طبعا زي مو واضح في العنوان دا تقرير أخونا الغالي بحور الشوق
والحمدالله هو وصل ملبورن بالسلامة
وفوضني اني انزل دا التقرير هنا
اسيبكم مع التقرير دحين
/
/\
\/
\
/
رحلتي الى ارض الاحلام
بسم الله الرحمن الرحيم
اول شي الحمد لله على سلامتي
وراح ابدأ معكم التقرير من البدايه
بس اعذروني على التخبيص وعدم التنسيق
لاني كتبت موضوع طويل عريض اخذ مني ساعتين
وفالنهايه فصل النت وراحت الصفحه قبل يرسل
وماقدرت ارجع للصفحه وما حفظت الكلام الي كتبته
المهم
راح ابدا معكم من مطارنا العزيز مطار جده الدولي
طبعا وبدون شك مطار جده الدولي من اضخم واحدث المطارات فالعالم
لذلك كان ممنوع التصوير في المطار عشان محد يسرق تصميمه ولا تنظيمهم الغريب والعجيب جدا
لذلك اعتذر لكم عن أي صورة لمطارنا العزيز ولازم كل واحد يودعه بنفسه افضل من اني احط صور
وتبدأ الناس تلغي فكرة البعثه
مشينا من مطارنا 8 و55 دقيقه يعني تأخرنا عن موعد الرحله تقريبا 10 دقايق وعند الاجانب هذي حاجه كبيره
عموما الطيار قعد يعتذر نص ساعه وفي الاخير قال انتوا شفتوا كيف الزحمه فمطار جده الدولي وهذا ماسبب التأخير >> صريييييييييح الطيار هذا فلللله
وبصراحه انا دايم اسافر على السعوديه من جده للرياض عشان خاطر عيون الوزاره وطفشت من اللون الازرق والمضيفين السعوديين ولمن دخلت طيارتهم الوانها فلللللللللللللللللللللله
وهذا خط الرحله من جده لدبي
طبعا انصح جميع الشباب بالمقاعد الاخيره فالطياره
انا ماحددت مقعدي بنفسي هم حددوه ليا من المطار حق جده وقص لي 2 بوردينق واحد حق دبي وواحد حق ملبورن
وحطني فالاول فالمقعد G36 والثاني الي على ملبورن حطني في 48D
طبعا ليش المقاعد الاخير لانه بعض المرات الطياره ماتمتلي ركاب ويصير مقعد او مقعدين جنبك فاضيه وتتمدد وتنام براحتك
المهم وصلنا على دبي تقريبا الساعه 11 و25 دقيقه بتوقيتنا يعني الساعه 12 و25 دقيقه بتوقيت دبي
انا بصراحه كنت ناوي اصور لكم المطار للي ماشافه قبل كذا بس ماقدرت مو عشان شي
عشان اصلا طول الوقت وانا قاعد اتأمل الابداع والتطور
وكيف اني خرجت من زريبه لجنه بمعني الكلمه
يعني كلكم راح تلاحظون يالي مسافرين من جده وراح تشوفون الفرق بين المطارين الدوليين كالفرق بين السماء والارض
وبوابتي الي اطلع منها على ملبورن كانت رقم اربعين والطياره الي جابتنا على دبي حطتنا عند بوابة رقم 6 يعني لفيت مطار دبي من اوله الى اخره والصراحه إبدااااااااااااااااااااااااع
وبعدين صعبه احرق عليكم الي شفته لانه فله بصراحه وقلت يالله زي ما انا فليت خلي الشعب يفل
ملاحظه : تفاديا للوقوع فالحرام ترى عندهم وجبات لحم خنزير ودجاج وسمك
انا على حظي الدجاج خلص بس انا ما ابغى لحم خنزير واضطريت اطلب السمك بس ما اكلت الا البطاطس الي جنب السمك واكلت كمان الحلى الي هي كيكة شوكولاته
المهم بعد التمشيه الراااااااااااائعه فمطار دبي رحت للبوابه رقم 40 وكانت ترانزيت دبي – سنغافوره – مليبورن(ارض الاحلام)
