السلام عليكم ورحمة الله وبركاته
حياك الله اخوي حسان
معليش تأخرنا عليك فالرد
وعايد ماقصر الله يعطيه العافيه
عموما بالنسبه لمدينة ملبورن
1- السكن في أستراليا : كم يتراوح السكن في أستراليا تقريباً في مقاطعتك؟ السكن ياسيدي يختلف من وسط المدينه عن خارج المدينه
فيه جامعات بوسط المدينه وفيه جامعات برى
عموما السكن وسط المدينه تقدر تلقى غرفتين وصاله ومطبخ وحمام بـ 350 الى 600 دولار فالاسبوع
والسكن خارج المدينه تلقى 4 غرف بحمامين وصاله وقراج للسياره بـ 310 او 350 دولار فالاسبوع
2- المعيشه اليوميه : المستلزمات اليوميه لطالب : شخصيه . مستلزمات الجامعه . مستلزمات المواصلات . الأتصال بالأهل؟ حدد ليا سعر( وهل المكافأة تغطي هذه المصاريف )؟ شوف اخوي انا عزوبي وصرفيتي اليوميه تقريبا من 10 دولار الى 30 دولار ماتزيد
ولا توصل 30 الا اذا كان فيه عشوه محترمه بمطعم فخم
المواصلات تذكره وحده زي ماقال عايد
وسعرها بالشهر تقريبا 100 دولار وتركب فيها اي شي يمشي (قطار - ترام - باصات) ماعادا التاكسي
الاتصال بالاهل بالجوال انا معاي شريح أوبتس(وحده من شركات الاتصال الكثيره هنا)
واذا شحنت بـ 50 دولار يعطونك فوقها 300 دولار مجانا
تكلم الاهل تقريبا ساعه بالجوال
وفيه مثل ماقال عايد بطاقة اتصال وتختلف من بطاقه لبطاقه انا بصراحه ماجربت
بس هي تقريبا مثل ماقال عايد 10 دولار تكلم فيها ساعه وشوي
3- التعاون بين المبتعثين : هل الطلاب المبتعثين متعاونين في بلاد الغربه؟ هذي ابدا لاتسأل فيها
المدن الاستراليه غالبيتها فيها نوادي سعوديين ويساعدونك من دون ماتطلب منهم
ومن الانجازات الي سووها هالرجال ان بعض المدن فتحوا فيها فصول خاصه لتعليم زوجاتهم
واخواتهم الانجليزي وهي فصول نسائيه فقط
ولو تدور فالمنتدى راح تحصل انهم في مدينة برزبن فاتحين كليه لتعليم الانجليزي بس للبنات
شفت انهم رجال
4- التعليم الجامعي : كيف تقيم التعليم الجامعي هناك وهل في عنصريه ضد العرب ؟ اصحابي كثير ودكاترتهم جدا متواضعين وكل الطلاب سواسيه
هنا فملبورن كثيييييييير طلاب اجانب ومافي عنصريه ابدا والحمد لله
6- معاهد اللغه : ما تقيمك لمعاهد مقاطعتك لتعليم اللغه لغير الناطقين بها؟ المعاهد جدا متميزه وكل معهد له مايميزه عن الاخر
كل معهد يعتمد استراتيجيه فالتدريس
بعض الجامعات لاتطلب اختبار التوفل او الايلتس
وبمجرد ماتخلص من معهد اللغه التابع للجامعه تستطيع الإلتحاق بالجامعه
7- الملحقيه : كيف تعامل الملحقيه مع المبتعث هل هناك تعاون مع الطالب والنظر في همومه ومشاكله؟ تعامل اكثر من رائع
تنظيم ودقه حتى في صرف المكافأت الحمد لله
8- ممارسة العباده : هل هناك حرية في ممارسة العباده في الجامعه ... الخ؟
جداً جداً مصلى خاص وإذا كان عندك كلاس وقت صلاة الجمعة تطلع عادي
ماراح ازيد على كلام عايد شي كفى ووفى يعطيه العافيه
بالتوفيق لك اخوي واعذرنا على التأخر مره ثانيه
August 2nd, 2007, 05:00 PM
السلام عليكم ورحمة الله وبركاتهأخواني الطلاب المبتعثين إلى أستراليا من واقع تجربتكم في بلاد الغربه وخاصه في أستراليا
نريد أن نعرف من واقع خبرتكم عن بعض الأمور هناك وسوف أطرحها على شكل نقاط
1- السكن في أستراليا : كم يتراوح السكن في أستراليا تقريباً في مقاطعتك؟
2- المعيشه اليوميه : المستلزمات اليوميه لطالب : شخصيه . مستلزمات الجامعه . مستلزمات المواصلات . الأتصال بالأهل؟ حدد ليا سعر( وهل المكافأة تغطي هذه المصاريف )؟
3- التعاون بين المبتعثين : هل الطلاب المبتعثين متعاونين في بلاد الغربه؟
4- التعليم الجامعي : كيف تقيم التعليم الجامعي هناك وهل في عنصريه ضد العرب ؟
6- معاهد اللغه : ما تقيمك لمعاهد مقاطعتك لتعليم اللغه لغير الناطقين بها؟
7- الملحقيه : كيف تعامل الملحقيه مع المبتعث هل هناك تعاون مع الطالب والنظر في همومه ومشاكله؟
8- ممارسة العباده : هل هناك حرية في ممارسة العباده في الجامعه ... الخ؟
وتقبلو تحياتي : يريد الأبتعاث إلى أستراليا ولكن هناك أساله تقلقني . ياريت تجاوبوني عليهاا