جامعه غرب سدني ارجو المساعده

حسب المعلومات اللي عندي ان الجامعه معترف فيها لمرحلة البكلورويس ولكن الجامعه تصنيفها مو قوي ولكن من ناحية المرونه مرنه واغلب الللي يدخلها ينجح

عفوا ايش اسم الجامعة؟

الجامعه معترف فيها .. وانا من طلاب هذي الجامعه ..
وفيه واحد من الشباب تو من فتره قريبه جدا انقبل فيها بكلوريوس<< مدري كيف تنكتب هع
الجامعه زينه واسعار الاجارات والمعيشه بسدني ماهي بغاليه مره ولاهي برخيصه
يعني بالمقارنه بالمدن الاستراليه الثانيه شوي غاليه بس مناسبه جدا للمبتعثين ..
معهد اللغه حقها مابه شي ينعاب .. يعني انا من خريجين مهعد الانسيرش .قبل سنتين هع
الي يعتبر ازين معه باستراليا والذمه ع الراوي .. لاكن اجد ان مستواي ومستوى
خريجين معهد جامعة غرب سدني سوى .. يعني معهدهم مقبول ..
والجامعه دراستها سهالات والحمد لله .. يعني مابها تعقيد كثير ابد ..
والضلم بكل مكان بس غلط اننا نعممه .. انا ارا ان الجامعه زينه من جميع النواحي ..
وجهة نظر ..

بالنسبه لموقع الجامعه تقع في حي فيه عرب كثير .. وحلوه الحياه ..
يعتبر من ارقا احيا سدني

اسئل الله لك التوفيق اختي ..

ولو احتجتي اي مساعده ماحنا بمقصرين ..

ياليت احد يفيدنا عن دراسة الدكتوراة هل رسالة فقط مثل بريطانيا ولا مثل امريكا
وكم مدة الدراسة
وايضا كم اسعار الشقق في سدني يعني غرفتين وصالة كم حدودةا

اختي ابتسام

الاخ تفضل مشكورا بالرد على استفسارك

اذا كنتي مرافقة مع زوجك فتوكلي على الله وسجلي بالجامعة مع اني انصحك بجامعة سيدني للتكنولوجيا طالما انك مضطرة انك تذاكرين في سيدني لما في معهد سيدني للتكنولوجيا من جودة في تعليم اللغة وتصنيف الجامعة اعلى من غرب سيدني

اما اذا كنتي على حسابك فانصحك تشوفين لك ديرة ثانية رخيصة واجوائها كويسة مثل بريزبن ولا الجولد كوست وفي نفس الوقت ايجاراتها ارخص من سيدني ومالبورن وفوق هذا كله منطقة حلوة وليست زحمة مثل سيدني ومالبورن وليست قليلة مثل باقي المدن


اي استفسار ثاني انا حاضر
حتى لو تبين قبول من اي مكان برضه انا حاضر

تقبلوا اعطر تحياتي

اخ مانع المشعل . مع التحيه
على اي اساس قلت ان جامعة سدني للتكنلوجيا افضل في التصنيف من جامعة غرب سدني ..
ابي افهم كيف يقدر الطالب انه يقيم الجامعات وهو ماعنده درايه ولا ادوات التقييم
انا درست في جامعة غرب سدني وفي جامعة سدني للتكنلوجيا..
ومن واقع تجربه ولا اقدر اعمم على الجامعه " اقول ومن وجهة نظري "
اقول ان غرب سدني افضل من سدني للتكنلوجيا.. والتقييم الموضح في الملحقيه
كلها مجموعة "C" يعني كلها في الهوى سوى ..
على العلم ان جامعة غرب سدني مغلقه من قبل الملحقية هالحين ..
اتمنى للجميع التوفيق والنجاح ..


بالنسبه للاخ الطرباوي ..
دراسة الدكتوراه تختلف على حسب البحث والتخصص والمشرف ونشاطك..
واعتقد والله اعلم انها رساله بدون مناقشه تعرض على ثلاثة محكمين بعد الانتهاء منها
وعليه تتم النتائج والتقييم ..
اسعار الشقق تبداء .. من : ٤٥٠ إلى ٦٥٠ دولار اسبوعياً .. للمتوسط ..
وتزيد بتنقص بختلاف المناطق ..

الله يوفق الجميع .

مشكور اخوي علي الافادة

شكرا على هذه الافادة

عزيزتي

أغلب الدارسين بمعهد جامعة غرب سيدني هم من الطلاب اللي سيدرسون بنفس الجامعة ، حيث أن المعهد في الغالب هو الطريق الأقصر والأضمن لهم لدخول الجامعة .
وإلا فالمعهد ذو مستوى ( ردئ ) لا أعتقد ان من يريد الاستفادة من اللغة سيدرس فيه .
وأعني بـ ردئ أنه ردئ إدارياً وأكاديمياً وتعليمياً ، بغض النظر عن المعاهد الأخرى .

وعلى العموم الملحقية حالياً أغلقت القبول في هذه الجامعة لمرحلتي الماجستير والدكتوراة ، المتاح فقط هو البكالوريوس (وإن صدق تنبؤي فإنهم سيغقلقونه قريبا)

أنصحك بالمعاهد الأخرى إن كنت حريصة على الاستفادة من اللغة .

للمعلومية : هناك معهد ( تيف Tafe ) كما سمعت تقبل بنتيجته جميع الجامعات الاسترالية ، وهو معهد حكومي .
أحببت الرد والإفادة وأتمنى لك التوفيق في الاختيار والدراسة