طبعا وقوفي في سنغافوره كان لمدة تقريبا ساعه عشان يتغيرون المضيفين وينظفون الطياره
وعشان كذا نزلت في مطار سغفافوره بس مادخلت المطار لانه لازم يختملي على الجواز وشغلانه لذلك قعدت في صالة الانتظار وكانت منظمة ونظيفه والوقت فسنغافوره كان 4 العصر وغيوم ومطرت قبل نجي لان الارض كلها مبلله
على طاري الارض كل الي شفته بسنغافوره كان اخضر بأخضر ماشاء الله بس ماقدرت اصور برى لان القزاز كان مغطي على الصوره
وحصلت انترنت فري بس ماقدرت استخدمه لان كان عنده زحمه حبتين والناس خلاص طلعت على الطياره
طبعا الرحله من دبي الى ملبورن تقريبا 14 ساعه طيران وبالنص يعني 7 ساعات من دبي لسنغافوره و7 ساعات من سنغافوره لملبورن
وعجبتني الرحله كذا لانه حركت رجولي شويتين بعد 7 ساعات جلوس فالطياره وحسيت اني وقفت
المهم لو بتروح دايركت من دبي لملبورن بتاخذ الرحله 13 ساعه طيران بس احسها كثيره جدا
عموما الخطوط الاماراتيه جميله جدا وخدمتهم روعه روعه روعه
المهم عبيت الكرت قبل وصولنا لملبورن بساعه تقريبا
وماكان فيه شي يذكر الاسم ورقم الجواز واسأله كلها كان جوابها لا وايش الغرض من حضورك لاستراليا وتأشر على الدراسه
يعني ماكان شي عادي الوضع
المهم نزلنا من الطياره على الجوازات علطول
ولو ماتعرف تقرأ او تتكلم انجليزي خليك ماشي مع الشعب الي نزلوا معاك من الطياره هما راح ياخذوك على الجوزات والعفش والخروج من المطار
طبعا ملاحظه صوغننه : فمطار دبي لمن وصلت للبوابه 40 حقتي اخذوا مني العطر والبودي اسبرى عشان ممنوع تطلعها على الطياره وعبوها لي في كرتون صغير وقالوا تاخذها من مطار ملبورن
وبالفعل لمن جيت فيه مكان جنب العفش مباشرة تاخذ منه الكراتين هذي
بعد خروجي من المطار طلعت علطول برى لقيت صف تكاسي وطبعا عندهم نظام يعني كل تكسي ماسك دوره لان ماعندهم لااسعار مختلفه والتكاسي تكاسر عليك لا عادي تركب التاكسي ويشغل لك العداد
طبعا انا المشوار اخذ مني 48 دولار يعني مو كثير الحمد لله
وانا كنت عارف العنوان مزبوط وكاتبه عندي فالجوال ولمن وصلت وريته السواق حق التاكسي ووداني الين السكن علطول
الحمد لله بعد 22 ساعه من مطار الملك عبدالعزيز الدولي بجده الى مطار ملبورن باستراليا وصلت وحسيت اني متحمس لذلك مانمت
بس مافي شي اسويه لان الحين الساعه 2 و40 دقيقه هنا وطفش لزالك قاعد اكتبلكم التقرير
اليوم الثاني
رحت للمعهد وقالولي تعال يوم 21 جون وترى معاك شباب كثير من السعوديه
طبعا الحضور يكون الساعه 9 الا ربع بتوقيتنا هنا فملبورن
المهم الجو هنا برد ويبغالك ملابس ثقيله وانا اشتريت دفايه بـ 34 دولار مو كبيره يعني كويس تدفي القريب منها
وكل شي هنا غالي كل شي
انا لقيت ساندويتش الفلافل الي هو الطعميه بـ8 دولار يعني تقريبا 24 ريال
الله يعز بلدنا ياشيخ
المهم انا ارفقت بعض الصور واعذروني على التنظيم لاني كتبت موضوع طويل عريض ولمن جيت ارسل النت فصل ولمن رجعت لقيته اتمسح
قهر صح ههههههههه
المهم ماني فاكر كل شي كتبته قبل شوي
