صراحه .. يجب ان تنظر الوزارة لها نظره عاجله وتصحح الاخطاء وتوفر كوادر تفعل دور البوبه ..
تسلم يالغالي على الطرح .. ولطافة الاسلوب ..
الــوافــي July 24th, 2010, 12:43 PM
7 " اااااااااااااااااخ بس ياريت على البطء هين وربي عندي طلبات لها 10 ايام مافي رد وكلها طلبات بسيطة.. الله يكوون في العووون ياااااااارب .. المشاكل ورانا ورانا اعوذو بالله
Mo0oN July 24th, 2010, 06:18 PM
7 " السلام عليكم ورحمة الله وبركاته
أتفق معكم إخواني بخصوص كل ماورد بخصوص البوابة الإلكترونية الجديدة ,,, والتي يشتكي منها الجميع ,,,
فبعد أن كان يضرب بالملحقية الثقافية بأستراليا المثل ,,, وبنظامها الخاص ,,, صرنا نبكي على الأيام الخوالي ,,, مع البوابة الجديدة (ونظامها الملئ بالمشاكل) وليتنا سلمنا من هذا التحديث الذي يقود للوراء للأسف وليس للأمام ,,,
أمنياتي أن يرى المسؤلين هذه الأراء ويدرسوا مكامن الخلل ,,, وأن يطلعوا على نظام الملحقية السابق ويقارنوا مواطن العلل ,,,
والسلام عليكم
happyman July 26th, 2010, 12:59 AM
7 " هي رائعة فكرة البوابة وخطوة تحسب للوزارة لكن المفترض انه يكون "تطور" للأفضل
لكن الجميع اتفق انه النظام الجديد أسوأ بمرااااحل عن نظام الملحقية القديم .. خصوصاً بالنسبة لنا نحن طلاب أستراليا
ياليت المشكلة بس تأخر المعاملات، لكن حتى النظام نفسه مليان علل وأخطاء وبطيء الواحد ما يدري هي المعاملة انرسلت والا لأ
أذكر أول ما سجلت في البوابة حطيت المعلومات الي طالبينها وضغطت *تم* عشان يرسلوا لي الرقم السري، والصفحة ما تغيرت زي ماهي وأنا أنتظر مدري وش صاير.. وشيكت عالإيميل ما وصل شي
ضغطت *تم* مرة ثانية.. نفس الشي الصفحة ما تغيرت وما وصلني شي عالإيميل .. انتظرت لين طفشت وصرت أضغط تم تم تم تم تم تم تم عشرطعشر مرة وقفلت الصفحة
ومن بكرة لقيت عشرطعشر إيميل من البوابة وكل إيميل فيه رقم سري مختلف عن الي قبله
صراحة كان المفروض بدل ما يبنوا نظام جديد سيء انهم يعمموا نظام ملحقية أستراليا وبس!
غادة July 26th, 2010, 04:44 PM
7 " شي طبيعي ظهور هذي المشاكل بالنظام وخصوصا عندما يتم دمج النظام القديم مع الجديد لتمكين التحكم الكامل من الوزاره ...
لو تلاحظون انه النظام الجديد اغلب الاومر الي موجوده فيه هي مقتبسه في الاساس من النظام القديم بالملحقيه باستراليا .... الاغلب يعرف نظام ملحقية استراليا بعد ما تم تشغيله و تجاوز كل المشاكل .... بعد فتره راح تشوفون فائدة النظام الجديد .... بس اعطوهم فرصه لانه التحكم الكامل من الوزاره و الملحقيات اللهم مشغلين و مدخلين بيانات يعني لو تعرف احد بالوزاره ينهي المعامله لك اسرع من الملحقيه .... طبعا هذا فيه فائده للطلاب الي من دول اخرى والي يضطر فيها الطالب للسفر للملحقيه عشان ينهي معامله .... الحمد لله طلاب استراليا عايشين في العسل مع النظام القديم اللهم لا حسد ..... اما طلاب الدول الاخرى فياقلب لا تشكي ..... عشان كذا اصبروا شوي عشان خاطر اخوانا طلاب الدول الاخرى ان شاء الله امورهم تتسهل
bE Bo July 26th, 2010, 08:28 PM
7 " اختي السلام عليكم ورحمة الله وبركاته
في الي كتبتيه انتي وانا امعاكي
بس انتي اسلوبك شكله حلوو ومدلل مع الكلحقيه وهم ما يبيلهم الا العين الحمرا عشان يردون لانهم موضفين عشان ما يردون على الطلاب اضن وربي حالتي مو بعيده عنك بس ربنا يفرجها
