قصه للعبرة مع موظف IPD الحاسد النصاب + سؤال

December 21st, 2010, 11:17 PM

السلام عليكم ورحمة الله وبركاته

بصراحه انا كنت على طول بسالكم سؤال لكن حبيت انقلكم تجربه حصلت معي اثناء تقدمي لمكتب IDP في الرياض ايام ماكانوا في حي الملز وراح اختصرلكم الحكايه وبعدها بسالكم سؤال ياليت تجاوبوني

طبعا لكل شخص منا هدف لكن تعلمت صراحه مهما تعب الواحد على نفسه عشان يحقق الهدف هذا لابد انه يتوقع الفشل في تحقيق هذا الهدف عشان لايصدم في الاخير ويحبط يعني المسأله قضاء وقدر
انا موظف في وزارة الصحه قدمت اوراقي وكانت اول خطوه لقبول اوراقي اني اجيب قبول وبالسؤال الاخوان والاصدقاء ذكرولي مكتب IDP ورحتهم اركض في الملز وللاسف قابلت شخص مصري اسمه وليد وعدني انه راح يجيب القبول بس ناقص بعض الاجرائات وهي عشان اختصر الموضوع جلست 3 اسابيع عشان اكملها بعدها قالي القبول راح ياخذ وقت من شهرين الى ثلاثه قلت اوك خلاص وجالس انتضر هالشهرين والثلاثه وعدت وباقي ماوصل شي في كل فتره اتصل يكون تعامله ممتاز ولطيف لكن يقول ماوصل القبول راح اربع اشهر حسيت الموضوع مو طبيعي وحادثت احد الاصدقاء تعرفت عليه بالصدفه طلع طالب في استراليا قالي يااخي القبول اقصى مده ياخذ 3 اسابيع رحت للمصري وقلتله قال لا ومسحيل ومعرفش ياباشا ومن كلامهم الرخيص هذا لكن احنا السعوديين على نياتنا صدقته المهم بعد هالاربع اشهر طنشته وجابلي احد الاخوان في استراليا قبول خلال 3 ايام فقط وانتهت حلقة القبول اني طنشتهم ومعد رجعتهم وبعد اجرائات طويله توفقت الحمدلله وقبلت في الابتعاث والان الاسبوع الماضي قاعد اقدم على الفيزا الاستراليه تركت مكتب IDP طنشتهم وسبحان الله شوفوا كيف ساقني القدر رحت مكتب الوكالات الاستراليه ماحصلت الموظف حق الفيز الاستراليه
رحت مكتب اي جيكس اظن اسمه كذا ونفس الطريقه ماخذ اجازه ورحت عدة مكاتب مريتهم ايام القبول وماعرفوا يقدموا اونلاين بعضهم والبعض يقول امريكا وبريطانيا بس وانا رجل مستعجل دراستي راح تبدى اول يناير لقيت نفسي مظطر قلت خل امر مكتب IDP ورحتلهم فعلا بعد ماعرفت انهم انتقلوا للعليا وقابلت شخص اسمر اريتيري اتوقع ودار بينا الحديث وسالني قبولك احنا جبناه لك او انت جبته لان لو هم راح يعملولي تخفيض اتوقع قلت لا انا جبته انتم عجزتوا جلستوا اشهر وماوصلني منكم شي قالي عند مين قدمت وملامح وجهه متغيره قلتله عند وليد المصري قال مو انت اول واحد كثيييير مثلك ولسه راح يجي كثير منه لان هذا المصري استقال من العمل قبل فتره ومن بعد مااستقال تقريبا كل يوم يدخل علينا 20 شاب سعودي كان معطلهم في الدراسه بعضهم بالفيزا وبعضهم بالقبول
ودار بيني وبينه حديث طويل عن النصاب هذا مافي داعي اني اقوله لاني طولت بالقصه لكن بصراحه ذكرت القصه الطويله هذي للفائده
نصيحة اخ محب قد ماتقدر ابعد عن المكاتب هذي انا يشهد الله حاولت بنفسي استخرج الفيزا واستخرج القبول بس ماعرفت عشان كذا توجهت لهم يعني في احلك الظروف اختار المكتب ولاتصير عاطفي مع الموظف الي يستلم اوراقك خاصه الاشخاص الي من جنسية الشخص هذا النصاب واسف على الاطاله بس عندي سؤال اتمنى تجاوبوني عليه

انا سويت فحص في مركز الورود الطبي قبل استخراج الفيزا ورحت للدكتور بعد ماقدمت على الفيزا اون لاين اعطيته رقم TRN وقالي انه ادخل النتيجه اون لاين اتصلت على المكتب قالي انه راسلهم وارسلتلهم السفاره ان الفحص باقي ماارسل وانا خايف والله يطلع هالدكتور من طينة النصاب هذاك لانه من نفس جنسيته بصراحه وماصرت اثق فيهم

وموفقين انشالله

• نشر عبر تويتر
• نشر عبر فيسبوك
• نشر عبر جوجل