على فكره انا جاتني دععععععععسه حضاريه(صدمه حضاريه)
يعني البنايات والجو والتنظيم زي كأني في فلم امريكي يعني بصراحه الـ life style او طريقة المعيشه شي خيالي جدا جدا 
وانا اقولكم الى الان عايش دععععععععسه حضاريه غير مسبوقه لاني اول مره اخرج برى البلد بس الحمد لله انا عايش ومبسوط بس جيعااااااااااااااااااااااااان لاني مالقيت أي شي اكله اليوم كله الا على نهاية اليوم لقيت لي مطعم لبناني يبيع شاورما وفلافل والفلافل بـ8 دولار ونص بس زي ماقلتلكم بس وقتها كنت شبعان لاني اكلت كوروسون فالصبح وبطاطس فالظهر تسألوني ليش جيعان وما اكلت لان المطاعم هنا اغلبها تبيع لحم خنزير والدجاج مايكون مذبوح ذبح اسلامي والسمك اذا ماكان مشوي او مقلي بالزيت ما اقرب منه المهم اخذت لي كورن فليكس وحليب قلت عشان لو دخت فالليل اسويلي حاجه تصبرني الين الصبح ابحاول ان شاء الله اسوي تقرير خلال اليومين الجايه واصور صور ثانيه
والي يبغاني اصور له أي شي قريب فالمنطقه يقولي
مع اني وعدت اصور لناس بعض الاشياء عموما انا صار لي يوم واحد بس وما اعرف المنطقه زين
لكن اعطوني يومين واجيب لكم صور حلوه
اخوكم من قلب الحدث
عبدالعزيز المالكي
ولاية فكتوريا
ملبورن
شارع جف كوت
بجانب مطعم سهر الليالي
LinkBack URL
About LinkBacks
June 15th, 2007, 07:21 PM
/\
\/
\
/
بس اعذروني على التخبيص وعدم التنسيق
لاني كتبت موضوع طويل عريض اخذ مني ساعتين
وفالنهايه فصل النت وراحت الصفحه قبل يرسل
وماقدرت ارجع للصفحه وما حفظت الكلام الي كتبته
راح ابدا معكم من مطارنا العزيز مطار جده الدولي
طبعا وبدون شك مطار جده الدولي من اضخم واحدث المطارات فالعالم
وعشان كذا نزلت في مطار سغفافوره بس مادخلت المطار لانه لازم يختملي على الجواز وشغلانه لذلك قعدت في صالة الانتظار وكانت منظمة ونظيفه والوقت فسنغافوره كان 4 العصر وغيوم ومطرت قبل نجي لان الارض كلها مبلله
وبالفعل لمن جيت فيه مكان جنب العفش مباشرة تاخذ منه الكراتين هذي
طبعا الحضور يكون الساعه 9 الا ربع بتوقيتنا هنا فملبورن
وكل شي هنا غالي كل شي
الله يعز بلدنا ياشيخ
قهر صح ههههههههه
يعني بصراحه الـ life style او طريقة المعيشه
شي خيالي جدا جدا
وانا اقولكم الى الان عايش دععععععععسه حضاريه غير مسبوقه
لاني اول مره اخرج برى البلد
بس الحمد لله انا عايش ومبسوط بس جيعااااااااااااااااااااااااان
لاني مالقيت أي شي اكله اليوم كله الا على نهاية اليوم لقيت لي مطعم لبناني
يبيع شاورما وفلافل والفلافل بـ8 دولار ونص
بس زي ماقلتلكم بس وقتها كنت شبعان لاني اكلت كوروسون فالصبح وبطاطس فالظهر
تسألوني ليش جيعان وما اكلت
لان المطاعم هنا اغلبها تبيع لحم خنزير والدجاج مايكون مذبوح ذبح اسلامي
والسمك اذا ماكان مشوي او مقلي بالزيت ما اقرب منه
المهم اخذت لي كورن فليكس وحليب قلت عشان لو دخت فالليل اسويلي حاجه تصبرني الين الصبح
عبدالعزيز المالكي
ولاية فكتوريا
ملبورن
شارع جف كوت
بجانب مطعم سهر الليالي