مساعدة ابي قبول من الجامعات الاسترالية الله يجزاكم خير

راسلني او اضيفني وابشر ان شاء الله اني اساعدك بكل الي اقدر عليه

بس انت اول حدد المدينه وجهز استفساراتك كلها وابشر

أخي في الله أولا مبروك التخرج وعقبال الماجستير والدكتوراه وثانيا من تجربتي الشخصية بالنسبة للتقديم على الجامعات الثمانية إختيارك موفق ولكن عندك مشكلة في المعادلة إنها ماراح تكون على اللي انت تبغاه وتبحث عنه لأنها أقوى الجامعات وماتبحث عن العائد المادي بقدر ماهي تهتم بسمعتها ومكانتها في المجتمع هنا فمثلا جامعة تعادلك مادتين فقط او ثلاث أو أربع وفيه بعضها ماراح يعادلك شئ ويطلب منك تبدأ البروجرام حقهم من الصفر اللي هي السنة التحضيرية وقبلها اللغة إن ماكان معك توفل أو أيلتس وإن أعفوك عن السنة التحضيرية وهذا إحتمال ضئيل وأنا مااحبطك لكن أبين لك وجهة نظري وتجربتي اللي عشتها هنا راح تبدأ من السنة الأولى لتخصص المحاسبة اللي هي الأساسيات في الأدارة بشكل عام وإذا أنت همك وهدفك أكثر جامعة تعادلك فاإبحث عن غير الجامعات الثمانية وفيه جامعات معروفة بعضها يعفيك عن السنة التحضيرية وبما انك راح تدرس لغة راح يدخلونك على الجامعة على طول بما إنك انهيت مستويات اللغة المطلوبة وفيه بعضها تعطيك معادلة لمدة سنة أو من 7 إلى 8 مواد راح تعادلك بما معناه إن راح تدرس سنتين هذا من غير مدة اللغة وتتخرج والجامعات اللي أتكلم عنها مستواها من المتوسط فما دون ومايعيبها ذلك وبالعكس سمعتها ممتازة وعلى العموم أنت وتوجهك إذا إنك تقول إني ماعندي مشكلة حتى لو ماعادلولي مواد كثير راح أخش الجامعات هذي فاأقولك توكل على الله وإذا أنت مثل ماشرحت لك في الأعلى فوسع خياراتك وخلك مرن أكثر.


وبالنسبة للتقديم أخي في الله سهلة وراح نبدأ خطوة خطوة:
1- خذ الشهادات الدراسية حقتك : الثانوية, حسن سيرة وسلوك, شهادة الدبلوم, السجل الأكاديمي ومعها صورة من جوازك عشان يطابقون الأسم مع الشهادات وتوجه لأقرب مكتب ترجمة معتمد وترجم شهاداتك للغة الأنجليزية ومستعد أدلك على أدلك على مكاتب جيدة إذا رغبت.
2- بالنسبة للتقديم على الجامعات أنا ماأنصحك تقدم لأي من مكاتب القبولات لأنها راح تكلف عليك ماديا وثانيا المصداقية والأمانة وسرعة جلب القبولات لك عليها ويمسكونك مع اليد اللي توجعك إلا مكتب واحد ومعتمد من جميع الجامعات الأسترالية ويجيب قبولاتك مجانا الا وهو مكتب الأي دي بي وانتبه لايطلبون عليك دراهم لأنهم ياخذون عمولتهم من الجامعة مو منك وهذا موقعهم من النت إذا حبيت تاخذ العنوان IDP Middle East, Dubai, UAE .


والله يوفقنا وإياكم أجمعين.

اغلب الجامعات في استراليا يطلبون منك قيمة الابلكيشن وهي تتراوح من 80 دولار الى 110 دولار حسب الجامعه واي مكتب في العالم يطلبك دولار زياده عن قيمة الابلكيشن هذا مكتب حراميه

بالتوفيق

أخوي يوسف أثرت نقطة مهمة الا وهي:
1- النقطة اللي غفلت عنها الا وهي قيمة الأبلكيشن وأنا تكلمت عن مكتب IDP وفعلا مثل ماتفضلت ماياخذ منك الا قيمة الأبلكيشن للجامعة فقط وهذا شئ معروف ولو يطلبون دولار واحد زيادة تقدر تشتكي عليهم الجامعة ولو تروح انت بنفسك تقدم للجامعة برضوا راح يطلبون عليك نفس قيمة الأبلكيشن وهذا شئ متعارف عليه في أستراليا وغيرها ومو أنا اللي أقيم يقدر الأخ اللي طرح الموضوع إنه يتأكد بنفسه.
2- قيمة الأبلكيشن يختلف من جامعة لجامعة لطلاب البكالورويوس فهي تترواح مابين 50 دولار إلى 110 دولارات وأزيدك من الشعر بيت فيه جامعتين قدمت لها سابقا كان التقديم لهم مجاني.


وعلى العموم كان ردي خاص للأخ طموح طالب ومبروك التخرج مرة أخرى وعلى العموم أخي السائل أسأل الله لنا ولك التوفيق.