مبتعث مميز Characteristical Member
نيوزيلندا
أعقلها وتوكل , ذكر. مبتعث مميز Characteristical Member. من السعودية
, مبتعث فى نيوزيلندا
, تخصصى Mechanical engineering
, بجامعة Auckland university of technology
- Auckland university of technology
- Mechanical engineering
- ذكر
- Auckland, Auckland
- السعودية
- Jul 2007
المزيدl August 2nd, 2007, 01:52 PM
August 2nd, 2007, 01:52 PM
السلام عليكم حبايب قلبي , عساكم بخير ان شاء الله حبايبي انا ان شاء الله رحلتي على Catha Pacific على الخطوط هونغ كونغ , بصراحه انا حاس انهم مو ثقه :050103hm_prv: والرحله يعني مو بسيطه , عشرين ساعه فوق السماء , من الرياض على هونغ كونغ عشر ساعات .. ومن هونغ كونغ على اوكلاند تقريباً عشر ساعات وثلث زي ماقال لي المكتب , وبصراحه عاد انا خواف اكرهه شئ اسمه مطبات هوائيه .. وفيه شباب يقولون لي والله ياشيخ ان تشوف الموت بعينك وتتمنى تطيح من الطياره ولكن ماراح تقدر .. يقول لما تمرون على سنغافورا واندونيسيا والديار هذيك بتجيكم مطبات هوائيه حاده يقول لي يمكن نص الطياره يطيح , انا قلت يمكن خويي هذا يبي يستهبل علي عشاني اخاف من الطيارات والله ياخوان اني مره من المرات وانا على طياره من جده على الرياض .. والطياره تدور تبي تتوجه عشان الاقلاع احس المحرك عطلان فيه صوت مو طبيعي , ويوم اقلعنا الله لايوريكم بعد الاقلاع بنص ساعه وربي جتنا هزه مو طبيعيه حسيت اني ابموت ياشيخ , وربي قعدت اتشهد وحالتي حاله والحريم يصارخون ويبكون بس الحمد الله هبطنا بالسلامه , عاد وهذي خطوط سعوديه وأفضل خطوط بالشرق الأوسط الاحصائيه اللي من سنتين طلعت السعوديه الاولى في أفضل خطوط .. أجل وشلون اركب فوق خطوط هونغ كونغ وربي احس ان حنا بنجيب العيد امانه ياخوان اللي يعرف لهذي الخطوط يقول لنا ترا حنا مو ناقصين وربي ترا مو بايعين ارواحنا ياخوان اللي بيطب فيذا الموضوع ويقول معلومه ياليت بدون ارجاف لان انا مو ناقص بصراحه وانا رحلتي قربت يعني مو ناقص ارجاف ورعب اللي عندي ترا ماقصروا اخوياي كل يوم يهبلون فيني اللي يقول سلم علينا ترا يمكن مانشوفك مره ثانيه والثاني يقول تعال واكتب في ورقه كل شئ تبيه بعد ماتروح واشياء الله لايوريكم وربي احس اني ابركب الطياره ومعي الكفن حقي أسأل مجرب ولا تسأل حكيم ............وابو عزه جاب الخبر اليقين .......وتوصل بالسلامة
أبو أسامة العلي August 2nd, 2007, 02:38 PM
7 " ههههههههههههههههههههههههههههههههههههه
قوة قلبك انا عارف الخوف من الطيارة وخاصة ان الطيارة من مدينة الى مدينة تخوف فما بالك
وهي مدتها 2ساعتين فما بالك بالـ20 ساعة
بس نصيحة اشتر حبوب منومه وخذ حبتين وتصحا بالمكان الي تريد ولك شكري والتوفيق
البرتكول August 2nd, 2007, 03:32 PM
7 " وين يالحبيب اخذ حبوب منومه .. طيب خذينا حبوب منومه اوكي بس اخاف نوصل الديره وانا على متن الطياره نايم وشلون بالله اقوم ؟ يعني يطلعوني من الطياره سحب من خشتي ؟؟ ابي افهم
ياخوان والله الواحد مايتحمل نص ساعه على الطياره فما بالك بعشرين ساعه وربي حالتي مزريه .. وبعدين ترا مهب ثقه الصينيين تراهم زلايب ههههههههه احساسي والله بينكبوننا ويكبون عشانا
وبعدين ياعبدالعزيز الحين الوسكي هذا اللي تقول عنه يمر من قدامي .. يمدي اي واحد ياخذ منه ولا ممنوع يعني اذا نزل من الطياره بيقولون يعني للشخص اللي اخذ وسكي بيقولون له ادفع حق الوسكي ,, عاد تعرف الوسكي غالي
ترا لاحد يفهم غلط .. بس هذي مجرد اسئله يعني .. يعني الواحد اللي يخاف من الطياره الضاهر يشربونه وسكي يسكر وهو بالطياره عشان مايحس بالخوف .. مو مثل الاخ يقول اكل لك حبوب منومه ولا تدري متى بتقوم ولا بعد يمكن تطيح الطياره وانت نايم .. اصير زي المخفه
أعقلها وتوكل August 2nd, 2007, 04:32 PM
7 " الوسكي مجانا
انت في طياره احفظ نفسك و انا عارف انك ما ينخاف عليك عاقل
aboليان August 2nd, 2007, 04:48 PM
7 " اقول ...
