ســــــاعدونـي بليــــز

الجوري شوي شوي هدي بالك .. رتبي اسئلتك عشان الواحد يقدر يجاوبك الله يصلحك .. بهذي الطريقه اللي بيجاوب عليك يبيله دفتر عشان يكتب فيها الأجوبه بتصير حووسه .. حاولي تسئلين اسئله وتكون مرقمه ومرتبه عشان الواحد يقدر يساعدك .. رتبي اسئلتك واطريحها فيذا الموضوع وان شاء الله وانا اخوك محد مقصر معك وانا اولهم

تقبلي مروري

صحيح كلامك هدي ورتبيي الاسئلة
والي اقدر افيدك فية بالنسبة للتصديق الشهادة تكون من طرفين الاول المكتب للترجمة ثم ادراة
التربية والتعليم
واسف الاسئلة الثانية يبيلها بحث وانشاء الله افيدك ابحث لك وارسلها لك بالايميل
ولكي تحياتي............................................ ......!!!!!!!!!!!!!!!!!!!!!!!!!!!!!!!!!!

هههههههههه أخـــوي

<<<<<<<<<< تضحك من الإحـــراج


ام سو سوري...معلش....خلاص بنهدي.....بس لأني كنت منفعله ههههههههه

يالله نبدأ ....

بعيد طرح الأسئـــله بهدووووء وبالتقطيع.....بس انتو اللي دخلتو موضوعي وقلتو بتساعدوني

ابتلـــشو فيني

<<<<<< الأخــت مسويه نفسها ميانه


المهم...


المستندات المطلوبه ( حلوه مستندات )..علشان نوديها الجامعه او مكتب القبول



وثيقــة التخرج ( دبلوم )

شهادة حسن السيره والسلوك

شهادة الامتياز ( صوره مصدقه لأن الأصل عن مقر شغلي وصعبه اخذها )

شهاده الدرجات( للسنتين )

السجل الاكاديمي

وفي حاجه اسمها شرح المواد اللي درستها بالانجليزي بس مافهمت وش يعنون ..

اوراق توصيه

السيره الذاتيه


طيب الأسئـــله...

1- الاوراق هــذي...لازم تكون مصدقه....من وين؟

2- الاخ الفاضل قال من المكتب بعدين وزارة التربيه والتعليم...بس انا شهادتي دبلوم تمريض ومتخرجه من معهد صحي حكومي...ارجع للمعهد؟؟

3- التوصيات...في احد عنده نماذج عن التوصيات...او يعطيني فكره كيف تكون .؟






يتبعــ ........

والله يا اخت جوري حبيت اساعدك لكن انتي تحتاجي معقب للمعاملات حقتيك هذي وتحتاجي كمان موظف من كل وزاره في الدوله عشان يجاوب على الاستفسار الخاص بوزارة ماشاءالله عليك جمعتي كل الوزارة الي بالدوله في اسئلتك التعليم العالي والصحه والخارجيه حتى مكاتب الترجمه لازم يرسلون شخص عشان يجاوب برضه .....

لكن بخصوص صورة مصدقه مو مشكله كانت مصدقه او صوره عاديه والافضل عشان مايروح تعبت بلاش افضل انك تصدقيه لاسوء الضروف
بخصوص التوصيات في نماذج جاهزه موجوده بالانجليزي تعدلين الاسم والتخصص وتطبعيها وممكن بعض الدكاتره يكون عندهم توصيات جاهزه ومكتوبه بس يطبعونها ويعطوك هيا
بخصوص تصدقينها من المكتب وبعدين تصدقينها من الجهه الي تابع لها المعهد غالبا يكون الموسسة العامه للتعليم الفني والتدريب المهني ولا وزارة الصحه ... المهم تصدقيها من الجهه الي يتبع لها المعهد وسلامتك ...
اما بخصوص تعديل الاسم لابد ان يكون الاسم مطابق للشهادات والاوراق والجواز ... وهذي في صالحك انك تعدليها اما انك تعدلين الاوراق او تعدلين الجواز وشوفي انتي اية فيهم اسهل عليم
وترى الموضوع بسيط لا تشيلين هم رتبي امورك وحبه حبه تخلصين

السلام عليكم
هلا بك ومنوره المنتدى
قبل كل شيء الشباب الله يعطيهم العافية ماقصرو وحاولو يساعدوك وطبعا هم تابعين لوزارة التعليم العالي يعني ماعندهم خلفية عن اجرااءات وزارة الصحة لكن

اسمعيني:

اولا اكتبي خطاب الى رئيسك المباشر وهو طبعا بصفته اذا وافق يرفعها للشؤون الصحية0

ثانياالشؤون الصحية تدرس الطلب وترفعها لوزارة الصحة

ثالثا اذا وافقت الوزارة على طلبك يتم ارسالك الى ادارة برامج الابتعاث في (عليشة)

رابعا تجتمع لجنة وعلى ضوئها يتم فرز المستحقين لدخول اختبار الانقلش في معهد الادارة
خامسا ان شاء الله لو توفقتي باجتياز الانقلش

سادسا ترسل اوراقك الى وزارة الخدمة المدنية لحجز رقم لو ظيفتك عندما ترجعين بشهادة البكالريوس

سابعا ترسل اوراقك الى وزارة التعليم العالي للحصول على قبول من جامعة معتمدة وترفقين ضمن المبتعثين

اخيرا اي خدمة لك اختي العزيزة انا موجود والحين متواجد باستراليا وتخصصي طبي0الله يوفقك ويوفق الجميع لمايحب ويرضى

وهذا ايميلي mo7md220@hotmail.com

(بالنسبة لأي اجراءات لمعاملة بوزارة الصحة بكل تواضع انا ملم بأنظمتها ولي خلفية تامة بالاشخاص المسؤولين بالوزارة والابتعاث)

انشاء الله يكون يفيدك الاخ محمد
وتقبلي تحياتي