يوسف المحمادي July 31st, 2010, 09:02 PM
7 "
July 24th, 2010, 04:01 AM
اولا الموضوع واضح من عنوانه
بينما كنا نستمتع بسرعة انجاز المعاملات والتعامل الطيب من الملحقية باستراليا طبعا لانها كانت من افضل الملحقيات جائنا خبر البوابة الالكترونية الجديد وكنت من اكثر المعجبين بهذا النظام قبل تطبيقه لاني كنت اسمع عنه وما ادري وش السالفة وفي هذا الموضوع راح اركز على التأخير في المعاملات
البوابة الاكترونية كمبدأ شي حلو لانه يغنيك عن الاوراق والنماذج اللي ترسلها بالبريد لكن كطبيق فقد تعلمت منه عدة اشياء
اولا : علمني الصبر
ففي الماضي كنت ارسل طلب معين الى الملحقية وفي صباح اليوم الثاني واثناء تغريد العصافير (وش رايكم بالله بالتعبير ) اول ماتفتح الايمل تجد الرد من الملحقية على الاقل يقولون لك ان الطلب وصل وجاااااري التنفيذ
اما الان فانك ترسل طلب وتصحى اليوم الثاني عشان تسمع تغريد العصافير ( قصدي الرد من الملحقية ) فلا تجد الا رسايل من قروب ابو نواف وتنتظر اليوم اللي بعده ثم الاسبوع التالي ثم الشهر التالي ولا حس ولا خبر ولسان حالك يقول ياليتني اخذت المعاملة بيدي ورحت للملحقية هرولة كان خلصتها بدري .
ثانيا : علمني كيف اعتمد بعد الله على اهلي في السعودية في ارسال فلوس كل شهر
خلال السنة الماضية كانت المكافأة تكفيني وزيادة ولله الحمد وحده لانني كنت كلما دفعت اي فاتورة وطلبت تعويض يتم ايداع المبلغ بعد اسبوع كأقصى مدة ومن هذه التعويضات اختبار الايلتس والعلاج ووو
اما الان فقد تقدمت بطلب تعويض عن تجديد التامين الطبي قبل شهر ب740 دولار ولقد هزت الميزانية هزا مبرحا حتى الجيران قالوا what is the matter لدرجة اني افكر ابيع مساويك على الرصيف وبعد شهر من طلب التعويض ولا حس ولا خبر رغم اني ارفقت الفواتير والدعوة مايبغالها فلسفة .
اخواني وابوي في السعودية الان صاروا اذا شافوا رقمي يخافون يقولون وش عنده ذا كل شوية يطلب فلوس فصرت اقاسمهم رواتبهم في السعودية
ثالثا : كنت لما اصاب بزكام اروح للمستشفى ادلع نفسي والان بعد التأخير وبعد ماعرفت اني ماراح اشوف التعويض الا لما تنتهي البعثة صرت مااروح المستشفى مع انه جاني الضغط والسكر والصلع والرباط الصليبي وانفصام الشخصية وانفصام في كل حاجة وافكر اخلي زوجتي تولد في البيت واسافر السعودية بر بالسيارة لان التذاكر احسها راح تجي لما تنتهي الاجازة .
في الايام الماضية طلبت تذكرة داخلية لاني غيرت مقر الدراسة من سيدني الى برزبن فتم رفض الطلب لزعمهم اني احتاج طلب اجازة اولا رغم ان الرحلة داخلية مالها شغل بالاجازة وكنت اصلا في اجازة
فقمت اليوم اللي بعده طلبت اجازة وبينت لهم السبب وتم رفض الاجازة لزعمهم ان التذكرة الداخلية لاتحتاج اجازة طبعا كانت ردة الفعل اني قاعد انقز وانتف شعري
حتى البيانات البنكية طلبت تعديلها وتم الرفض الطلب حسيت انهم يعرفون بياناتي اكثر مني واعدت الطلب وتم القبول بعد ثلاثة اسابيع
والله حاله ماادري انا جيت هنا ادرس واركز في دراستي ولاجيت اطارد معاملات ودوائر حكومية المهم يالربع الدعوة فضفضة واللي عنده مشكله يدش ويشاركنا الهم ...( يدش هذي كلمة بمعنى يدخل تعلمتها من واحد اماراتي وقلت ابغى استخدمها في جملة مفيدة ).........