ادخل وتكلم عن تجربتك في السكن.........بغبت تفاعل من الجميع!!!!

السلام عليكم ورحمة الله وبركاته

اخوي انا ماقد سكنت عند عائله قبل كذا بس اصحابي كثير ساكنين عند عوائل

شوف بصراحه الغالبيه متقبلين الوضع

يعني ما اقولك مبسوطين ولا اقولك انهم كارهين الوضع بس هم متقبلينه عشانهم متغربين

حلاوة السكن مع عائله ان غالبية امورك مرتبه وفوق هذا الواحد يتعلم لغه

بالنسبه للأكل يحق لك تشترط على المعهد او المكتب الي بينسق لك السكن
تقدر تشترط عليهم الاكل الحلال وتشترط عليهم ان يكون فيه حمام مستقل محد يشارك فيه

لكن بعض العوائل وهم مايسمون عوائل بعضهم يستغلون الوضع يعني
تجيك وحده عجوز عمرها 70 سنه وساكنه فبيت 6 غرف وتعيش فغرفه وتقلب الباقي
فندق للطلاب الاجانب هو الوضع حلو مو بطال بس وين العائله الي انت ساكن وبتتعلم منها مافي

عندي واحد ثاني من اصحابي ساكن عند ناس طيبين وله غرفه وحمام مستقل فيه
العائله مكونه من اب وام وولدهم عمره 10 سنوات تقريبا
وهو طول الوقت يلعب مع الولد بلايستيشن هههههههه بس يستفيد ويتعلم لغه
فوق هذا العائله عارفه انه مسلم ومقدره الشي هذا وماتطبخ له الا الحلال

المسأله توفيق من رب العالمين وبعض الشباب يجي فعائله مو زينه ويجلس عندهم
شهر وفخلال هالشهر يسأل الشباب القدامى اذا كانوا جربوا عائله زينه قبل كذا وينقل عندهم

هذا الي قدرت اساعدك فيه اخوي واعذرني على التقصير

بالتوفيق