الولد يبي الوسكي عشان ينسى المطبات الهوائية ههههههههههههه
ياخوي , اشرب لك ديو , "أوي ألبك"
وواجه الموت بشجاعة , مت رجلا شجاعا , ولا تصارخ اذا طاحت الطيارة
يقول الشاعر :
ومن لم يمت بالسيف مات بغيره
تعددت الاسباب والموت واحد
وما طار طير وارتفع الا كما طار وقع
هههههههههه سوري سوري , امزح وياك والله امزح
ياخوي ولا يهمك , الخطوط الجوية هي "أأمن" وسيلة نقل على الاطلاق
تشير الدراسات الى ذلك
يعني انت ما تركب سيارة ؟؟
تصدق انك تركب اخطر وسيلة نقل وانت لا تدري
اخوي اسهر يومين قبل الرحلة , وارقد وما بتحس بشيء ..
موفق وتراني امزح وياك
هامش:
افففففف .. هذا الي انا افكر فيه ... المطبات الهوائية
هداك الله , كنت خايف وجيت انت خوفتني زيادة ههههه
The_Coder August 2nd, 2007, 06:09 PM
7 " يارجااال لا يكلف الله نفسا الا وسعها
وكمان يقول المثل "لا داعي للخوف من صوت الرصاص , فالرصاصة التي تقتلك لا تسمعها "
انا باجلس 16 ساعة في الجو , والشكوة لله
ووووو
الله يعينك , ولا تخف ولا تحزن واصبر واحتسب
The_Coder August 2nd, 2007, 06:45 PM
7 " اخي الكريم ........... توكل على الله واذكر دعاء السفر واقرأ سورة قريش لاني سمعت ان لها فضل عظيم خاصة اذا كنت خائف من المكان الي قدامك
توكل على الله يا رجال واتركك من الوسكي والحبوب المنومه واستبدالهم بمصحف شريف يكون رفيقك في رحلتك وكل ما حسيت انك خائف اذكر الله وسبح واستغفر
وخلى هذه الرحلة فرصة انك تكسب حسنات ووالله عن تجربة ( ما احب السفر الطويل ) ان الطريق راح يكون اسهل منها ما فيه ,,,,,,,,,,,,,,,, هذه نصيحة مجربتها
وبعدين الله يهدي ربعك ............. الظاهر يحبون يمزحون عليك
اه وبعدين لا تنسى انتبه على عشاءك انا واختك لاتخلي الصينين ياكلونه ... يعني تعشى وبعدين نام
والله يسرك لك سفرك ويطوي عنك طول المسافة
انه سميع مجيب الدعاء
RodeaNa August 2nd, 2007, 07:11 PM
7 "
August 2nd, 2007, 01:52 PM
السلام عليكم حبايب قلبي , عساكم بخير ان شاء اللهحبايبي انا ان شاء الله رحلتي على Catha Pacific على الخطوط هونغ كونغ , بصراحه انا حاس انهم مو ثقه :050103hm_prv: والرحله يعني مو بسيطه , عشرين ساعه فوق السماء , من الرياض على هونغ كونغ عشر ساعات .. ومن هونغ كونغ على اوكلاند تقريباً عشر ساعات وثلث زي ماقال لي المكتب , وبصراحه عاد انا خواف اكرهه شئ اسمه مطبات هوائيه .. وفيه شباب يقولون لي والله ياشيخ ان تشوف الموت بعينك وتتمنى تطيح من الطياره ولكن ماراح تقدر .. يقول لما تمرون على سنغافورا واندونيسيا والديار هذيك بتجيكم مطبات هوائيه حاده يقول لي يمكن نص الطياره يطيح , انا قلت يمكن خويي هذا يبي يستهبل علي عشاني اخاف من الطيارات
والله ياخوان اني مره من المرات وانا على طياره من جده على الرياض .. والطياره تدور تبي تتوجه عشان الاقلاع احس المحرك عطلان فيه صوت مو طبيعي , ويوم اقلعنا الله لايوريكم بعد الاقلاع بنص ساعه وربي جتنا هزه مو طبيعيه حسيت اني ابموت ياشيخ , وربي قعدت اتشهد وحالتي حاله والحريم يصارخون ويبكون بس الحمد الله هبطنا بالسلامه , عاد وهذي خطوط سعوديه وأفضل خطوط بالشرق الأوسط الاحصائيه اللي من سنتين طلعت السعوديه الاولى في أفضل خطوط .. أجل وشلون اركب فوق خطوط هونغ كونغ وربي احس ان حنا بنجيب العيد
امانه ياخوان اللي يعرف لهذي الخطوط يقول لنا ترا حنا مو ناقصين وربي ترا مو بايعين ارواحنا
ياخوان اللي بيطب فيذا الموضوع ويقول معلومه ياليت بدون ارجاف لان انا مو ناقص بصراحه وانا رحلتي قربت يعني مو ناقص ارجاف ورعب اللي عندي ترا ماقصروا اخوياي كل يوم يهبلون فيني اللي يقول سلم علينا ترا يمكن مانشوفك مره ثانيه والثاني يقول تعال واكتب في ورقه كل شئ تبيه بعد ماتروح واشياء الله لايوريكم وربي احس اني ابركب الطياره ومعي الكفن حقي