حركه بسيطه ومهمه للي بيسافرون

June 16th, 2007, 05:50 PM

السلام عليكم
انا ودي اعلمكم عن حركه قلت انها بسيطه ومهمه في نفس الوقت لانها تخليك ما تنسى شي بأذن الله
يمكن تقون قديمه ومعروفه بس يجهلها بعض الناس
والطريقه هي:
امسك لك ورقه واكتب فيها كل شي تحتاجه سواء مهم او غير مهم.
مثلا انا كتبت:
ملابس (بناطيل - جاكيتات -بلوفرات -.... الخ)
اغراض للدراسه(كتب - دفاتر -اقلام-......الخ)
اجهزه الكترونيه (كمبيوتر - جوال -دكشنري-كاميرا -ماكينة حلاقه -حاسبه-....الخ)
**ولا تنسى الشواحن**
كماليات **يمكن ما تحتاجها بس تمشي نفسك اول الايام** (صابون -شامبو -عطورات-...الخ)
اغراض مهمه في المطار (الجواز - التذاكر-قلم)
اوراق مهمه ( اوراق الابتعاث - نماذج الملحقيه**اطبعها من هنا احسن لك**-اوراق السكن واشياء كثيييييييييره)

بطاقات(بطاقات الصراف والبطاقات الإئتمانية -كاااااااااش-شيكات سياحيه-رخصه دوليه او سعوديه مترجمه.

واي شي يطري عليك ضفه للورقه

بالنسبه لي انا صورت الورقه مرتين
الاولى استعملها كل ما شريت شي او حصلته موجود عندي شطبت عليه من الورقه عشان اتأكد اني خلصت كل شي

والثانيه بستعملها قبل ما اروح للمطار -بإذن الله- يعني اسوي تشييك نهائي واتأكد ان كل اغراضي معي وما نسيت شي في البيت.

اتمنى اني افدتكم
وانا ما كتبت هالموضوع الا لاني مريت بمشكله قبل سنتين
يوم وصلت هناك اكتشفت اني نسيت اشياء كثيره وكنت محتاج لها

• نشر عبر تويتر
• نشر عبر فيسبوك
• نشر عبر جوجل